Potloead
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'ne Potloead of 'n bliestif is e sjriefgerei womit me kan sjrieven en teikenen op pepier en anger oppervlakdjes. 'ne Potloead besteit oet 'n stif, 't loead, van klei en grafiet en 'ne ómhölsel, meis gemaak van hout. Wen 'ne potloead bot wuuert kan m'n 'm sjerp make mit 'ne slieper (of ieërehaer mit e mets); hiemit duit me de stif vriemake door hout eweg te sliepe. Veur faelers te herstèlle kan m'n 'ne gum broeke.
Door mitte stif vanne potloead euver 't pepier te trèkke maak me strepe. 'ne Gewuuene potloead guuef 'n zilvergries kluuer aaf, mer 't haet ouch kluuerpotloeajen in alle kluuere. Mit dees potloeaje duit me veural teikenen en vlaken inkluueren en neet zozieër sjrieve.
Potloeaje bestaon in versjillige sterkdjes: wie mieë klei en wie minder grafiet guuef 'nen heldere puntj. Ouch guuef 't potloeaje die bestaon oet 'n ómhölsel geliekendj 'n pen en 'n völling die me kan vervange wen die op is.
d'n Ieëste grafietpotloead woort in 1794 oetvónje door Nicolas-Jacques Conté.
Bie 't stummen in verkeziginge broek me de stumpotloead; dezen is meis roead van kluuer.
