Duiven

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Liegking van Duiven in de provincie Gelderland

Duiven (Kleverlands: Duve) ies 'n plaats en gemeinte in de Nederlandse provincie Gelderland. 't Liek in de Liemers, 6 kilomaeter ten zuudoaste van Arnhem. De gemeinte haet 25.564 inweunersj (1 januari 2006, brón: CBS) en haet 'n oppervlak van 35,15 km² (daovan 0,48 km² water). Behalve de hoofplaats Duiven haet de gemeinte de kerne Groessen en Loo.

De gemeinte liek aan de A12 van Arnhem nao Oberhausen. D'r ies 'n treinsjtasie aan de lien Arnhem-Doetinchem-Winterswijk.

Historie

Vlag van de gemeinte Duiven

In 'n akte oet 838 were de kèrke van Duiven ("Thuvine") en Groessen veur 't ièrsj vermeld. Besjtuurlik gezeen huèrde Duiven lang bie Kleef; later kaom dit in heng van 't keurvoorsjtedóm Brandenburg, dat opgóng in 't keuninkriek Pruusje. In 1816 kaom Duiven definitief bie Nederland.

Van 1986 bies 1994 waor Duiven es greujkern aangeweze, woadoor 't inweuneraantal hendig toenaom.

Bezeenswaerdighede

't Centrum van Duiven ies 't Remigiusplein, woa de katholieke Remigiuskèrk liek, mèt 'ne twelfde-ièwse tore. Ouch liegke d'r nog 'n paar ouw boerderieje, bieveurbeeld de Magerhorst (1549).

Groessen haet ouch 'n katholieke kèrk mèt romaanse tore. Wiejer liek dao 't hoes Rijswijk.

Gebore

• Roos Reebergen, zengeres vaan Roosbeef

Externe link

• Website van de gemeinte