Jump to content

Epistemolojia

Edita lias
Article bon
De Vicipedia

Epistemolojia es la ramo de filosofia cual esamina la natur, orijina e limitas de sabe. Lo esplora tipos diferente de sabe, como sabe proposal sur fatos, sabe pratical en la forma de capasias, e sabe par conose como un conose par esperia. Epistemolojistes studia la consetas de crede, veria e justi per comprende la natur de sabe. Per descovre como sabe emerji, los investiga fontes de justi, como persepi, introspeta, memoria, razona e atesta.

La scola de seticisme pone en duta la capasia umana per ateni sabe e falibilisme dise ce sabe es nunca serta. Empiricalistes afirma ce tota sabe veni de esperia sensal, ma razonalistes afirma ce alga sabe no depende de lo. Coerentistes argumenta ce un crede es justida si lo coere con otra credes. Fundalistes, en contrasta, manteni ce la justi de credes fundal no depende de otra credes. Internisme e esternisme no acorda esce justi es determinada sola par states mental o ance par situas esterna.

Ramos separada de epistemolojia es dedicada a sabe trovada en campos spesifada, como sabe siensal, matematical, moral e relijiosa. Epistemolojia naturalida depende de metodos e descovres empirical, ma epistemolojia formal usa utiles formal de lojica. Epistemolojia sosial investiga la aspeta comunial de sabe e epistemolojia istorial esamina sua situa istorial. Epistemolojia es prosima relatada a psicolojia, cual descrive la credes cual persones teni, ma epistemolojia studia la normas cual governa la evalua de credes. Lo crusa ance con campos como la teoria de deside, educa e antropolojia.

Refletas temprana sur la natur, fontes e estende de sabe es trovada en filosofia elinica, barati e xines antica. La relata entre razona e crede relijiosa ia es un tema sentral en la periodo medieval. La eda moderna ia es marcada par la perspetivas contrastante de empiricalisme e razonalisme. Epistemolojistes en la sentenio 20 ia esamina la composantes, strutur e valua de sabe e integra intuis de la siensas natural e linguistica.

Definis

[edita | edita la fonte]

Epistemolojia es la studia filosofial de sabe. Ance nomida la teoria de sabe, lo esamina cual sabe es e cual tipos de sabe esiste. Lo investiga ance la fontes de sabe, como persepi, dedui e atesta per determina como sabe es creada. Un otra tema es la estende e limitas de sabe, frontinte demandas sur cual persones pote e no pote sabe.[1] Otra consetas sentral inclui crede, veria, justi, demostra e razona.[2] Epistemolojia es un de la ramos xef de filosofia estra campos como etica, lojica e metafisica.[3] La terma es ance usada con un sinifia pico diferente per refere no a la ramo de filosofia ma a un loca spesifada en acel ramo, como en la epistemolojia de Platon e la epistemolojia de Immanuel Kant.[4]

Como un campo normida de investiga, epistemolojia esplora como persones debe oteni credes. En esta modo, lo determina cual credes sasia la normas o goles epistemolojial de sabe e cual fali, tal furninte un evalua de credes. Campos descrivente de investiga, como psicolojia e sosiolojia cognisial, es ance interesada en credes e prosedes cognisial relatada. No como epistemolojia, los studia la credes cual persones ave e como persones oteni los en loca de esamina la normas evaluante de esta prosedes.[5][lower-alpha 1] Epistemolojia es pertinente a multe campos descrivente e normida, como la otra ramos de filosofia e la siensas, par esplora la prinsipes de como los pote ariva a sabe.[8]

La parola epistemolojia veni de la termas elinica antica ἐπιστήμη (episteme, sinifiante sabe o comprende) e λόγος (logos, sinifiante studia de o razona), leteral, la studia de sabe. Ma, an si filosofistes elinica antica ia pratica cual es oji considerada como epistemolojia, los no ia comprende sua investigas en esta termas. La parola ia es sola creada en la sentenio 19 per eticeta esta campo e conseta lo como un ramo diferente de filosofia.[9][lower-alpha 2]

Consetas sentral

[edita | edita la fonte]

Sabe

[edita | edita la fonte]
Article xef: Sabe

Sabe es un consensia, conose, comprende, o capasia. Sua formas variosa inclui tota un susede cognisial tra cual un person fa contata epistemolojial con realia.[14] Sabe es tipal comprendeda como un aspeta de individuas, jeneral como un state mental cognisial cual aida los comprende, interprete, e interata con la mundo. An si esta sensa nucleal es de interesa spesial a epistemolojistes, la terma ance ave otra sinifias. Comprendeda a un nivel sosial, sabe es un cualia de un grupo de persones ci comparti ideas, comprende, o cultur en jeneral.[15] La terma pote ance refere a informa retenida en documentos, como "sabe retenida en la biblioteca"[16] o sabe retenida en computadores en la forma de la banco de sabe de un sistem esperta.[17]

Sabe contrasta con nonsabe, cual es frecuente simple definida como la asentia de sabe. Sabe es usual acompaniada par nonsabe car persones rara ave sabe completa de un campo, cual forsa los a depende de informa noncompleta o nonserta cuando los fa desides.[18] An si multe formas de nonsabe pote es diminuida par educa e rexerca, on ave alga limitas a la comprende umana cual causa nonsabe nonevitable.[19] Alga limitas es inerente en la capasias cognisial umana mesma, como la noncapasia de sabe fatos tro complicada per la mente umana a conseta.[20] Otras depende de situas esterna cuando no asede a la informa pertinente esiste.[21]

Epistemolojistes no acorda sur cuanto persones sabe, per esemplo, esce credes falable sur cosas dial pote deveni sabe o esce sertia asoluta es nesesada. La vista la plu sever es afirmada par seticas radical, ci argumenta ce on ave tota no sabe.[22]

Tipos

[edita | edita la fonte]
Foto de Bertrand Russell
La distingui entre sabe proposal e conose jua un rol sentral en la epistemolojia de Bertrand Russell. [23]

Epistemolojistes distingui entre tipos diferente de sabe.[24] Sua interesa prima es en sabe de fatos, nomida sabe proposal.[25][lower-alpha 3] Lo es un sabe teorial cual on pote espresa en frases declarante usante un proposa con "ce", como "Ravi sabe ce cangarus salta".[27] Epistemolojistes frecuente comprende lo como un relata entre el ci sabe e un proposa sabeda, en la caso a supra entre la person Ravi e la proposa "cangarus salta".[26] Lo es nondependente de usa car lo no es liada a un intende spesifada. Lo es un representa mental cual depende de consetas e ideas per depinta realia.[28] Par causa de sua natur teorial, on frecuente crede ce sola viventes relativa sofisticada, como umanas, posese sabe proposal.[29]

Sabe proposal contrasta con sabe nonproposal en la forma de sabe prosedal e conose.[30] Sabe prosedal es un capasia pratical, como sabe leje o prepara lasanie.[31] Lo es usual liada a un gol spesifada e no mestrida en la astrata sin pratica concreta.[32] Conose alga cosa sinifia es familiarida con lo par causa de contata esperial. Esemplos es conose la site Perth, conose la sabor de tsampa, e conose Marta Vieira da Silva personal.[33]

Un otra distingui influente es entre sabe a posteriori e a priori.[34] Sabe a posteriori es sabe de fatos empirical fundida sur esperia sensal, como vide ce la sol brilia e ole ce un peso de carne es putrida.[35] Sabe cual parteni a la siensas empirical e sabe de cosas dial parteni a sabe a posteriori. Sabe a priori es sabe de fatos nonempirical e no depende de demostra de esperia sensal. Lo parteni a campos como matematica e lojica, como sabe ce .[36] La contrasta entre sabe a posteriori e a priori jua un rol sentral en la debate entre empiricalistes e razonalistes sur esce tota sabe depende de esperia sensal.[37]

Depinta de Immanuel Kant
La distingui analisal-sintesal ave sua orijina en la filosofia de Immanuel Kant.[38]

Un contrasta prosima relatada es entre verias analisal e sintesal. Un frase es analisal vera si sua veria depende sola de la sinifia de la parolas cual lo usa. Per esemplo, la frase "tota orfanes ave jenitores mor" es analisal vera car la parola "orfan" inclui ja la sinifia "ave jenitores mor". Un frase es sintesal vera si sua veria depende de fatos ajuntada. Per esemplo, la frase "neva es blanca" es sintesal vera car sua veria depende de la color de neva en ajunta a la sinifias de la parolas neva e blanca. Sabe a priori es prima asosiada con frases analisal ma sabe a posteriori es prima asosiada con frases sintesal. Ma, lo es controversa esce esta es vera per tota casos. Alga filosofistes, como Willard Van Orman Quine, rejeta la distingui, disente ce on ave no verias analisal.[39]

Analise

[edita | edita la fonte]
Article xef: Definis de sabe

La analise de sabe es la atenta identifia la composantes esensal o nesesadas de tota e sola states de sabe proposal. Seguente la analise tradisional,[lower-alpha 4] sabe ave tre composantes: lo es un crede cual es justida e vera.[41] En la dui du de la sentenio 20, esta vista ia es poneda en duta par un serie de esperimentas de pensa cual ia atenta mostra ce alga credes justida e vera no es sabe.[42] En un de los, un person no conose tota la granerias falsa en sua area. Par coaveni, el para ante la sola graneria vera e formi un crede justida e vera ce lo es un graneria vera.[43] Multe epistemolojistes acorda ce esta no es sabe car la justi no es direta pertinente a la veria.[44] Plu spesifada, esta e contraesemplos simil envolve alga forma de fortuna epistemolojial, pd un susede cognisial cual resulta de situas fortunosa en loca de capasia.[45]

Scema de composantes de sabe
La analise tradisional dise ce sabe es crede justida e vera. Edmund Gettier ia atenta mostra ce alga credes justida e vera no es sabe.

Seguente esta esperimentas de pensa, filosofistes ia proposa definis variosa e alternativa de sabe par cambia o estende la analise tradisional.[46] Seguente un vista, la fato conoseda debe causa la crede en la modo coreta.[47] Un otra teoria afirma ce la crede es la produida de un prosede fidable de formi credes.[48] Otra prosimis nesesa ce la person no ta ave la crede si lo ta es falsa,[49] ce la crede no es deduida de un falsia,[50] ce la justi no pote es suminida,[51] o ce la crede es nonfalable.[52] On ave no consensa sur cual de la cambias e reconsetas proposada es coreta.[53] Alga filosofistes, como Timothy Williamson, rejeta la suposa fundal cual suporta la analise de sabe par argumenta ce sabe proposal es un state unica cual no pote es divideda en composantes plu simple.[54]

Valua

[edita | edita la fonte]

La valua de sabe es la merita cual lo teni par estende comprende e gida ata. Sabe pote ave valua strumental par aida un person ateni sua goles.[55] Per esemplo, sabe de un maladia aida un dotor a cura sua pasiente, e sabe de cuando un intervisa de emplea comensa aida un aspiror a ariva a tempo.[56] La usosia de un fato conoseda depende de la situa. Sabe de alga fatos pote ave poca o no usas, como memori numeros de telefon acaso de un libro de telefon desvalidida.[57] Es capas de evalua la valua de sabe importa en eleje cual informa on debe oteni e transmete a otras. Lo afeta desides como cual temas on debe ensenia a scola e como asinia mone a projetas de rexerca.[58]

De interesa spesial a epistemolojistes es la demanda de esce sabe es plu valuada ca un mera opina cual es vera.[59] Sabe e opina vera ave frecuente un usosia simil car ambos es representas esata de realia. Per esemplo, si un person vole vade a Larissa, un opina vera sur como ariva ala pote aida el en la mesma modo como sabe.[60] Platon ia considera ja esta problem e ia sujesta ce sabe es plu bon car lo es plu stable.[61] Un otra sujesta foca a razona pratical. Lo proposa ce persones pone plu fida en sabe ca en mera credes vera cuando los fa concluis e deside cual los debe fa.[62] Un responde diferente dise ce sabe ave valua inerente, sinifiante ce lo es bon en se mesma nondependente de sua usosia.[63]

Crede e veria

[edita | edita la fonte]
Articles xef: Crede e Veria

Credes es states mental sur cual es la caso, como crede ce neva es blanca o ce Dio esiste.[64] En epistemolojia, los es frecuente comprendeda como disposas sujetal cual afirma o nega un proposa, cual pote es espresada en un frase declarante. Per esemplo, crede ce neva es blanca es afirma la proposa "neva es blanca". Seguente esta vista, credes es representas de como la mundo es. Los es retenida en memoria e pote es reprendeda cuando on pensa ativa sur realia o cuando on deside como ata.[65] Un vista diferente comprende credes como modeles condual o disposas per ata en loca de como cosas represental retenida en la mente. Esta vista dise ce crede ce on ave acua mineral en la friador es no plu ca un grupo de disposas condual relatada a acua mineral e la friador. Esemplos es la disposas per responde a demandas sur la presentia de acua mineral afirmante e vade a la friador cuando on sidi.[66] Alga teoristes nega la esiste de credes, disente ce esta conseta emprestada de psicolojia popular es un suprasimpli de prosedes psicolojial multe plu complicada.[67] Credes jua un rol sentral en debates epistemolojial variosa, cual covre sua state como un composante de sabe proposal, la demanda de esce persones ave controla sur e es respondosa per sua credes, e la tema de esce on ave grados de crede.[68]

Como disposas proposal, credes es vera o falsa dependente de esce los afirma un proposa vera o falsa.[69] Seguente la teoria de veria como coresponde, es vera sinifia sta en la relata coreta a la mundo par descrive esata como lo es. Esta sinifia ce veria es ojetal: un crede es vera si lo coresponde a un fato.[70] La teoria de veria como coere dise ce un crede es vera si lo parteni a un sistem coerente de credes. Un resulta de esta vista es ce veria es relativa car lo depende de otra credes.[71] Otra teorias de veria inclui teorias pratical, semantical, pluraliste, e deflaiste.[72] Veria jua un rol sentral en epistemolojia como un gol de prosedes cognisial e un composante de sabe proposal.[73]

Justi

[edita | edita la fonte]

En epistemolojia, justi es un cualia de credes cual sasia alga normas sur lo cual un person debe crede.[74] Seguente un vista comun, esta sinifia ce la person ave razonas sufisinte per ave esta crede car los ave informa cual suporta lo.[74] Un otra vista afirma ce un crede es justida si lo es formida par un prosede fidable de formi credes, como persepi.[75] La termas razonal, meritante e suportada es prosima relatada a la idea de justi e es a veses usada como sinonimes.[76] Justi es lo cual distingui credes justida de superstisio e divina fortunosa.[77] Ma, justi no garantia veria. Per esemplo, si un person ave demostra forte ma malgidante, los pote formi un crede justida cual es falsa.[78]

Epistemolojistes identifia frecuente justi como un composante de sabe.[79] Usual, los no es sola interesada en esce un person ave un razona sufisinte per ave un crede, conoseda como justi proposal, ma ance en esce la person ave la crede car o fundida sur[lower-alpha 5] esta razona, conoseda como justi doxastica. Per esemplo, si un person ave un razona sufisinte per crede ce un visineria es perilosa ma formi esta crede fundida sur superstisio alora los ave justi proposal ma manca de justi doxastica.[81]

Fontes

[edita | edita la fonte]

Fontes de justi es modos o capasias cognisial tra cual persones oteni justi. Fontes frecuente discuteda inclui persepi, introspeta, memoria, razona e atesta, ma on ave no acorda universal a cual grado tota los furni justi valida.[82] Persepi depende de organos sensal per oteni informa empirical. On ave formas variosa de persepi corespondente a stimulas fisical diferente, como persepi vidal, oreal, palpal, olal, e probal.[83] Persepi no es mera la reseta de impresas sensal ma un prosede ativa cual eleje, organiza e interprete siniales sensal.[84] Introspeta es un prosede prosima relatada focada no a ojetos fisical esterna ma a states mental interna. Per esemplo, vide un bus a un stasion de bus parteni a persepi ma senti fatiga parteni a introspeta.[85]

Razonalistes comprende razona como un fonte de justi per fatos nonempirical. Lo es frecuente usada per esplica como persones pote sabe verias matematical, lojical e consetal. Razona es la fonte de sabe deduinte, en cual un o alga credes es usada como premisas per suporta un otra crede.[86] Memoria depende de informa furnida par otra fontes, cual lo reteni e recorda, como recorda un numero de telefon persepida plu temprana.[87] Justi par atesta depende de informa cual un person comunica a un otra person. Esta pote aveni par parla a lunlotra ma pote ance aveni en otra formas, como un letera, un jornal e un blog.[88]

Otra consetas

[edita | edita la fonte]

Razonalia es prosima relatada a justi e la termas crede razonal e crede justida es a veses usada como sinonimes. Ma, razonalia ave un estende plu larga cual enclui ambos un lado teorial, covrente credes, e un lado pratical, covrente desides, intendes e atas.[89] On ave consetas diferente sur cual lo sinifia ce alga cosa es razonal. Seguente un vista, un state mental es razonal si lo es fundida sur o responde a razonas bon. Un otra vista asentua la rol de coere, afirmante ce razonalia nesesa ce la states mental diferente de un person es coerente e suporta lunlotra.[90] Un prosimi pico diferente afirma ce razonalia es sur la ateni de alga goles. Du goles de razonalia teorial es esatia e completia, sinifiante ce un person ave tan poca credes falsa e tan multe credes vera como posible.[91]

Normas epistemolojial es criterios per evalua la cualia cognisial de credes, como sua justi e razonalia. Epistemolojistes distingui entre normas deontica, cual es prescrives sur lo cual persones debe crede o lo cual credes es coreta, e normas axiolojial, cual identifia la goles e valuas de credes.[92] Normas epistemolojial es prosima relatada a virtuas epistemolojial o inteletal, cual es cualias de carater como abridia de mente e consiensosia. Virtuas epistemolojial aida individuas a formi credes vera e oteni sabe. Los contrasta con mal abituas epistemolojial e ata como consetas fundal de la epistemolojia de virtua.

Demostra cual suporta un crede es informa cual suporta lo. Epistemolojistes comprende demostra prima en termas de states mental, per esemplo, como impresas sensal o como otra proposas cual un person sabe. Ma en un sensa plu larga, lo pote ance inclui ojetos fisical, como manxas de sangue esaminada par analisores forense o rejistras finansial studiada par jornalistes investigosa.[93] Demostra es frecuente comprendeda en termas de probablia: demostra suportante un crede fa ce lo es plu probable ce la crede es vera.[94] Un vinsor es demostra cual refuta un crede o demostra cual sumina otra demostra suportante. Per esemplo, atesta cual lia un suspetada a un crimin es demostra suportante sua culpablia ma un alibi es un vinsor.[95] Evidentialistes analise justi en termas de demostra par dise ce per es justida, un crede nesesa la suporta de demostra sufisinte.[96]

La presentia de demostra afeta tipal duta e sertia, cual es disposas sujetal a proposas cual difere en relata a sua nivel de fida. Duta envolve nonconvinsedia sur la validia o veria de un proposa. Sertia, en contrasta, es un disposa afirmante forte, sinifiante ce la person no duta la veria de la proposa. En epistemolojia, duta e sertia jua roles sentral en atentas per trova un funda secur de tota sabe e en projetas setica cual atenta demostra ce no crede es imune a duta.[97]

An si sabe proposal es la tema xef en epistemolojia, alga teoristes foca a comprende en loca de sabe. Comprende es un idea plu oliste cual envolve un teni mental plu larga de un sujeto. Per comprende alga cosa, un person nesesa consensia de como cosas diferente es liada e perce los es como los es. Per esemplo, sabe de fatos isolida memorida de un libro de testo no es comprende. Seguente un vista, comprende es un bonia epistemolojial spesial cual, no como sabe, es sempre inerente valuada.[98] Sajia es simil en esta modo e es a veses considerada la bonia epistemolojial la plu alta. Lo inclui un comprende refletante con aplicas pratical. Lo aida persones teni mental e evalua situas complicada e vive un bon vive.[99]

Scolas de pensa

[edita | edita la fonte]

Seticisme, falablisme e relativisme

[edita | edita la fonte]

Seticisme filosofial pone en duta la capasia umana per ariva a sabe. Alga seticas limita sua critica a alga campos de sabe. Per esemplo, seticas relijiosa dise ce lo es nonposible per ave sabe serta sur la esiste de divines o otra dotrinas relijiosa. Simil, seticas moral pone en duta la esiste de sabe moral e seticas metafisical dise ce umanas no pote sabe realia ultima.[100]

Seticisme global es la forma la plu larga de seticisme, afirmante ce on ave no sabe en cualce campo.[101] En filosofia antica, esta vista ia es asetada par seticas academial ma seticas pironian ia recomenda la suspende de crede per ateni un state de calmia.[102] En tota, no multe epistemolojistes defende direta seticisme global. La influe de esta vista deriva xef de atentas par otra filosofistes per mostra ce sua teoria vinse la difisilia de seticisme. Per esemplo, René Descartes ia usa duta metodolojial per trova fatos cual no pote es dutada.[103]

Un considera cual suporta seticisme global es la argumenta de sonia. Lo comensa de la oserva ce, cuando persones sonia, los es usual nonsabente de esta. Esta noncapasia de distingui entre sonia e esperia normal es usada per argumenta ce on ave no sabe serta car un person es nunca serta ce el no es soniante.[104][lower-alpha 6] Alga criticas afirma ce seticisme global es un idea cual refuta se mesma car nega la esiste de sabe es un afirma sur sabe. Un otra refuta dise ce la razona astrata cual gida a seticisme no es sufisinte convinsente per nega sensa comun.[106]

Falablisme es un otra responde a seticisme.[107] Falablistes acorda con seticas ce sertia asoluta es nonposible. La plu de falablistes no acorda con seticas sur la esiste de sabe, disente ce on ave sabe car lo no nesesa sertia asoluta.[108] Los asentua la nesesa de manteni un mente abrida e demandante car duta no pote nunca es intera escluida, an per alegas de sabe bon instituida como teorias siensal bon probada.[109]

Relativisme epistemolojial es un vista relatada. Lo no nega la esiste de sabe en jeneral ma rejeta la idea ce on ave normas epistemolojial universal o prinsipes asoluta cual aplica egal a tota persones. Esta sinifia ce lo cual un person sabe depende de la criterios sujetal o convenis sosial usada per evalua la state epistemolojial.[110]

Empiricalisme e razonalisme

[edita | edita la fonte]
Articles xef: Empiricalisme e Razonalisme
Depinta de John Locke
Depinta de David Hume
John Locke e David Hume ia formi la filosofia de empiricalisme.

La debate entre empiricalisme e razonalisme es consentrada sur la orijinas de sabe umana. Empiricalisme asentua ce esperia sensal es la fonte prima de tota sabe. Alga empiricalistes espresa esta vista par afirma ce la mente es un tableta vacua cual developa sola ideas sur la mundo esterna de la datos sensal cual lo reseta de la organos sensal. Seguente los, la mente pote ariva a alga intuis ajuntada par compara impresas, combina los, jenerali per ariva a ideas plu astrata, e dedui concluis nova de los. Empiricalistes dise ce tota esta operas mental depende de materia de la sensas e no funsiona nondependente.[111]

An si razonalistes aseta tipal esperia sensal como un fonte de sabe,[lower-alpha 7] los dise ce formas importante de sabe veni ance direta de razona sin esperia sensal,[113] como sabe de verias matematical e lojical.[114] Seguente alga razonalistes, la mente posese ideas inata cual lo pote asede sin la aida de la sensas. Otras afrima ce on ave un capasia cognisial ajuntada, a veses nomida intui razonal, par cual persones oteni sabe nonempirical.[115] Alga razonalistes limita sua discute a la orijina de consetas, disente ce la mente depende de categorias inata per comprende la mundo e organiza esperia.[113]

Fundalisme e coerentisme

[edita | edita la fonte]

Fundalistes e coerentistes no acorda sur la strutur de sabe.[116][lower-alpha 8] Fundalisme distingui entre credes fundal e nonfundal. Un crede es fundal si lo es direta justida, sinifiante ce sua validia no depende de la suporta de otra credes.[lower-alpha 9] Un crede es nonfundal si lo es justida par un otra crede.[119] Per esemplo, la crede ce lo ia pluve a la note pasada es un crede nonfundal si lo es deduida de la oserva ce la strada es moiada.[120] Seguente fundalisme, credes fundal es la funda sur cual tota otra sabe es construida ma credes nonfundal constitui la suprastrutur cual reposa sur esta funda.[119]

Coerentistes rejeta la distingui entre credes fundal e nonfundal, disente ce la justi de cualce crede depende de otra credes. Los afirma ce un crede debe es en acorda con otra credes per deveni sabe. Esta es la caso si la credes es coerente e suporta lunlotra. Seguente coerentisme, justi es un aspeta oliste determinada par la sistem intera de credes, cual sembla un rede interliada.[121]

La vista de fundcoerentisme es un loca media cual combina elementos de ambos fundalisme e coerentisme. Lo aseta la distingui entre credes fundal e nonfundal ma afirma ce la justi de credes nonfundal depende de coere con otra credes.[122]

Infinitisme presenta un otra prosimi a la strutur de sabe. Lo acorda con coerentisme ce on ave no credes fundal ma rejeta la vista ce credes pote suporta lunlotra en un modo sirculo. En loca, lo argumenta ce credes formi cadenas infinita de justi, en cual cada lia de la cadena suporta la crede seguente lo e es suportada par la crede presedente lo.[123]

Internisme e esternisme

[edita | edita la fonte]
Foto de Alvin Goldman
Alvin Goldman ia es un defendor influente de esternisme.[lower-alpha 10]

La desacorda entre internisme e esternisme es sur la fontes de justi.[124][lower-alpha 11] Internistes dise ce justi depende sola de fatores en la individua. Esemplos de tal fatores inclui esperia persepal, memorias, e la posese de otra credes. Esta vista asentua la importa de la perspetiva cognisial de la individua en la forma de sua states mental. Lo es comun asosiada con la idea ce la fatores pertinente es asededa, sinifiante ce la individua pote deveni consensa de sua razonas per teni un crede justida con introspeta e refleta.[126]

Esternisme rejeta esta vista, disente ce a la min alga fatores pertinente es esterna a la individua. Esta sinifia ce la perspetiva cognisial de la individua es min sentral en cuando otra fatores, spesial la relata a veria, deveni plu importante.[126] Per esemplo, cuando on considera la crede ce un tas de cafe es sur la table, esternistes no es sola interesada en la esperia persepal cual ia gida a esta crede ma considera ance la cualia de la vide de la person, sua capasia de distingui cafe de otra bevidas, e la situas su cual el ia oserva la tas.[127]

Demostralisme es un vista interniste influente. Lo dise ce justi depende de la posese de demostra. En esta contesto, demostra suportante un crede es cualce informa en la mente de la individua cual suporta la crede.[128] Per esemplo, la esperia persepal de pluve es demostra suportante la crede ce lo pluve. Demostralistes ia sujesta otra formas variosa de demostra, incluinte memorias, intuis, e otra credes.[129] Seguente demostralisme, un crede es justida si la demostra de la individua suporta la crede e los manteni la crede par causa de esta demostra.[130]

Fidablisme es un teoria esterniste cual afirma ce un lia fidable entre crede e veria es nesesada per justi.[131] Alga fidablistes esplica esta en termas de prosedes fidable. Seguente esta vista, un crede es justida si lo es produida par un prosede fidable de formi credes, como persepi. Un prosede de formi credes es fidable si la plu de la credes cual lo causa es vera. Un vista pico diferente foca a credes en loca de prosedes de formi credes, disente ce un crede es justida si lo es un indicador fidable de la fato cual lo presenta. Esta sinifia ce la crede segue la fato: la person crede lo car lo es un fato ma no ta crede lo en otra modo.[132]

Epistemolojia de virtua es un otra tipo de esternisme e es a veses comprendeda como un forma de fidablisme. Lo dise ce un crede es justida si lo mostra virtuas inteletal. Virtuas inteletal es capasias o cualias cual fa funsionas cognisial e aida persones formi credes vera. Esemplos sujestada inclui capasias como vide, memoria, e introspeta.[133]

Otras

[edita | edita la fonte]

En la epistemolojia de persepi, realistes direta e nondireta no acorda sur la lia entre la persepor e la ojeto persepida. Realistes direta dise ce esta lia es direta, sinifiante ce on ave no difere entre la ojeto presente en la esperia persepal e la ojeto fisical cual causa esta esperia. Seguente realisme nondireta, la lia es nondireta car on ave cosas mental, como ideas o datos sensal, cual media entre la persepor e la mundo esterna. La contrasta entre realisme direta e nondireta es importante per esplica la natur de iludes.[134]

Construintisme en epistemolojia es la teoria ce como persones vide la mundo no es un refleta simple de realia esterna ma un inventa o un construi sosial. Esta vista asentua la rol creosa de interprete ma sumina ojetalia car construis sosial pote difere de sosia a sosia.[135]

Seguente contrastisme, sabe es un terma comparativa, sinifiante ce sabe alga cosa envolve distingui lo de alternativas pertinente. Per esemplo, si un person vide un avia en la jardin, el pote sabe ce lo es un pasaro en loca de un agila ma el pote no sabe ce lo es un pasaro en loca de un ologram nondistinguable de un pasaro.[136]

Conservalisme epistemolojial es un vista sur la revisa de credes. Lo dona prefere a la credes cual un person ave ja, afirmante ce un person debe sola cambia sua credes si el ave un razona bon per fa lo. Un motiva per adota conservalisme epistemolojial es ce la recursos cognisial de umanas es limitada, sinifiante ce lo no es posible reesamina constante cada crede.[137]

Epistemolojia praticaliste es un forma de falablisme cual asentua la relata prosima entre sabe e ata. Lo vide la persegue de sabe como un prosede continuante gidada par sensa comun e esperia ma sempre abrida a revisa.[138]

Epistemolojia bayesian es un prosimi formal fundida sur la idea ce persones ave grados de crede cual representa cuanto serta los es. Lo usa la teoria de probablia per defini normas de razonalia cual governa cuanto serta persones debe es sur sua credes.[139]

Epistemolojia fenomenolojial asentua la importa de esperia de person prima. Lo distingui entre la disposas natural e fenomenolojial. La disposa natural foca a ojetos cual parteni a sensa comun e siensa natural. La disposa fenomenolojial foca a la esperia de ojetos e atenta furni un descrive sin presuposa de como ojetos apare a la oservor.[140]

Spesifadisme e jeneralisme no acorda sur la metodo coreta de condui rexerca epistemolojial. Spesifadistes comensa sua investiga par regarda casos spesifada. Per esemplo, per trova un defini de sabe, los depende de sua intuis sur casos concreta de sabe e esperimentas de pensa spesial. Los usa esta oservas como constrinjes metodolojial cual cualce teoria de prinsipes plu jeneral nesesa segue. Jeneralistes prosede en la dirije oposante. Los dona prefere a prinsipes epistemolojial jeneral, disente ce lo no es posible esata identifia e descrive casos spesifada sin un comprende de esta prinsipes.[141] Otra metodos en epistemolojia contempora atenta estrae intuis filosofial de lingua comun o regarda la rol de sabe en fa afirmas e gida atas.[142]

Foto de Elizabeth Anderson
La labora de Elizabeth S. Anderson combina la perspetivas de epistemolojia femiste, sosial e naturalida.[143]

Epistemolojia posmoderna critica la situas de sabe en sosias avansada. Esta conserna spesial la metanara de un progresa constante de sabe siensal cual gida a un comprende universal e fundal de realia.[144] Epistemolojia femiste critica la efeto de jenero sur sabe. Entre otra temas, lo esplora como preconsetas sur jenero influe ci ave asede a sabe, como sabe es produida, e cual tipos de sabe es valuada en sosia.[145] Eruditia descoloninte critica la influe global de sistemes de sabe ueste, frecuente con la gol de descoloni sabe per suverti la ejemonia ueste.[146]

Scolas variosa de epistemolojia es trovada en filosofia barati tradisional. Multe de los foca a la fontes diferente de sabe, nomida pramāṇa. Persepi, dedui e atesta es fontes discuteda par la plu de scolas. Otra fontes considerada sola par alga scolas es nonpersepi, cual gida a sabe de asentias, e suposa.[147] Epistemolojia budiste tende foca a esperia direta, comprendeda como la presenta de spesifadas unica sin la envolve de prosedes cognisial du, como pensa e desira.[148] La epistemolojia de Nyāya discute la relata causal entre la sabente e la ojeto de sabe, cual aveni par prosedes fidable de formi sabe. Lo vide persepi como la fonte prima de sabe, identifiante un lia prosima entre lo e ata susedosa.[149] La epistemolojia de Mīmāṃsā comprende la scrivedas santa conoseda como la Vedas como un fonte clavin de sabe e discute la problem de sua interprete coreta.[150] Epistemolojia jain afirma ce realia es multifasal, sinifiante ce no vista singular pote catura la intera de veria.[151]

Ramos

[edita | edita la fonte]

Alga ramos de epistemolojia foca a la problemes de sabe en disiplinas academial spesifada. La epistemolojia de siensa esamina como sabe siensal es jenerada e cual problemes emerji en la prosede de valida, justi, e interprete alegas siensal. Un tema clavin conserna la problem de como oservas individua pote suporta leges siensal universal. Otra temas inclui la natur de demostra siensal e la goles de siensa.[152] La epistemolojia de matematica studia la orijina de sabe matematical. En esplora como teorias matematical es justida, lo investiga la rol de demostras e esce on ave fontes empirical de sabe matematical.[153]

Problemes epistemolojial es trovada en la plu de areas de filosofia. La epistemolojia de lojica esamina como persones sabe ce un argumenta es valida. Per esemplo, lo esplora como lojicistes justi ce modus ponens es un regula de dedui coreta o ce tota contradises es falsa.[154] Epistemolojistes de metafisica investiga esce sabe de realia ultima es posible e cual fontes esta sabe ta ave.[155] Sabe de afirmas moral, como la afirma ce menti es mal, parteni a la epistemolojia de etica. Lo studia la rol de intuis etical, coere entre credes moral, e la problem de desacorda moral.[156] La etica de crede es un campo prosima relatada cual trata la interelata entre epistemolojia e etica. Lo esamina la normas cual governa la formi de credes e demanda esce viole los es moral mal.[157]

Epistemolojia relijial studia la rol de sabe e justi per dotrinas e praticas relijiosa. Lo evalua la pesa e fidablia de demostra de esperia relijial e scrivedas santa ma demanda ance esce la normas de razona debe es aplicada a fida relijial.[158] Epistemolojia sosial foca a la dimension sosial de sabe. An si epistemolojia tradisional es xef interesada en sabe poseseda par individuas, epistemolojia sosial trata la oteni, transmete e evalua de sabe en grupos, con asentua spesial a como persones depende de lunlotra cuando los xerca sabe.[159] Epistemolojia istorial esamina como la comprende de sabe e consetas relatada ia cambia tra tempo. Lo demanda esce la temas xef en epistemolojia es perene e a cual grado teorias epistemolojial pasada es pertinente a debates contempora. Lo es spesial consernada con sabe siensal e praticas asosiada con lo.[160] Lo contrasta con la istoria de epistemolojia, cual presenta, reconstrui e evalua teorias epistemolojial de filosofistes en la pasada.[161][lower-alpha 12]

Epistemolojia naturalida es prosima asosiada con la siensas natural, dependente de sua metodos e teorias per esamina sabe. Epistemolojistes naturaliste foca a oserva empirical per formula sua teorias e critica frecuente prosimis epistemolojial cual prosede par razona a priori.[163] Epistemolojia evolual es un prosimi naturaliste cual comprende cognisio como un produida de evolui, esaminante sabe e la capasias cognisial cual capasi lo de la perspetiva de eleje natural.[164] Epistemolojistes de lingua esplora la natur de sabe lingual. Un de sua temas es la rol de sabe induinte, per esemplo, cuando parlores nativa mestre la regulas de gramatica ma no es capas de espresa clar acel regulas..[165] Epistemolojistes de modalia esamina sabe sur lo cual es posible e nesesada.[166] Problemes epistemolojial cual emerji cuando du persones ave opinas diverjente sur un tema es tratada par la epistemolojia de desacorda.[167] Epistemolojistes de nonsabe es interesada en falias e bucos epistemolojial en sabe.[168]

On ave areas distinguida de epistemolojia dedicada a fontes spesifada de sabe. Esemplos es la epistemolojia de persepi, la epistemolojia de memoria e la epistemolojia de atesta.

Alga ramos de epistemolojia es marcada par sua metodo de rexerca. Epistemolojia formal emplea utiles formal trovada en lojica e matematica per investiga la natur de sabe.[169][lower-alpha 13] Epistemolojistes esperimental depende en sua rexerca de demostra empirical sur praticas comun de sabe.[171] Epistemolojia aplicada foca a la aplica pratical de prinsipes epistemolojial a problemes diversa de la mundo real, como la fidablia de afirmas de sabe en la interede, como evalua alegas de ataca sesal, e como razisme pote gida a nonjustia epistemolojial.[172][lower-alpha 14]

Metaepistemolojistes esamina la natur, goles e metodos de rexerca de epistemolojia. Como un metateoria, lo no defende direta un vista sur cual teorias epistemolojial es coreta ma esamina sua consetas fundal e suposas fondal.[174][lower-alpha 15]

Campos relatada

[edita | edita la fonte]

Epistemolojia e psicolojia no ia es definida como campos diferente asta la sentenio 19; investigas plu temprana sur sabe frecuente no conveni esata a la categorias academial de oji.[176] Ambos campos contempora studia credes e la prosedes mental cual formi e cambia los. Un contrasta importante es ce psicolojia descrive cual credes persones ave e como los oteni los, e en esta modo, lo esplica perce algun ave un crede spesifada.[177] La foca de epistemolojia es a la evalua de credes, gidante a un judi sur esce un crede es justida e razonal en un caso spesifada. Epistemolojia ave un lia simil intima a siensa cognisial, cual comprende avenis mental como prosedes cual transformi informa.[178] Inteleto artifis depende de la intuis de epistemolojia e siensa cognisial per reali solves concreta a problemes asosiada con la representa de sabe e razona automata.[179]

Lojica es la studia de razona coreta. Per epistemolojia, lo es pertinente a sabe deduinte, cual emerji cuando un person razona de un fato conoseda a un otra.[180] Esta es la caso, per esemplo, si un person no sabe direta ce ma dedui lo car el sabe ce , e .[181] Esce un crede deduinte deveni sabe depende de la forma de razona usada, spesial, esce la prosede no viole la leges de lojica.[182] Un otra tema compartida par la du campos es trovada en la prosimi epistemolojial a la teoria de falasias.[183] Falasias es argumentas defetosa fundida sur razona noncoreta.[184] La prosimi epistemolojial a falasias esplica perce los es defetosa, afirmante ce argumentas atenta estende sabe. Seguente esta vista, un argumenta es un falasia si lo fali fa tal. Un otra crusa es trovada en lojica epistemolojial, cual usa aparatos lojical formal per studia consetas epistemolojial como sabe e crede.[185]

Ambos teoria de deside e epistemolojia es interesada en la fundas de pensa razonal e la rol de credes. No como multe prosimis en epistemolojia, la foca xef de teoria de deside es min en la lado teorial e plu en la lado pratical, esplorante como credes es traduida a ata.[186] Teoristes de deside esamina la razona envolveda en fa desides e la normas de desides bon.[187] Los identifia credes como un aspeta sentral de fa desides. Un de sua inovas es distingui entre credes plu debil e plu forte. Esta aida los a atende la efeto de nonsertias sur desides.[188]

Epistemolojia e educa ave un interesa compartida en sabe, con un difere esente ce educa foca a la transmete de sabe, esplorante la roles de ambos la aprendor e la ensenior.[189] Teoria de aprende esamina como persones oteni sabe.[190] Teorias de aprende condual esplica la prosede en termas de cambias de condui, per esemplo, par asosia un responde spesifada con un stimula spesial.[191] Teorias de aprende cognisial studia como la prosedes cognisial cual afeta la oteni de sabe transformi informa.[192] Pedagojia regarda la transmete de sabe de la lado de la ensenior, esplorante la metodos de ensenia cual los pote usa.[193] En metodos consentrada a la ensenior, la ensenior jua la rol de la autoria xef cual furni sabe e gida la prosede de aprende. En metodos consentrada a la studiante, la ensenior xef suporta e fasili la prosede de aprende en cuando la studiantes jua un rol plu ativa.[194] La credes cual studiantes ave sur sabe, nomida epistemolojia personal, afeta sua developa inteletal e susede de aprende.[195]

La antropolojia de sabe esamina como sabe es otenida, retenida, reprendeda, e comunicada. Lo studia la situas sosial e cultural cual afeta como sabe es reproduida e cambia, tratante la rol de instituidas como departes de universia e jornales siensal e ance discutes con fas a fas e comunicas enlinia. Lo comprende sabe con un sinifia larga cual inclui formas variosa de comprende e cultur, como capasias pratical. No como epistemolojia, lo no es interesada en esce un crede es vera o justida ma en como comprende es reproduida en sosia.[196] La sosiolojia de sabe es un campo prosima relatada con un conseta simil de sabe. Lo esplora como fatores fisical, demografial, economial e sosiocultural afeta sabe. Lo esamina en cual contestos sosioistorial sabe emerji e la efetos cual lo ave a persones, per esemplo, como situas sosioeconomial es relatada a la ideolojia dominante en un sosia.[197]

Istoria

[edita | edita la fonte]

Refletas temprana sur la natur e fontes de sabe es trovada en istoria antica. En filosofia elinica antica, Platon (427–347 aec) ia studia lo cual sabe es, esaminante como lo difere de opina vera par es fundida sur razonas bon.[198] Seguente el, la prosede de aprende alga cosa es un forma de recorda en cual la spirito recorda lo cual lo ia sabe ja a ante.[199][lower-alpha 16] Aristotele (384–322 aec) ia es spesial interesada en sabe siensal, esplorante la rol de esperia sensal e como fa deduis de prinsipes jeneral.[200] La scolas eliniste ia comensa emerji en la sentenio 4 aec. La epicuristes ia ave un perspetiva empiricaliste, afirmante ce sensas es sempre esata e servi como la norma suprema de judis.[201] La stoicas ia defende un vista simil ma ia limita se a sensas clar e spesifada, cual los ia regarda como vera.[202] La seticas ia ave duta sur esce sabe es posible, recomendante en loca la suspende de judi per ariva a un state de calmia.[203]

Statua de Dharmakirti
La filosofiste budiste Dharmakirti ia developa un teoria causal de sabe.[204]

La Upanixades, scrivedas filosofial composada en Barat antica entre 700 e 300 aec, ia esamina como persones oteni sabe, incluinte la rol de introspeta, compara e dedui.[205] En la sentenio 6 aec, la scola de Ajñana ia developa un seticisme radical cual pone en duta la posiblia e usosia de sabe.[206] La scola de Nyāya ia emerji en la sentenio 2 aec e ia furni un trata sistemosa de como persones oteni sabe, distinguinte entre fontes valida e nonvalida.[207] Cuando filosofistes budiste ia deveni plu tarda interesada en epistemolojia, los ia depende de consetas developada en Nyāya e otra tradisiones.[208] La filosofiste budiste Dharmakirti (sentenio 6 o 7 ec)[209] ia analise la prosede de sabe como un serie de avenis causal relatada.[204]

Filosofistes xines antica ia comprende sabe como un fenomeno interliada fundal liada a condui etical e envolve sosial. Multe ia vide sajia como la gol de ateni sabe.[210] Mozi (470–391 aec) ia proposa un prosimi praticaliste a sabe usante rejistras istorial, demostra sensal, e resultas pratical per validi credes.[211] Mencius (sirca 372–289 aec) ia esplora razona analoja como un otra fonte de sabe.[212] Xunzi (sirca 310-220 aec) ia atenta combina oserva empirical e investiga razonal. El ia asentua la importa de claria e normas de razona sin esclui la rol de senti e emosia.[213]

La relata entre razona e fida ia es un tema sentral en la periodo medieval. En filosofia arabi-persian, al-Farabi (sirca 870–950) e Averroes (1126–1198) ia discute como filosofia e teolojia interata e cual es la veculo plu bon a veria. Al-Ghazali (sirca 1056–1111) ia critica multe de la ensenias xef de filosofistes muslim presedente, disente ce los depende de suposas nonprobada cual no deveni sabe.[214] En filosofia ueste, Anselmo de Canterbury (1033–1109) ia proposa ce ensenia teolojial e demanda filosofial es en armonia e completi lunlotra.[215] Peter Abelard (1079–1142) ia argumenta contra autorias teolojial nondemandada e ia dise ce tota cosas es abrida a duta razonal.[216] Influeda par Aristotele, Thomas Aquinas (1225–1274) ia developa un teoria empiricaliste, afirmante ce "no cosa es en la inteleto estra si lo ia prima apare en la sensas".[217] Seguente un forma temprana de realisme direta proposada par William de Ockham (sirca 1285–1349), persepi de ojetos nondependente de la mente aveni direta sin medias.[218] Entretempo, en la sentenio 14 en Barat, Gaṅgeśa ia developa un teoria fidabliste de sabe e ia considera la problemes de atesta e falasias.[219] En Xina, Wang Yangming (1472–1529) ia esplora la unia de sabe e ata, credente ce sabe moral es inata e pote es atenida par vinse interesa personal.[220]

Depinta de René Descartes
René Descartes ia usa duta metodolojial per xerca fundas serta per filosofia.

La curso de filosofia moderna ia es formida par René Descartes (1596–1650), ci ia afirma ce filosofia debe comensa de un loca de sabe nondutable de prinsipes prima. Inspirada par seticisme, el ia atenta trova sabe asoluta serta par identifia verias cual no pote es dutada. El ia pensa ce esta es la caso per la afirma "me pensa, donce me es", de cual el ia construi la resta de sua sistem filosofial.[221] Descartes, con Baruch Spinoza (1632–1677) e Gottfried Wilhelm Leibniz (1646–1716), ia parteni a la scola de razonalisme, cual afirma ce la mente posese ideas inata nondependente de esperia.[222] John Locke (1632–1704) ia rejeta esta vista en favore de un empiricalisme cual afirma ce la mente es un tableta vacua. Esta sinifia ce tota ideas depende de esperia sensal, o como "ideas de sensa", cual es direta presentada par la sensas, o como "ideas de refleta", cual la mente crea par refleta sur ideas de sensa.[223] David Hume (1711–1776) ia usa esta idea per esplora la limitas de lo cual persones pote sabe. El ia dise ce sabe de fatos es nunca serta, ajuntante ce sabe de relatas entre ideas, como verias matematical, ta pote es serta ma conteni no informa sur la mundo.[224] Immanuel Kant (1724–1804) ia atenta trova un vista media entre razonalisme e empiricalisme par identifia un tipo de sabe cual ia manca de Hume. Per Kant, esta es sabe sur prinsipes cual suporta tota esperia e struturi lo, como relatas spasial e tempal e categorias fundal de comprende.[225]

En la sentenio 19, Georg Wilhelm Friedrich Hegel (1770–1831) ia argumenta contra empiricalisme, disente ce impresas sensal solitar no pote deveni sabe car tota sabe es ativa struturida par la sujeto sabente.[226] John Stuart Mill (1806–1873) ia defende un forma vasta de empiricalisme e ia esplica sabe de verias jeneral con razona induinte. Charles Peirce (1839–1914) ia pensa ce tota sabe es falable, asentuante ce xercores de sabe debe sempre es preparada per revisa sua credes si demostra nova es encontrada. El ia usa esta idea per argumenta contra fundalisme cartesian cual xerca verias asoluta serta.[227]

En la sentenio 20, falablisme ia es plu esplorada par J. L. Austin (1911–1960) e Karl Popper (1902–1994).[228] En filosofia continental, Edmund Husserl (1859–1938) ia aplica la idea setica de suspende judi a la studia de esperia. Par no judi esce un esperia es esata o no, el ia atenta descrive la strutur interna de esperia en loca.[229] Positivistes lojical, como A. J. Ayer (1910–1989), ia dise ce tota sabe es o empirical o analisal.[230] Bertrand Russell (1872–1970) ia developa un teoria empiricaliste de datos sensal, distinguinte entre sabe direta par conose de datos sensal e sabe nondireta par descrive, cual es deduida de sabe par conose.[231] Sensa comun ia ave un loca sentral en la epistemolojia de G. E. Moore (1873–1958). El ia usa oservas trivial, como la fato ce el ave du manos, per argumenta contra teorias filosofial astrata cual devia de sensa comun.[232] Filosofia de lingua comun, como praticada par Ludwig Wittgenstein (1889–1951), es un prosimi simil cual atenta estrae intuis epistemolojial de como lingua comun es usada.[233]

Edmund Gettier (1927–2021) ia conseta contraesemplos contra la idea ce sabe es la mesma como crede justida e vera. Esta contraesemplos ia stimula multe filosofistes a sujesta definis alternativa de sabe.[234] Un de la alternativas considerada ia es fidablisme, cual dise ce sabe nesesa fontes fidable, movente la foca a via de justi.[235] Epistemolojia de virtua, un responde prosima relatada, analise la formi de credes en termas de la virtuas inteletal o capasias cognisial envolveda en la prosede.[236] Epistemolojia naturalida, como consetada par Willard Van Orman Quine (1908–2000), usa consetas e ideas de la siensas natural per formula sua teorias.[237] Otra developas en la tarda de la sentenio 20 en epistemolojia ia es la emerji de epistemolojia sosial, femiste e istorial.[238]

Vide ance

[edita | edita la fonte]

Referes

[edita | edita la fonte]

Notas

[edita | edita la fonte]
  1. ↑ An con esta contrasta, epistemolojistes pote depende de trovadas de la siensas empiricaliste per formula sua teorias norminte.[6] Seguente un interprete, la gol de epistemolojia naturalida es responde demandas descrivente, ma esta interprete es disputada.[7]
  2. ↑ Como un nom per un ramo de filosofia, la terma "epistemolojia" ia es prima usada en engles en 1854 par James E. Ferrier.[10] En un contesto diferente, la parola ia es usada tan temprana como 1847 en Eclectic Magazine de New York per tradui Wissenschaftlehre (siensa de sabe) de filosofiste Johann Gottlieb Fichte.[11] Car la terma no esiste ante la sentenio 19, filosofistes temprana no ia usa lo per descrive sua teorias e ia esplora lo frecuente en combina con psicolojia.[12] Longo la filosofiste Thomas Sturm, cuanto pertinente problemes tratada par filosofistes pasada es a la filosofia contempora es un demanda abrida.[13]
  3. ↑ Alga sinonimes inclui sabe declarante e sabe descrivente.[26]
  4. ↑ La nom analise tradisional es disputada car lo sujeta aseta vasta en la istoria de filosofia, un idea no compartida par tota espertas.[40]
  5. ↑ La relata entre un crede e la razona cual suporta lo es nomida un relata fundinte.[80]
  6. ↑ La serebro en un tance es un esperimenta de pensa similar cual suposa ce un person no ave un corpo ma es sola un serebro cual reseta stimulas eletrical nondistinguable de la stimulas cual un serebro en un corpo ta reseta. Esta argumenta gida ance a la conclui de seticisme global fundida sur la afirma ce lo no es posible per distingui stimulas cual representa la mundo vera de stimulas simulada.[105]
  7. ↑ Alga formas de razonalisme estrema, trovada en filosofia elinica antica, comprende razona como la sola fonte de sabe.[112]
  8. ↑ On pote comprende ambos como respondes a la problem de regresa.[117]
  9. ↑ La teoria de fundalisme clasical ave un nesesada plu forte cual dise ce credes fundal es autoevidente o nondutable.[118]
  10. ↑ BonJour
  11. ↑ La debate interniste-esterniste es diferente de la debate sur internisme-esternisme de filosofia de mente, cual demanda esce states mental depende sola de la individua o ance de sua ambiente.[125]
  12. ↑ La natur esata de la contrasta es disputada.[162]
  13. ↑ Lo es prosima relatada a epistemolojia computal, cual esamina la interelata entre sabe e prosedes computal.[170]
  14. ↑ Nonjustia epistemolojial aveni cuando afirmas valida de sabe es rejetada o malrepresentada.[173]
  15. ↑ An tal, intuis metaespistemolojial pote ave efetos nondireta variosa sur disputas en epistemolojia.[175]
  16. ↑ Per argumenta per esta punto, Platon ia usa la esemplo de un xico slavida, ci susede responde a un serie de demandas sur jeometria an con ce el no ia studia jeometria a ante.[199]

Sitas

[edita | edita la fonte]
  1. ↑
  2. ↑
  3. ↑
  4. ↑
  5. ↑
  6. ↑ O′Donohue & Kitchener 1996, p. 2
  7. ↑
  8. ↑
  9. ↑
  10. ↑ Wolenski 2004, p. 3
  11. ↑
  12. ↑ Alston 2006, pp. 1–2
  13. ↑ Sturm 2011, pp. 308–309
  14. ↑
  15. ↑
  16. ↑
  17. ↑
  18. ↑
  19. ↑
  20. ↑
  21. ↑
  22. ↑
  23. ↑ Brown 2016, p. 104
  24. ↑
  25. ↑
  26. ↑ 26.0 26.1 Hetherington, "Knowledge", § 1b. Knowledge-That
  27. ↑
  28. ↑
  29. ↑ Pritchard 2013, p. 4
  30. ↑
  31. ↑
  32. ↑
  33. ↑
  34. ↑
  35. ↑
  36. ↑
  37. ↑
  38. ↑ Juhl & Loomis 2009, p. 4
  39. ↑
  40. ↑
  41. ↑
  42. ↑
  43. ↑
  44. ↑
  45. ↑
  46. ↑
  47. ↑ Crumley II 2009, pp. 67–68
  48. ↑ Ichikawa & Steup 2018, § 6.1 Reliabilist Theories of Knowledge
  49. ↑ Ichikawa & Steup 2018, § 5.1 Sensitivity
  50. ↑
  51. ↑ Crumley II 2009, p. 69
  52. ↑
  53. ↑
  54. ↑ Ichikawa & Steup 2018, § 7. Is Knowledge Analyzable?
  55. ↑
  56. ↑
  57. ↑ Pritchard 2013, pp. 11–12
  58. ↑
  59. ↑
  60. ↑
  61. ↑
  62. ↑ Pritchard, Turri & Carter 2022, § 6. Other Accounts of the Value of Knowledge
  63. ↑
  64. ↑
  65. ↑
  66. ↑
  67. ↑
  68. ↑
  69. ↑
  70. ↑
  71. ↑
  72. ↑
  73. ↑
  74. ↑ 74.0 74.1
  75. ↑
  76. ↑
  77. ↑ Ichikawa & Steup 2018, § 1.3 The Justification Condition
  78. ↑
  79. ↑ Blaauw & Pritchard 2005, pp. 92–93
  80. ↑ Silva & Oliveira 2022, pp. 1–4
  81. ↑
  82. ↑
  83. ↑
  84. ↑
  85. ↑ Steup & Neta 2024, § 5.2 Introspection
  86. ↑
  87. ↑
  88. ↑
  89. ↑
  90. ↑
  91. ↑
  92. ↑
  93. ↑
  94. ↑ McGrew 2011, p. 59
  95. ↑
  96. ↑
  97. ↑
  98. ↑
  99. ↑
  100. ↑
  101. ↑
  102. ↑
  103. ↑
  104. ↑
  105. ↑
  106. ↑
  107. ↑ Cohen 1998, § 1. The Philosophical Problem of Scepticism, § 2. Responses to Scepticism
  108. ↑
  109. ↑
  110. ↑
  111. ↑
  112. ↑ Lacey 2005a, p. 783
  113. ↑ 113.0 113.1
  114. ↑ Tieszen 2005, p. 175
  115. ↑
  116. ↑
  117. ↑ Bradley 2015, p. 170
  118. ↑ Blaauw & Pritchard 2005, p. 64
  119. ↑ 119.0 119.1
  120. ↑ Stairs 2017, p. 155
  121. ↑
  122. ↑
  123. ↑
  124. ↑
  125. ↑
  126. ↑ 126.0 126.1
  127. ↑ Crumley II 2009, p. 160
  128. ↑
  129. ↑ Mittag, § 2b. Evidence
  130. ↑ Crumley II 2009, pp. 99, 298
  131. ↑
  132. ↑
  133. ↑
  134. ↑
  135. ↑
  136. ↑
  137. ↑
    • Foley 1983, p. 165
    • Vahid, Lead section, § 1. Doxastic Conservatism: The Debate
  138. ↑
  139. ↑
  140. ↑
  141. ↑
  142. ↑
  143. ↑
  144. ↑
  145. ↑
  146. ↑
  147. ↑
  148. ↑
  149. ↑ Phillips 1998, § 2. Nyāya Reliabilism
  150. ↑ Phillips 1998, § 2. Mīmāṃsā Self-certificationalism
  151. ↑
  152. ↑
  153. ↑
  154. ↑ Warren 2020, § 6. The Epistemology of Logic
  155. ↑
  156. ↑
  157. ↑ Chignell 2018, Lead section
  158. ↑
  159. ↑
  160. ↑
  161. ↑ Sturm 2011, pp. 303–304, 08–309
  162. ↑ Sturm 2011, p. 304
  163. ↑
  164. ↑
  165. ↑ Barber 2003, pp. 1–3, 10–11, 15
  166. ↑ Vaidya & Wallner 2021, pp. 1909–1910
  167. ↑ Croce 2023, Lead section
  168. ↑ Maguire 2015, pp. 33–34
  169. ↑ Douven & Schupbach 2014, Lead section
  170. ↑
  171. ↑ Beebe 2017, Lead section
  172. ↑ Lackey 2021, pp. 3, 8–9, 13
  173. ↑
  174. ↑
  175. ↑ Gerken 2018, Lead section
  176. ↑ Alston 2006, p. 2
  177. ↑
  178. ↑
  179. ↑ Wheeler & Pereira 2004, pp. 469–470, 472, 491
  180. ↑
  181. ↑ Clark 2009, p. 516
  182. ↑ Stairs 2017, p. 156
  183. ↑ Hansen 2023, § 3.5 The Epistemic Approach to Fallacies
  184. ↑
  185. ↑
  186. ↑
  187. ↑ Steele & Stefánsson 2020, Lead section
  188. ↑
  189. ↑
  190. ↑
  191. ↑ Harasim 2017, p. 11
  192. ↑ Harasim 2017, pp. 11–12
  193. ↑
  194. ↑ Emaliana 2017, pp. 59–61
  195. ↑
  196. ↑
  197. ↑
  198. ↑
  199. ↑ 199.0 199.1 Pappas 1998, § Ancient Philosophy
  200. ↑
  201. ↑
  202. ↑
  203. ↑
  204. ↑ 204.0 204.1 Dunne 2006, p. 753
  205. ↑ Black, Lead section
  206. ↑
  207. ↑
  208. ↑
  209. ↑ Bonevac 2023, p. xviii
  210. ↑
  211. ↑
  212. ↑
    • Littlejohn, § 2c. Mencius (Mengzi, c. 372-289 B.C.E.) and Analogical Reasoning
    • Shen 2006, p. 216
  213. ↑
  214. ↑
  215. ↑
  216. ↑ Wolenski 2004, p. 11
  217. ↑
  218. ↑
  219. ↑
  220. ↑
    • Littlejohn, § 2g. Wang Yangming on liangzhi: Direct, Clear, Universal Knowledge, § 3h. Wang Yangming: Moral Willing as Knowing
    • Shen 2006, pp. 219–222
  221. ↑
  222. ↑
  223. ↑
  224. ↑
  225. ↑
  226. ↑
  227. ↑ Pappas 1998, § Modern Philosophy: From Hume to Peirce
  228. ↑
  229. ↑
  230. ↑ Hamlyn 2005, p. 262
  231. ↑
  232. ↑
  233. ↑ Hamlyn 2006, pp. 317–318
  234. ↑
  235. ↑
  236. ↑
  237. ↑ Crumley II 2009, pp. 183–184, 188–189
  238. ↑

Fontes

[edita | edita la fonte]

Retraeda de "https://lfn.wikipedia.org/w/index.php?title=Epistemolojia&oldid=41268"