ABBA
![](https://upload.wikimedia.org/wikipedia/commons/thumb/c/cb/ABBA_-_TopPop_1974_5.png/197px-ABBA_-_TopPop_1974_5.png)
ABBA ia es un grupo svensce de musica pop, formida en Stockholm en 1972 par membros Agnetha Fältskog, Björn Ulvaeus, Benny Andersson e Anni-Frid Lyngstad. Los ia deveni un de la atas la plu comersial susedosa en la istoria de musica popular, dominante la parades de susedosas tra la mundo de 1974 a 1982. ABBA ia gania la Concurso Eurovision de Canta 1974 a The Dome en Brighton, Rena Unida, donante Sveria sua vinse prima en la concurso, e los es la grupo la plu susedosa cual ia partisipa en la concurso..
La cuantia de discos vendeda par ABBA no es serta, e estimas diversa estende de 140 asta plu ca 500 milion.[1][2] En esta modo, los es un de la artistes musical la plu bonvendente de tota tempo, la bande la plu bonvendente estra la mundo de la lingua engles, e la bande la plu bon vendente de tota tempo cual ia orijina en Europa continental.[3] ABBA ia es la grupo prima de un pais de lingua nonengles ci ia ateni susedes continuante en la parades de paises de lingua engles. La grupo ia susede ance multe en America Latina, e ia rejistra un colie de sua cantas susedosa en espaniol.
En la anios ativa de la bande, Fältskog & Ulvaeus e Lyngstad & Andersson ia es sposida. A la apico de sua popularia, ambos relatas ia sufri tensa cual ia causa ultima la colasa de la sposi Ulvaeus–Fältskog en 1979 e la sposi Andersson–Lyngstad en 1981. Esta cambias de relatas ia es refletada en la musica de la grupo, tal ce composadas plu tarda ia conteni testos plu introspetante e triste en contrasta con sua sona usual de pop pur.[4]
Pos la desbandi de ABBA en desembre 1982, Andersson e Ulvaeus ia es susedosa en scrive musica per teatros,[5][6] e Lyngstad e Fältskog ia atenta careras solo con susede miscada.[7][8] La popularia de la musica de ABBA ia declina asta la compra de la catalogo de ABBA e de Polar (sua compania de discos) par Polygram en 1989, cual ia permete prepara un republici internasional de tota sua materias e de un album nova de cantas la plu susedosa (ABBA Gold) en setembre 1992 cual ia deveni estrema popular tra la mundo. Alga filmas, notable Muriel's Wedding ("La sposi de Muriel"; 1994) and The Adventures of Priscilla, Queen of the Desert ("La aventuras de Priscilla, rea de la deserto; 1994), ia revive plu la interesa publica a la grupo e ia provoca la crea de alga bandes onorante. En 1999, la musica de ABBA ia es alterada a un teatral Mamma Mia! cual ia turi tra la mundo. Un filma con la mesma nom, publicida en 2008, ia deveni la filma la plu comersial susedosa en la Rena Unida en acel anio.
On ia onora ABBA a la aniversario 50 de la Concurso Eurovision de Canta en 2005, cuando sua canta "Waterloo" ia es elejeda como la plu bon en la istoria de la concurso. La grupo ia es induida a la Rock and Roll Hall of Fame en 2010.[9]
Discografia
[edita | edita la fonte]- Ring Ring 1973
- Waterloo 1974
- ABBA 1975
- Arrival 1976
- The Album 1977
- Voulez-Vous 1979
- SuperTrouper 1980
- The Visitors 1981
- Voyage 2021
ABBA ia produi ance albumes colieda diversa.
Cantas la plu popular:
- "Waterloo"
- "I do, I do, I do, I do, I do"
- "SOS"
- "Mamma Mia"
- "Fernando"
- "Chiquitita"
- "Dancing Queen"
- "The Winner Takes It All"
- "Take a Chance on Me"
- "The Name of the Game"
Referes
[edita | edita la fonte]- ↑ Mike Evans: Rock'n'Roll's Strangest Moments: Extraordinary But True Tales from 45 Years of Rock & Roll History. Pavilion Books, 2014, chapter ABBA again (Sweden, 1974–1981), pp. 169 (estraeda (Libros Google))
- ↑ "Why are ABBA so popular?." British Broadcasting Corporation (BBC). Retraeda en 7 June 2016.
- ↑ Model:Cite news
- ↑ Comentas sur esta periodo comensa sirca 1:10. YouTube.com (30 julio 2013). Retraeda 19 April 2014.
- ↑ "Benny Andersson (in en-us)."
- ↑ "Björn Ulvaeus (in en-us)."
- ↑ "Agnetha Fältskog (in en-us)."
- ↑ "Anni-Frid Lyngstad (in en-us)."
- ↑ Model:Cite news