Sextus Erucius Clarus
Sextus Erucius Clarus (natus tempore ignoto; mortuus Februario aut Marte 146) fuit senator Romanus secundo saeculo. Eius avus fuit Gaius Septicius Clarus, qui annis 117, 118, et 119 praefectus praetorio meruit.
Ipse circa annum 99 quaestor, tum tribunus plebis et praetor creatus est. Anno 116, bello Parthico expugnatione Ctesiphontis excellebat, et idcirco a Traiano imperatore consulatu suffecto honoratus est. Antonino Pio regnante, praefectus urbi Romae nominatus secundum consulatum ordinarium anno 146 gessit. Eodem anno mortuus est.
Gaius Erucius Clarus, consul anni 170, fuit eius filius aut nepos.[1]
Notae
[recensere | fontem recensere]- ↑ Der Neue Pauly (Stutgardiae: 1999), vol. 4, col. 103.
| Antecessores: Imp. Caesar Titus Aelius Hadrianus Antoninus Augustus Pius IV et Marcus Aurelius Caesar II |
Consul 146 cum Gnaeo Claudio Severo Arabiano |
Successores: Gaius Prastina Messalinus et Lucius Annius Largus |