Ribosoma

Structura atomica subunitatis 50S apud procaryota. Proteina colore caeruleo distincta sunt. Reliquum ex RNA constat. Adeninum situs activi rubro colore ostenditur.

Ribosoma (-ătis, n.) est particula plasmatica in cellula biologica, ubi translatio genetica^? fit. Bacteriae cellula usque ad viginti milia ribosomatum continere potest, fungi unicellularis usque ad ducenta milia. Massa atomica ribosomatis circiter 2500 chiliodaltonum apud bacterias, 4300 chiliodaltonum apud eucaryota aestimatur.

Ribosomata sunt omnia divisa in partes duas: maiorem subunitatem ( sedimentationis factor 60 S in eucaryotibus et 50 S in procaryotibus) atque minorem subunitatem ( sedimentationis factor 40 S in eucaryotibus et 30 S in procaryotibus). Sedimentationis factor una cum massa variat: celeritatem considendi in centrifugio metitur. Translatione genetica ineunte, hae subunitates proximae fiunt ab IF1 in procaryotibus vel ab eIF1 in eucaryotibus.

Duae partes ribosomatum massae ex rRNA constant, reliqua tertia pars e diversis proteinis. Rna pars antiquior et maioris momenti hodie existimatur (olim enim biochemistae contrarium credebant).

Plura legere si cupis

• Peter B Moore, "The ribosome returned", Journal of Biology 8.8, 2009
• V. Ramakrishnan, "The Ribosome Emerges from a Black Box", Cell 159(5), 2014: 979-984

Nexus interni

• mRNA

genetica

Haec stipula ad geneticam spectat. Amplifica, si potes!