Bavaria Inferior
Bavaria Inferior
Civitas: Germania
Locus: 48°32′15″N 12°9′24″E
Situs interretialis
Fines
Territoria finitima: Bavaria Superior, Palatinatus Superior, Jihozápad, Innviertel, Quartus quadrans
Forma
Caput: Landishuta
Subdivisiones: Landishuta, Batavia Bavariae, Straubinga, Deggendorf, Dingolfing-Landau, Freyung-Grafenau, Kelheim, Circulus Landishutensis, Passau, Regen, Rottal-Inn, Straubing-Bogen
Gestio
Vita
Bavaria Inferior[1] (Theodisce Niederbayern) est provincia et provincia administrativa Bavariae 1 189 153 incolarum in oriente sita, in meridie et occidente ad Bavariam Superiorem, in septentrionibus ad Palatinatum Superiorem finitima et Cechiae Austriaeque in oriente adiacens. Caput provinciae est Landishuta.
Geographia politica
[recensere | fontem recensere]Bavaria inferior in novem pagos et tres urbes pago carentes dividitur:
Pagi
[recensere | fontem recensere]- Batavia
- Deggendorf
- Dingolvinga-Landavia ad Isaram
- Freyung-Grafenau
- Kelhemium
- Landishuta
- Regen
- Rottal-Aenus
- Strupinga-Bogana[2]
Urbes pago carentes
[recensere | fontem recensere]
Natura terrestris
[recensere | fontem recensere]
Danuvius fluvius ex occidente per provinciam manat et prope Bataviam provinciam, Bavariam et Germaniam relinquit. Ad latus eius dextrum (merdionale) regio permultis collibus occupata se extendit vicinitate nonnullorum fluviorum exclusa. Praecipue agri iuxta Boiodurum planitiem fertilissimam formant. Ad latus autem sinistrum (boreale) Danuvii montes medii erigunt, Silva Gabreta nominati. Quorum montium culmen (altitudinis supra mare 1456 metrorum) Theodisce "Großer Arber" appellatur.
Oeconomia
[recensere | fontem recensere]In planitiebus fecundis agricultura adhuc magni momenti est. Cucumerum productio hic maxima Europae est. In parte occidentali regionis collinae humulus, elementum cerevisiae, colitur; cuius productio hic et in adiacente parte Bavariae Superioris est maxima mundi. Permulti incolae in industria autocinetorum laborant, praecipue in officina BMW in Dingolfing exstructa. Negotii inopia hic pauca est (mense Novembri 2015 2.9 centesima).
Historia
[recensere | fontem recensere]Anno 1255 ducatus Bavariae in duas partes (superiorem et inferiorem) et postea in quattuor partes divisa est. Anno 1606 dux Albertus quartus terram iterum in unum ducatum unificavit. Rex Ludovicus primus anno 1837 unum ex quatuor pagis regni "Bavariam inferiorem" nominavit.
Bibliographia
[recensere | fontem recensere]- Huber, Gerald (2010). Kleine Geschichte Niederbayerns (editio 2). Ratisbonae, Verlag Friedrich Pustet. ISBN 978-3-7917-2048-7.
Notae
[recensere | fontem recensere]- ↑ Seutter, Matthaeus (circa 1730). Bavaria superior et inferior cum quatuor Praefecturis. (Mappa). Augustae Vindelicorum
- ↑ Medio aevo "Straubing", nomine castrorum Romanorum Sorvioduro obsolefacto, Strupinga, et "Bogen" Bogana nominata sunt.
Nexus externi
[recensere | fontem recensere]
|
Vicimedia Communia plura habent quae ad Bavariam Inferiorem spectant. |
|
Vide Bavaria Inferior in Victionario. |