Mahābhārata

Ensampel a	ober skrifys, testen gryjyansek
Awtour	Vyasa
Rann a	Itihasa
Yeth	Sanskrytek
Eghen	bardhonieth epyk
Rol a warioryon	Arjuna, Duryodhana
Synsys ynno/i	Adi Parva, Sabha Parva, Vana Parva, Virata Parva, Udyoga Parva, Bhisma Parva, Drona Parva, Karna Parva, Shalya Parva, Sauptika Parva, Stri Parva, Shanti Parva, Anushasana Parva, Ashvamedhika Parva, Ashramavasika Parva, Mausala Parva, Mahaprasthanika Parva, Svargarohana Parva, Harivamsa, Bhagavad Gita
Studh gwirbrintyans	public domain
	Restrennow kelmys war Gemmyn Wikimedia

Onan a dhiw gan epyk meur Eynda yw an Mahabharata; an aral yw an Ramayana. Hi a gomprehend dres 74,000 a wersyow ha rannow hir yn yeth plen, a-dro dhe 1.8 milvil ger avel sommen, degweyth myns an Iliad ha'n Odyssey warbarth.

Pur bosek yw an gan dhe wonisogeth Eynda. Onan yw a oberyow posekka Hindoueth. Yn hengovek, hanow an awtour yw Vyasa.

Y'n gan ma, kevys yw istori an omladha rag gwarthevyans tron gwlaskor Hastinapura yntra diw skorren a'n teylu Kuru. Hembronkyer an skorren Kaurava yw Duryodhana, ha Yudhisthira yw hembronkyer skorren an Pandava, an dhew a berghennek an tron. Diwedh an omladha yw batel meur Kurukshetra, le mayth yw an Pandava fethek.

Diwedh an Mahabharata hy honan yw mernans Krishna, hag yskynnans an breder Pandava dhe'n nevow. Hemm a styr dalleth oos nowydh, hemm yw oos Kali.

Martesen rann an Mahabharata yth yw moyha a vri yw an Bhagavad Gita; 700 gwers le may hwra Krishna, kyns batel Kurukshetra, displegya dhe Arjuna pyth yw y dhever avel breseler hag avel pennsevik, ow ri elvennow oll filosofieth Hindoueth.

Pennfenten

Benjamin Walker, Hindu World: an encyclopedic survey of Hinduism (Harper Collins, 1968; dyllans nowydh, Delhi, 1995).

Onan a'n mil erthygel posekka war Wikipedya yw an erthygel ma.