Gwenno Saunders

Gwenno Saunders
Genys	23 Me 1981  Kardydh
Label rekordya	Peski Records, Heavenly Recordings
Kenedhlogeth	Ruvaneth Unys
Alma mater	Ysgol Gyfun Gymraeg Glantaf
Galwesigeth	kaner, ilewydh
Gis	elektropop
Chyf delanwes	Y Dydd Olaf
Tas	Tim Saunders
Gwiasva	https://www.gwenno.info/
Eseleth	Gorsedh Kernow, The Pipettes

Gwenno Mererid Saunders (genys 23 mis Me 1981) yw ilewydh Kernewek-Kembrek, aswonnys yn-dann an hanow gwari Gwenno. Hi a berform avel ilewydh solo. Hi a dhellos hy hynsa kuntilow, Y Dydd Olaf (KW: An Jydh Finek), yn Kembrek dre Heavenly Recordings yn 2015 ha hy hynsa kuntilow yn Kernewek yn 2018, henwys Le Kov. Kaner yn bagas pop indie the Pipettes o hi ynwedh.

Gwenno Saunders

Gwenno yn 2014

Gwenno yn The Pipettes

Bywskrif

Genys veu Saunders yn Kardydh, Kembra. Yth yw hi myrgh prydydh Kernewek ha yethor Tim Saunders ha treylyer Lyn Mererid neb yw gweythresor hag esel keur Côr Cochion Caerdydd (KW: Keur Kogh Kardydh). Yth o hi megys ow kewsel Kernewek ha Kembrek ha freth yw hi y'n dhiw yeth.

A-dhyworth pymp bloodh, hi eth dhe Seán Éireann-McMahon Academy of Irish Dance (Akademi Dons Iwerdhonek Seán Éireann-McMahon). Pan en hi 17, hi o esel rol an donsyoryon yn Lord Of The Dance gans Michael Flatley avel an rann chyf.

Yn 2001 yth esa rann yn Pobol y Cwm (Tus an Nans), gwari sebon yn Kembrek, war S4C. Hi a wrug towlen hy honan dhodho wosa henna, henwys Ydy Gwenno'n Gallu...? (KW: A Yll Gwenno...?). Dhe 18 Mis Ebrel 2019 hi a ostyas "Songs from the Edgelands", towlen a-dro dhe ganow yn manyethow dre BBC Radio 4.

Resegva Ilow

Resegva a-varr (2002–2004)

Kyns hi dhe junya the Pipettes, hi o kaner solo electropop, y'n brassa rann yn Kembrek ha Kernewek. Hi a dhellos diw EP solo, Môr Hud (KW: Mor Hus) (2002) ha Vodya (2004).

Hi a wrug kanasedhi Kernow yn kesstrif kanow Liet International yn 2003 ha gwaynya pewas People's Choice Award rag hy gwrythyans "Vodya".

Yn mis Kevardhu 2004, Gwenno a fylmyas an kan "Ysolt y'nn Gweinten" gans Celtic Legend rag Classic FM TV. Y lavesir y vos an kynsa gwydhyow dhe vos askorrys y'n yeth Kernewek. An tekst o skrifys gans hy thas Tim Saunders hag an ilow a veu gwrys gans komposydh a Gernow Chris John Payne.

The Pipettes (2005–2010)

Gwenno a junyas the Pipettes yn mis Ebrel 2005 wosa diberth esel fondya Julia. Aswonnys yw hi rag hy kenys chyf war "Pull Shapes" ha burdhen "Your Kisses Are Wasted on Me". Yn mis Ebrel 2008, hy hwor yowynka Ani a junyas the Pipettes ynwedh. Lemmyn, Ani a wra dyllo ilow gans an bagas The Lovely Wars ha war an hanow Ani Glass ynwedh.

Wosa the Pipettes (2010–lemmyn)

Y hwrug Gwenno torn avel ilewydh synth gans Pnau hag Elton John yn 2012.

Yn mis Metheven 2012, hi a dhellos EP yn Kembrek, Ymbelydredd, gans pymp kan, kavadow war snodgistow dornlymnys dre Peski Records.

Yma Gwenno war kuntilow 2013 The Great Perhaps gans The Boy Least Likely To. Hi a wrug kevri hy lev dhe'n gan "It Could Have Been Me".

Hi a dhellos hy hynsa kuntilow solo leun, Y Dydd Olaf Kembrek, yn October 2014 dre Peski Records. Yn mis Me yth esa hi sinys dhe Heavenly Recordings. An label a dastellos hy huntilow dalleth yn mis Gortheren. An kuntilow a waynyas Best Welsh Album orth Esedhvos Kenedhlek Kembra 2015 ha gwaynya Welsh Music Prize 2014-2015 yn mis Du.

An nessa mis Meurth 2018, Gwenno a dhellos hy hynsa kuntilow y'n yeth Kernewek yn tien, henwys Le Kov, dre Heavenly Recordings. An kynsa kan a'n kuntilow o Tir ha Mor. Hi a leveris hi dhe glewes dever a wul hy nessa kuntilow yn Kernewek yn tien dhe wruthyl dogven a yeth yn few, hwithra hy omson (po honanieth) ha'n possybyltas awenek didhiwedh a'n yeth. An kuntilow o war an rol berr Welsh Music Prize.

Yn keswel gans Go Cornish, hi a leveris:

"Yma tus yowynk ow tevnydhya an yeth yn tyffrans yn eur ma. Gans an traow avel Gorsedh Kernow, na wrons i saw dyski Kernewek mes a-ves dhe henna, yma neppyth nell ow hwarva yn Kernow  ytho y fia da genev vy bones rann anodho."

Delanwes Gonisogethel

Yn mis Hedra 2018, Kesva an Taves Kernewek a leveris y hwrug hy huntilow Le Kov kevri dhe voghheans a 15% y'n niver a dus a gemeras an apposyansow yeth Kernewek yn 2018.

Hi a dheuth a bos bardh Gorsedh Kernow yn 2019 rag "gonisyow dhe'n yeth Kernewek der ilow ha'n media". Hy hanow bardhek yw Palores A-Bell.

Plasenskrif

Gans The Pipettes

Bledhen	Kuntilow	Y'n Chart
		RU
2006	We Are The Pipettes	41
2010	Earth vs. The Pipettes	–

Dylansow Kuntilow Solo

Bledhen	Hanow	Label	Furve	Yeth
2014	Y Dydd Olaf	Peski, Heavenly	Iskarg bysyel, cidi, vinyl	Kembrek, Kernewek
2018	Le Kov	Heavenly	Iskarg bysyel, cidi, vinyl	Kernewek
2022	Tresor	Heavenly	Iskarg bysisel, cidi, vinyl	Kernewek, Kembrek

EPs Solo

Bledhen	Hanow	Label	Furv	Yeth
2002	Môr Hud	Recordiau Sain	Iskarg bysyel	Kembrek, Kernewek, Sowsnek
2003	Vodya	Recordiau Sain	Iskarg bysyel	Kembrek, Kernewek, Sowsnek
2007	U & I	None	Iskarg bysyel	Sowsnek
2012	Ymbelydredd	Peski	Iskarg bysyel, snodgist	Kembrek

Gwester

Bledhen	Hanow	Manylyon
2003	I'r Brawd Hwdini	Kuntilow dassonskrifansow kanow Meic Stevens

Dustuniow

Yma'n erthygel ma owth usya an Furv Skrifys Savonek a-barth Kernowek kres.

Porth Kernow – Tre rag folennow ha klassys Wikipedya a-dro dhe Gernow.