Shwit

Munswat Shwit Schweizerische Eidgenossenschaft (Jami̱ni) Confédération suisse (Fi̱ransa) Confederazione Svizzera (Italiya) Confederaziun svizra (Romansh) Confoederatio Helvetica (Latin)

Ta̱si̱la a̱byin Shwit

Tuta a̱byin Shwit

A̱lama a̱byin Shwit

A̱byin Shwit, á̱ lyen ma̱ng a̱lyoot a̱gwomna̱ti ka nang Munswat Shwit hu, yet a̱byin kya nang bibyin ghyáng keang di̱ tityak a̱ni ka̱ swan da̱ a̱vwuo ka nang nfam a̱byin Jenshyung, A̱ka̱wa̱tyia̱ ma̱ng A̱tak Yurop na myim a̱ni. Ka̱ yet ri̱pobi̱lik mundundung kya a̱ shyia̱ ma̱ng a̱yaakanton 26, a̱wot a̱keangtung ka si̱ shyia̱ a̱keang Bern. A̱byin Shwit byia̱ a̱gi̱gak ma̱ng bibyin Italiya di̱ fam a̱tak hu, Fi̱ransa di̱ fam jenshyung hu, Jami̱ni di̱ fam a̱za hu ma̱ng A̱sti̱riya a mbeang Li̱kta̱nstain di̱ fam a̱tyin hu. Ka̱ ka̱u di̱ si̱sak nang lili a̱byin ka yet a̱ni, di̱n nkap Pi̱lato Shwit hu, A̱li̱pi wu ma̱ng Jura hu, ka̱ si̱ ka ngaat kup shi a̱swap kilomita a̱ma̱ntanaai 41,285 (met a̱ma̱ntanaai 15,940) ka̱ si̱ byia̱ shi kyai a̱byin kilomita a̱ma̱ntanaai 39,997 (met a̱ma̱ntanaai 15,443). Shimba nang A̱li̱pi wu wa kup a̱gba̱ndang kap a̱byin wu a̰ lan, shi á̱niet Shwit hu ku shyia̱ kpa̱mkpaan ma̱ng miliyon 8.5 la̱u ku si̱ swak di̱ fam pi̱lato hu hwa, a̱vwuo ka nang a̱ca̱cet a̱ka̱keang na̱ swak ma̱ng shi ma̱ng á̱ka̱wa̱tyia̱ kaswuo na nshyia̱, nang a̱ka̱keang Zürich, Geneva ma̱ng Basel.