ბალბისებრნი

ბალბისებრნი
მეცნიერული კლასიფიკაცია
სამეფო:  მცენარეები
ლათინური სახელი
Malvaceae
სისტემატიკა ვიკისახეობებში სურათები ვიკისაწყობში ITIS   21608 NCBI   3629 EOL   4321 IPNI   30000208-2 FW   53879

ბალბისებრნი (ლათ. Malvaceae) — ორლებნიან მცენარეთა ოჯახი. ძირითადად ბალახებია, იშვიათად — ხეები ან ბუჩქები, რომლებსაც მორიგეობით განლაგებული თათისებრდანაკვთული ფოთლები აქვს. ყვავილები დიდია, მკვეთრად შეფერილი, ორსქესიანი. ყვავილის ძირში განვითარებულია ე. წ. გარეთა ჯამი. შიგნითა მტვრიანა მრავალია და ძაფებით მილადაა შეზრდილი. ბუტკო ერთია. ნაყოფი მშრალია — კოლოფი ან დანაწევრებული კაკლუჭა.

ცნობილია 1600-მდე სახეობა, რომელთა უმრავლესობა ტროპიკებსა და სუბტროპიკებშია გავრცელებული. საქართველოში გვხვდება 20. ოჯახში ძირითადად ბოჭკოვანი მცენარეებია. დიდი ეკონომიური მნიშვნელობისაა ბამბის ბუჩქი, შედარებით ნაკლებისა — კენაფი და შვია.

აღსანიშნავია სამკურნალო სახეობები ტუხტი და ბალბა. დეკორატიულია — ქატმი, ჩინური ტუხტი და ბაღის ტუხტი და სხვა.

ლიტერატურა

• ქართული საბჭოთა ენციკლოპედია, ტ. 2, თბ., 1977. — გვ. 168.