Batalio dil Ebro
| Batalio dil Ebro | |||
| |||
| Republikana artilrio dum la batalio dil Ebro. | |||
| Konflikto: | Interna milito di Hispania | ||
| Dato: | 25ma di julio til la 16ma di novembro 1938 | ||
| Loko: | Provinco Tarragona, Hispania | ||
| Rezulto: | Komence vinkita da republikani, finis kun la vinko di Frankoisti. | ||
| Duesma Hispana republiko Internaciona trupi |
↔ | Frankoisti Nacionalsocialista Germania Fashista Italia | |
| Vicente Rojo Lluch ed altri | ↔ | Francisco Franco ed altri | |
| 100 000 soldati 200 kanoni 120 tanki ed egidita vehili plu kam 200 avioni |
↔ | 98 000 soldati 300 kanoni plu kam 300 avioni | |
| 10 000 morti 34 000 vunditi 19 563 militala kaptiti ~ 100 avioni |
↔ | 6 500 morti 30 000 vunditi 5 000 militala kaptiti ~ 50 avioni | |
Batalio dil Ebro esas la lasta granda atakado di republikani lor la Hispana interna milito, che Provinco Tarragona.
Intenco
[redaktar | redaktar fonto]Komence en 1938, la situaciono por Duesma Hispaniana republiko esis desfacila. Baska provinco esis falita, POUM destruktesis pro interna kombati en republikana bataliagro, e por multa stranjera guvernerii to esis temp-questiono ante Hispania esar kontrolita dal Frankoisti.
En respondo pri Hispana situaciono, lora chefministro Juan Negrín aprobis plano da Vicente Rojo Lluch pri komencar ataki kontre la precipua nacionalista trupi, qui avancis tra Valencia. Un ek la skopi esis alejar la preso sur Katalunia. Altra skopo esis montrar a vicina guvernerii ke la republikala partiso restis posibla alternanto.
La batalio
[redaktar | redaktar fonto]
La batalio komencis ye la 25ma di julio 1938 kande republikana trupi sub kolonelo Juan Modesto atakis l'opoza rivo dil fluvio Ebro. La trupi trairis la fluvio dum nokto sen lunolumo. La trupi komandita dal lietnanto-kolonelo Manuel Tagüeña trairis Ebro inter urbeti Mequinenza ed Ascó, konte ke la trupi komandita dal mayoro Enrique Líster trairis la fluvio en 16 diferanta punti.
An l'opozanta rivo di Ebro, de Mequinenza til la maro, esis tale nomizita "Marokana brigado", komandita da brigadogeneralo Juan Yagüe Blanco. Lua 50ma Diviziono gardis granda parto di la tereni atakita. Kelka dii ante l'atako, Frankoista kolonelo Luis Campos-Guereta Martínez avizis pri koncentro di republikana trupi an l'opozanta rivo dil Ebro, ma l'avizo ignoresis. Kande l'atako komencis, ol esis surprizo por la defenseri.
Komence l'atako sucesis, tamen Frankoista trupi, qui havis plu bona aerala protekto (Legiono Kondoro) repulsis li. La batalio duris til la 16ma di novembro 1938.
La batalio duktesis da amba opozanti quale la batalii del Unesma mondomilito (westala fronto) kun frontal asalti qui faliis, ma rezultis grava perdaji por amba flanki.
To esis lasta agado di internaciona brigadi, qui deprenesis ye la 23ma di septembro, paralele kun Italiana e Germana trupi.
Pos la batalio
[redaktar | redaktar fonto]Republikan armeo retroigis sur sua depart-pozicioni, ma li ruptesis, e ne cesis perdar tereni til finar la milito.