Hebron

Hebron (in hebreo: חֶבְרוֹן pron. moderne: Ḥevrón, pron. tiberian: Ħebrôn; in arabe: الخليل al-Khalīl; litt. «amico», referite al patriarcha Abraham) es un urbe in le region historic del Montes de Judea, in le actual Cisjordania. Le habitantes son circa 215’000, de quem le majoria es arabe islamic. Un communitate de circa 800 judeos se ha recreate in le citate vetere post que le millenari communitate historic habeva essite extirpate in 1929, durante le Massacro de Hebron; in ultra, a partir de 1968, un moderne burgo colonic israelita de circa 7300 habitantes se ha formate in le contigue Qiriáth Arbá, le antique nomine de iste citate biblic. Le nucleo del urbe jace a quasi 1000 metros de altitude s.n.m. e include le Tumba del Patriarchas, que judaismo, christianismo, e mahometismo designa como sepulcro de tres copulas ancestral de lor tradition religiose, facente de Hebron uno del Quatro Citates Sancte del religion abrahamitic (con Jerusalem, Tiberiade, e Sefath).