Ռեյվենսհո
| Բնակավայր | ||
|---|---|---|
| Ռեյվենսհո | ||
.jpg) | ||
| Երկիր |  Ավստրալիա | |
| Համայնք | Քվինսլենդ[1] և Tablelands Region? | |
| ԲԾՄ | 911 մետր | |
| Բնակչություն | ▼1332 մարդ (օգոստոսի 10, 2021)[2] | |
| Ժամային գոտի | UTC+10 | |
| Փոստային դասիչ | 4888 | |
| ||
Ռեյվենսհո (անգլ.՝ Ravenshoe), քաղաք Ավստրալիայի Քվինսլենդ նահանգի հյուսիսարևելյան մասում։ Քաղաքի բնակչությունը ըստ 2011 թվականի կազմում էր 860 մարդ։ Քաղաքը գտնվում է Թեյբլենդսի կազմում, որի բնակչությունը 45 300 մարդ է (2008 թվական)։
Աշխահագրություն
[խմբագրել | խմբագրել կոդը]Ռեյվենսհո քաղաքը գտնվում է Ատերտոն սարահարթում։ Քաղաքը գտնվում է մարզային կենտրոն Քերնս քաղաքից դեպի հարավ-արևմուտք, 123 կիլոմետր հեռավորության վրա և Քվինսլենդ նահանգի մայրաքաղաք Բրիսբենից 1774 կիլոմետր հեռավորության վրա։ Ռեյվենսհոն Քվինսլենդի ամենաբարձր քաղաքն է, գտնվում է ծովի մակարդակից 930 մետր բարձության վրա։
Տնտեսություն
[խմբագրել | խմբագրել կոդը]Ռեյվենսհոյի տնտեսության հիմնական ճյուղը բնափայտի արդյունահանումն է, սակայն 1987 թվականին, երբ կառավարությունը 900 000 հեկտար արևադարձային անտառները ներառել է համաշխարհային ժառանգության օբյեկտների ցանկում, հիմնական ճյուղերը դարձել են զբոսաշրջությունը, պահածոների արտադրությունը և կաթնատու կենդանիների անասնաբուծությունը[3][4]։
Պատմություն
[խմբագրել | խմբագրել կոդը]
Ի սկզբանե ներկա քաղաքի տարածքում ապրում էր Դիլբալի ժողովուրդը։ Առաջին անգամ 1881 թվականին տարածքը բնակեցվել է անասնապահներով։ 1897 թվականին լեռնային ձեռնարկատեր Ջոն Մոֆատը հայտնաբերել է Ավստրալիական մայրի կարմիր ծառեր (անգլ.՝ Toona ciliata): Հիմնվել է Սեդար-Կրիկ անվամբ գյուղը։ 1910 թվականին Սեդար-Կրիկը անվանափոխվել է` դառնալով Ռեյվենսհո։ Ենթադրվում է, որ այդ անվանումը ընտրվել է, քանի որ մոտակայքում գտել էն Հենրի Քինգսլի «Ռեյվենսհո» վեպի օրինակը[3]։
1936 թվականին Ռեյվենսհոն ճանապարհներով կապվել է Ադերտոնի և Ինիսպեյլի հետ, իսկ 1940 թվականին քաղաքում կար երեք փայտասղոցման մեքենա, երկու հյուրանոց, երկու կինոթատրոն, հյուրատուն և երկու եկեղեցի[3]։
1988 թվականին, երբ խոնավ արևարևադարձային Քվինսլեյդը հայտարարվել է որպես Յունեսկոյի համաշխարհային ժառանգության օբյեկտ, Ռեյվենսհոյից Ատերտոն տանող երկաթուղային ճանապարհները փակվել են[5]։
1992 թվականին առաջին անգամ Ռեյվենսհոյում բացվել է գրադարան, իսկ 2017 թվականին այն հիմնովին վերանորոգվել է[6]։
Ծանոթագրություններ
[խմբագրել | խմբագրել կոդը]- ↑ https://quickstats.censusdata.abs.gov.au/census_services/getproduct/census/2016/quickstat/SSC32420
- ↑ Ravenshoe // QuickStats — ABS.
- ↑ 3,0 3,1 3,2 «Ravenshoe» (անգլերեն). Centre for the Government of Queensland. Արխիվացված է օրիգինալից 2015 թ․ հունիսի 11-ին. Վերցված է 2015 թ․ հունիսի 10-ին.
- ↑ «Ravenshoe, Innot Hot Springs and Mt Garnet» (անգլերեն). Tropical Tablelands Tourism. Արխիվացված է օրիգինալից 2015 թ․ հունիսի 11-ին. Վերցված է 2015 թ․ հունիսի 10-ին.
- ↑ «The History of Ravenshoe Steam Railway 'Capella'» (անգլերեն). Ravenshoe Railway Company Ltd. Արխիվացված օրիգինալից 2017 թ․ ապրիլի 6-ին. Վերցված է 2017 թ․ ապրիլի 6-ին.
- ↑ «Public Libraries Statistical Bulletin 2016-17» (PDF). Public Libraries Connect (անգլերեն). State Library of Queensland. էջ 16. Արխիվացված է օրիգինալից (PDF) 2018 թ․ հունվարի 30-ին. Վերցված է 2018 թ․ հունվարի 29-ին.
 | Վիքիպահեստն ունի նյութեր, որոնք վերաբերում են «Ռեյվենսհո» հոդվածին։ |
|
