Նուսի-Բե
 | |
|---|---|
.jpg) | |
| Տեսակ | հրաբխային կղզի |
| Երկիր |  Մադագասկար |
| Վարչատարածքային միավոր | Diana Region? |
| Մասն է | Մադագասկար |
| Երկարություն | 26 կմ |
| Լայնություն | 20 կմ |
| Մակերես | 290,3 կմ² |
| Բնակչություն | 60 000 մարդ |
 | |
 | |
Նուսի-Բե (մալագաս. Nosy Be, թարգմանաբար — «Մեծ կղզի»), Մադագասկարի հյուսիսային ափին գտնվող կղզին վարչականորեն հանդիսանում է Անցիրանանա նահանգի տարածքին։
Աշխարհագրություն
[խմբագրել | խմբագրել կոդը]
Մակերեսy 312 կմ² է․ այն ամենամեծ կղզին է կղզեխմբում, մոտ է հյուսիս-արևմտյան Մադագասկարի ափին[1]։ Երկրաբանորեն իրենից ներկայացնում է հրաբխային[2] գոյացում՝ ծովի մակարդակից 450 մ բարձրությամբ։ Գտնվում է Մադագասկարից 8 կմ հեռավորության վրա։
Կղզու հարավ-արևելյան մասում ձևավորվել է Լուկուբե արգելոցը։ Վերջինիս բնակիչների թվում է սև լեմուրը (Eulemur macaco), հովազազգի քամելեոն-ֆուրցիֆերը (Furcifer pardalis)[3], ինչպես նաև կղզու էնդեմիկները՝ աշխարհի ամենափոքր քամելեոններից մեկը Brookesia minima-ն և աշխարհի ամենափոքր գորտը Stumpffia pygmaea-ն է, որը նաև հանդիպում է հարևան կղզի Նուսի-Կումբայում։
Պատմություն
[խմբագրել | խմբագրել կոդը]Բացի բնական տեսարժան վայրերից, Նուսի-Բե-ում կա Մարուդուկա՝ ավերակներ օվկիանոսի ափին։ Ենթադրվում է, որ դրանք XVII-XVIII դարերի շինությունների մնացորդներ են, որոնք կառուցվել են նավաբեկությունից փրկված հնդիկ նավաստիների կողմից։
Նուսի-Բեն ֆրանսիական գաղութ է դարձել 1841 թվականից[4]։ Անդուանի կղզու (նախկին գաղութային անվանումը՝ Էլվիլ) մայրաքաղաքում պահպանվել են 1855 թվականին կառուցված Հին բանտը և ֆրանսիական գաղութային թաղամասը[5]։
1904-1905 թվականների ռուս-ճապոնական պատերազմի ժամանակ կղզու մոտ կար երկրորդ Խաղաղօվկիանոսյան Էսկադրիլիան, որը Բալթիկայից ուղևորվում էր Վլադիվոստոկ։ Էսկադրիլիան կղզի է հասել 1905 թվականի հունվարի 9-ին, որտեղ հանդիպել է ծովակալ Ֆելկերզամի նավերի ոչ մեծ ջոկատին, որն այնտեղ է ժամանել 1904 թվականի դեկտեմբերի 28-ին[6]։ Երկրորդ Էսկադրիլիան կղզու մոտ մնաց երկու ամիս՝ մեկնելով 1905 թվականի մարտի 17-ին[7]։ Կղզու մոտ էսկադրիլիայի երկարատև կայանման ժամանակ այնտեղ 8 նավաստի է մահացել․ 1990 թվականին ԽՍՀՄ ռազմածովային ուժերի նավաստիների ուժերով Մադագասկարի իշխանությունների աջակցությամբ նրանց հուղարկավորության վայրում կանգնեցվել է հուշարձան[8]։
Բնակչություն
[խմբագրել | խմբագրել կոդը]Բնակչությունը կազմում է 120 636 մարդ (2020), որոնց գրեթե կեսն ապրում է կղզու մայրաքաղաքում։
Տուրիզմ
[խմբագրել | խմբագրել կոդը]Նուսի-Բեն Մադագասկարի զբոսաշրջիկների կողմից ամենաշատ այցելվող վայրերից մեկն է։ Կղզու վրա կա Ֆասեն օդանավակայանը, որի միջոցով ժամանում է զբոսաշրջիկների մեծ մասը։ Նաև Նուսի-Բե-ով կարելի է հասնել Անկիֆիից ծովով:
Ծանոթագրություններ
[խմբագրել | խմբագրել կոդը]- ↑ «Путешествие на остров Мадагаскар». «Турград» (ռուսերեն). Արխիվացված է օրիգինալից 2007-11-23-ին. Վերցված է 2022-02-02-ին.
{{cite web}}: Unknown parameter|deadurl=ignored (|url-status=suggested) (օգնություն) - ↑ «Nosy-Be». Global Volcanism Program. Smithsonian Institution.
- ↑ Tim Flannery and Peter Schouten. Astonishing Animals: Extraordinary Creatures and the Fantastic Worlds They Inhabit. NY: Atlantic Monthly Press, 2004. Page 126—127
- ↑ «NOSSI-BE». Արխիվացված է օրիգինալից 2020-08-13-ին. Վերցված է 2022-06-10-ին.
{{cite web}}: Unknown parameter|deadurl=ignored (|url-status=suggested) (օգնություն) - ↑ «Мадагаскар. Нуси-Бе». Արխիվացված է օրիգինալից 2010-09-11-ին. Վերցված է 2010-09-08-ին.
{{cite web}}: Unknown parameter|deadurl=ignored (|url-status=suggested) (օգնություն) - ↑ Pierre Van de Boogaerde Shipwrecks of Madagascar. — Strategic Book Publishing, 2009. — С. 243. — ISBN 978-1-60693-494-4
- ↑ Alistair Horne Hubris. The Tragedy of War in the Twentieth Century. — HarperCollins, 2015. — С. 74ff. — ISBN 978-0-06-239780-5.
- ↑ Агафонов Г. Ещё один памятник русским морякам. // Морской сборник. — 1990. — № 12. — С.14—15.