Նեմիր Քիրդար

Նեմիր Քիրդար; արաբ․՝ نمير قيردار‎‎
Ծնվել է	հոկտեմբերի 28, 1936
Ծննդավայր	Քիրքուք, Իրաք
Մահացել է	հունիսի 9, 2020 (83 տարեկան)
Մահվան վայր	Անթիբ
Քաղաքացիություն	Իրաք
Կրթություն	Հարվարդի բիզնես դպրոց, Հարվարդի համալսարան, Ֆորդհեմի համալսարան, Baghdad College? և Խաղաղօվկիանոսյան համալսարան
Մասնագիտություն	ձեռնարկատեր
Պարգևներ և ; մրցանակներ	Ring of Tolerance?
Երեխաներ	Rena Kirdar?
	Nemir Kirdar Վիքիպահեստում

Նեմիր Քիրդար (հոկտեմբերի 28, 1936(1936-10-28)^[1], Քիրքուք, Իրաք - հունիսի 9, 2020(2020-06-09)^[2], Անթիբ), իրաքցի ձեռնարկատեր և ֆինանսիստ, Investcorp ներդրումային ընկերության ղեկավարը ($41 միլիարդ ակտիվ)։ Ապրում է Լոնդոնում։

Կենսագրություն

Քիրդարը ծնվել է Քիրքուրքում։ Նրա ընտանիքը ուշ Օսմանյան կայսրությունում և միջպատերազմյան շրջանում ունեցել է որոշակի քաղաքական կշիռ։ Իրաքում տեղի ունեցած ռազմական հեղաշրջումը տապալել է միապետությունը, և Քիրդարը փախել է ԱՄՆ։ Արտասահման գնալու համար նա ստիպված է եղել փաթաթվել գորգի մեջ, որը բարձվել է բեռնատարի վրա^[4]։ 1960 թվականին նա վերադարձել է հայրենիք, սակայն Բաասյան հեղաշրջումից հետո նորից լքել է երկիրը^[5]։

Քիրդարը ավարտել է Կալիֆոռնիայի Խաղաղօվկիանոսյան համալսարանի տնտեսագիտության ֆակուլտետը, ունի Նյու Յորքի Ֆորդհեմի համալսարանի բիզնեսի կառավարման մագիստրոսի աստիճան։ Անցել է նաև բարձրագույն կառավարման ծրագիր Հարվարդի բիզնես դպրոցում։ Քիրդարն ունի մի շարք բուհերի, այդ թվում՝ Ջորջթաունի համալսարանի գիտությունների դոկտորի աստիճան։

Քիրդարի բանկային գործունեությունը սկսվել է 1969 թվականին Նյու Յորքում, որտեղ նա զբաղվում էր վարկավորմամբ։ Երկու տարի անց նա աշխատանքի է անցել Allied Bank International-ի Հարավարևելյան Ասիայի և Ճապոնիայի ստորաբաժանումում։ 1974 թվականին նա դարձել է Նյու Յորքի Chase Manhattan բանկի փոխնախագահ։ 1976-1981 թվականներին Քիրդարը ղեկավարել է բանկի տարածաշրջանային ցանցը Պարսից ծոցում։

1982 թվականին նա հիմնել է Investcorp ներդրումային հիմնադրամը, որը մասնագիտացած է համաշխարհային կապիտալ ներդրումների մեջ։ Մասնավորապես, ընկերության գործունեության շրջանակը ներառում է մասնավոր ներդրումներ, հեջ ֆոնդեր, անշարժ գույք, ներդրումներ տեխնոլոգիայի ոլորտում։

Կարողություն

Քիրդարի ֆինանսական կարողությունը գնահատվում է ավելի քան 1 միլիարդ դոլար^[6]։

2005 թվականին նա զբաղեցրել է 206-րդ տեղը ամենահարուստ բրիտանացիների ցանկում^[4]։ Իսկ 2009 թվականին տաբլոիդները նրան դասել են աշխարհի ամենաազդեցիկ արաբների 26-րդ հորիզոնականում^[7]։

Ծանոթագրություններ

[_2879fe3c28b6fea0-1] 1,0 ^1,1 Դավոս 2014 մասնակիցների ցանկ

[_728e5ea794972518-2] 2,0 ^2,1 ^2,2 Nemir Kirdar, father of private equity globally, dies at 83

[_cd0a9b236d2795c3-3] ttps://www.euro-acad.eu/projects/rings-of-tolerance

[The_Sunday_Times_Rich_List-4] 4,0 ^4,1 The Sunday Times Rich List(չաշխատող հղում)

[5] The power hundred list 2007, 61# Nemir Kirdar Արխիվացված 2008-10-11 Wayback Machine

[6] The Wall Street Journal: New Law Makes Escape Tougher For Tax Exiles

[7] The world’s most influential Arabs 2009 list Արխիվացված 2009-05-28 Wayback Machine

[1]

[2]

[3]

[4]

[5]

[6]

[7]