Victor Klemperer
Victor Klemperer (* 9. oktobra 1881 w Landsbergu nad Wartu; † 11. februara 1960 w Drježdźanach) bě němski literarny wědomostnik, romanist, spisowaćel a politikar. Wosebitu znatosć docpě nimo swojeho pojednanja LTI – Notizbuch eines Philologen (Lingua Tertii Imperii: rěč Třećeho Reicha) dla swojich wot 1995 pod titulom Ich will Zeugnis ablegen bis zum letzten (1933–1945) wudatych dźenikow z časa nacionalsocializma, w kotrychž wopisuje podrobnje swoje wosobinske nazhonjenja jako wustorčeny a přesćěhowany protestant židowskeho pochada. Klemperer płaći jako jedyn z najwažnišich chronistow mjez přežiwjencami holokawsta, nimo toho pak tež jako wuznamny časowy swědk cyłeje doby do a po nacionalsocialistiskim knjejstwje.
Po swojej ćěkańcy z palacych Drježdźan w februarje 1945 nadeńdźeštaj Victor a Eva Klemperer nachwilny schow w domje swojeje něhdyšeje serbskeje hospozy Hańže Šołćic w Pěskecach.[1] Po dalšich etapach w Sakskej a Bayerskej nawróćištaj so w juniju 1945 do Drježdźan.
Při wólbach w oktobrje 1950 zaćahny jako zastupjer Kulturneho zwjazka NDR do Ludoweje komory NDR a bě hač do lěta 1958 z jeje čłonom. Wot 1950 bě tež rjadny čłon Akademije wědomosćow NDR.
Nóžki
[wobdźěłać | žórłowy tekst wobdźěłać]- ↑ Viktor Klemperer: LTI. Notizbuch eines Philologen, Leipzig 1996, str. 344 sl.
Wotkazy
[wobdźěłać | žórłowy tekst wobdźěłać]
Commons: Victor Klemperer – Zběrka wobrazow, widejow a awdiodatajow- Victor Klemperer – Literatura w katalogu Němskeje narodneje biblioteki (němsce)
- Přehlad wo zawostajenstwje Klemperera na stronach SLUB w Drježdźanach