Pensar na Teoría da Evolución é pensar nun señor de longa barba branca, o británico Charles Darwin. No 1859 publicábase A Orixe das Especies, libro no que Darwin expuxo a idea de que as especies cambian ao longo do tempo, para así dar pé a novas especies compartindo un antepasado común. No Día da Evolución, Xiana Albor vén acompañada de Adolfo Cordero-Rivera, biólogo evolutivo, ecólogo, etólogo e entómologo. Ademais, el é o director do Laboratorio de Ecoloxía Evolutiva e da Conservación da Universidade de Vigo.