Tenet (filme)

Tenet
Ficha técnica
Título orixinal	Tenet
Director	Christopher Nolan
Produtor	Emma Thomas Christopher Nolan
Guión	Christopher Nolan
Intérpretes	John David Washington Robert Pattinson Elizabeth Debicki Dimple Kapadia Michael Caine Kenneth Branagh
Música	Ludwig Göransson
Fotografía	Hoyte van Hoytema
Montaxe	Jennifer Lame
Estudio	Warner Bros. Pictures Syncopy
Distribuidora	Warner Bros. Pictures
Estrea	26 de agosto de 2020 3 de setembro de 2020
Duración	150 minutos
Orixe	Reino Unido Estados Unidos
Xénero	Suspense e acción
Orzamento	200 millóns de dólares
Recadación	363,1 millóns de dólares
Na rede
https://www.warnerbros.com/movies/tenet

Tenet é un filme británico-estadounidense de 2020 escrito e dirixido por Christopher Nolan, que el mesmo produciu xunto con Emma Thomas. Está protagonizado por John David Washington, Robert Pattinson, Elizabeth Debicki, Dimple Kapadia, Michael Caine e Kenneth Branagh. O filme conta a historia dun axente secreto que aprende como manipular o fluxo do tempo para previr un ataque do futuro que ameaza con aniquilar o mundo presente.

Nolan dedicou máis de cinco anos a escribir o guión despois de cavilar sobre as ideas centrais de Tenet durante máis dunha década. A preprodución comezou a finais de 2018, co proceso de selección de elenco realizada en 2019. A fotografía principal durou seis meses dende maio até novembro, en Dinamarca, Estonia, a India, Italia, Noruega, o Reino Unido e os Estados Unidos. O fotógrafo Hoyte van Hoytema rodou en 70 mm e IMAX. As escenas de manipulación do tempo foron rodadas tanto cara a adienta como cara a atrás. Usáronse máis de cen buques e miles de extras.

A estrea foi posposta tres veces por mor da pandemia de COVID-19, mais finalmente estreouse no Reino Unido o 26 de agosto de 2020, e nos Estados Unidos o 3 de setemro de 2020 en IMAX, 35 mm e 70 mm. Foi un dos primeiros filmes de Hollywood en estrearse masivamente nos cinemas despois do confinamento da pandemia, e recadou 363 millóns de dólares en todo o mundo, converténdose no quinto filme con maior recadación de 2020. Porén, a recadación foi considerada un fracaso debido ó seu elevado orzamento de produción e comercialización e á escasa distribución nos cinemas durante a pandemia. O filme recibiu valoracións positivas, con eloxios ás secuencias de acción, efectos visuais, banda sonora, fotografía e interpretacións, mentres que a historia e a edición de son recibiron peores críticas. O filme recibiu dous nomeamentos ós Premios Óscar, ó mellor deseño de produción e mellores efectos visuais na 93ª edición dos premios.

Personaxes

• John David Washington como o protagonista, un axente da CIA
• Robert Pattinson como Neil
• Elizabeth Debicki como Katherine "Kat" Barton
• Dimple Kapadia como Priya Singh
• Martin Donovan como Fay
• Fiona Dourif como Wheeler
• Yuri Kolokolnikov como Volkov
• Himesh Patel como Mahir
• Clémence Poésy como Barbara
• Aaron Taylor-Johnson como Ives
• Michael Caine como Sir Michael Crosby
• Kenneth Branagh como Andrei Sator
• Denzil Smith como Sanjay Singh

Véxase tamén

Bibliografía

• Mottram, James (2020). The Secrets of Tenet: Inside Christopher Nolan's Quantum Cold War. Insight Editions. ISBN 978-1-64722-060-0. 

Ligazóns externas

• Tenet na IMDb (en inglés).
• Ficha en RottenTomatoes (en inglés)
• Ficha en BoxOfficeMojo (en inglés)