Sabela, nai de Xoán Bautista

Sabela, nai de Xoán Bautista
	;
Biografía
Nacemento	século I a. C. ; Hebrom (Reino herodiano)
Morte	século I
Enaltecemento
	santa ;
Día de festividade relixiosa	5 de novembro
Familia
Familia	Aharón e levita
Cónxuxe	Zacarías
Fillos	Yahya ibn Zakaryia, Xoán o Bautista
Parentes	Santa María, valor descoñecido; Xesús de Nazaret, valor descoñecido
Cronoloxía
	Visitación
Descrito pola fonte	Dicionario Enciclopédico Brockhaus e Efron; Pequeno Dicionario Enciclopédico de Brockhaus e Efron; A Cyclopaedia of Female Biography

Para outras páxinas con títulos homónimos véxase: Sabela.

Sabela^[1]^[2] (en grego Ἐλισάβετ e en hebreo אֱלִישֶׁבַע / אֱלִישָׁבַע) foi a nai de Xoán Bautista. Ademais era descendente de Aharón, parente de María e esposa de Zacarías, de acordo co Evanxeo de Lucas.

Narración bíblica

Deus enviou o arcanxo Gabriel a Nazaret, en Galilea, para comunicarlle a María, parente de Sabela, que concibiría polo Espírito Santo un fillo, que se chamaría Xesús. O arcanxo informoulle tamén de que a seu parente Sabela comezara o seu sexto mes de embarazo. María viaxou a un monte de Hebrón, en Xudea, para visitar a Sabela (Lucas 1:26-40).

Esta visita da Virxe María á seu parente Sabela constitúe o misterio da Visitación á Virxe María (Lucas 1:39-56). María loa a Deus cunha oración chamada Magnificat.

Tradición

Segundo a tradición, Sabela é filla dunha muller chamada Sobe, filla de Eliud, da tribo de Levi e de Emerenciana. Esta, ao quedar viúva casa con Matán (Mt. 1,15), natural de Belén e dedícanse á crianza de ovellas. Foron os pais de Ana, a nai de María e a avoa materna de Xesús.

Apócrifos

Moitos evanxeos apócrifos mencionan a Sabela. O máis famoso é o Evanxeo de Santiago, que menciona que o seu esposo, Zacarías, foi asasinado.

Santidade

Sabela é venerada como santa pola Igrexa católica o 5 de novembro. Na Igrexa ortodoxa e na Igrexa Anglicana éo o 5 de setembro, o mesmo día que Zacarías. Sabela está considerada como matriarca no santoral (5 de novembro) da Igrexa Luterana Sínodo de Missouri e Zacarías é considerado un profeta.

Notas

↑ Xunta de Galicia (ed.). "Ímoslle chamar..." (PDF). Arquivado dende o orixinal (PDF) o 04 de marzo de 2018. Consultado o 13 de xuño de 2017.
↑ Boullón Agrelo, Ana Isabel (coord.): Guía de nomes galegos A Coruña: Real Academia Galega.

Véxase tamén

Parroquias de Galicia baixo a advocación de santa Isabel

[1] Xunta de Galicia (ed.). "Ímoslle chamar..." (PDF). Arquivado dende o orixinal (PDF) o 04 de marzo de 2018. Consultado o 13 de xuño de 2017.

[RAG-2] Boullón Agrelo, Ana Isabel (coord.): Guía de nomes galegos A Coruña: Real Academia Galega.

[1]

[2]