Jerry Seinfeld

Jerry Seinfeld

(2016)
Biografía
Nacemento	(en) Jerome Allen Seinfeld 29 de abril de 1954 (70 anos) Brooklyn (Estados Unidos de América)
Relixión	Xudaísmo
Educación	Queens College State University of New York at Oswego (pt) Massapequa High School (en)
Lateralidade	manicho
Actividade
Campo de traballo	Actuación, Comedia de situación e actividade literaria
Ocupación	monologuista
Período de actividade	1980 -
Partido político	político independente
Patrimonio estimado	8.000.000 $ (2015)
Obra
Obras destacables (1989-1998) Seinfeld (2007) Bee Movie (2012-2019) Comedians in Cars Getting Coffee (pt)
Familia
Cónxuxe	Jessica Seinfeld (1998–)
Parella	Shoshanna Lonstein Gruss (1993–1997)
Premios
(1994)  Golden Globe Award de melhor ator em série cómica ou musical (pt) (1992)  Primetime Emmy Award de melhor série de comédia (pt)
Sinatura
Sitio web	jerryseinfeld.com

Jerome Allen "Jerry" Seinfeld (nado o 29 de abril de 1954, Brooklyn, Nova York), é un comediante en vivo, actor e escritor estadounidense. Lembrado pola súa participación na serie de comedia para televisión Seinfeld, transmitida de 1989 ata o 1998.

Biografía

A popularidade de Jerry Seinfeld reside nun tipo de humor baseado na observación de feitos cotiáns. Nacido en Brooklyn, criado en Massapequa, o seu interese pola comedia empezou cando tiña oito anos e mirando a televisión sentía fascinado ao pensar que a alguén lle pagasen por facer rir aos demais. A Seinfeld sempre lle gustou máis a actuación fronte a unha audiencia en vivo que na televisión dicindo: Souben que ía ser un comediante a unha moi temperá idade, recordo que unha vez fixen rir a un amigo tan forte que me guindou un bocado de biscoitos e leite encima. E encantoume. Ese foi o principio. El empezou nos clubs nocturnos a partir do momento en que se graduou da Universidade de Queens. En principio dedicouse a facer presentacións gratuítas, só para perfeccionar a súa actuación.

Naqueles momentos para sobrevivir recorreu a unha variedade de traballos estraños como vender ilegalmente lámpadas de luz por teléfono e vender xoias falsas na rúa. A pesar de todo nunca perdeu o seu soño: Toda a miña vida estiven tratando de rirme... estou obsesionado con ese movemento. Cando estás a rir, deixaches o teu corpo, deixaches o planeta... é unha experiencia incrible. O seu traballo rendeu froitos cando se converteu nun invitado regular do programa Late Night With David Letterman e The Tonight Show. O seu primeiro especial foi Jerry Seinfeld's Stand-up Confidential, transmitido en HBO durante 1987 e 1988. Na primavera de 1991 Jerry foi o condutor de Spy TV: How To Be Famous para a canle NBC e Aspen Comedy Festival para Showtime.

En 1989 déronlle a oportunidade de ter a súa propia comedia nunha canle. Co seu compañeiro Larry David (que foi usado como modelo para o neurótico George Costanza) presentaron a idea dun programa acerca de nada dedicando cada media hora do programa a sucesos triviais. O programa foi aceptado e ao principio chamábase Seinfeld Chronicles, pero despois pasouse a chamar simplemente Seinfeld.

Seinfeld é coñecido polo seu humor de observación, xeralmente acerca das relacións entre persoas e o incómodo coas obrigacións sociais. O Comedy Central considerouno un dos 12 máis importantes comediantes stand-up da historia no seu especial The 100 Greatest Standups Of All Time.