Friedrich Engels

Friedrich Engels

Biografía
Nacemento	28 de novembro de 1820 Barmen (Reino de Prusia)
Morte	5 de agosto de 1895 (74 anos) Londres, Reino Unido
Causa da morte	cancro
Relixión	Ateísmo
Educación	Universidade de Berlín
Actividade
Campo de traballo	Filosofía
Lugar de traballo	Estado de Bremen Manchester Elberfeld
Ocupación	economista, activista polos dereitos das mulleres, sociólogo, xornalista, emprendedor, historiador, revolucionario, filósofo, escritor, científico social, teórico político, autor
Partido político	Liga dos Comunistas
Membro de	Primeira Internacional
Influencias	Heráclito de Éfeso, Ludwig Feuerbach, A Essência do Cristianismo (pt) , Karl Marx, Georg Wilhelm Friedrich Hegel, Adam Smith, Max Stirner (pt) e David Ricardo
Compañeiro profesional	Karl Marx: Karl Marx and Friedrich Engels (en)
Obra
Obras destacables (década de 1840) Die deutsche Ideologie (1848) Manifesto do Partido Comunista (1880) Do Socialismo Utópico ao Socialismo Científico (pt)
Arquivos en	Instituto Internacional de História Social (pt)
Familia
Parella	Mary Burns
Pais	Friedrich Engels   e Elisabeth Franziska Mauritia van Haar
Irmáns	Rudolf Engels
Cronoloxía
marzo de 1933-outubro de 1933	queima de libros na Alemaña nazi
Sinatura
Descrito pola fonte	Nordisk familjebok Grande Enciclopedia Soviética 1969-1978, (sec:Энгельс Фридрих) Pequeno Dicionario Enciclopédico de Brockhaus e Efron

Friedrich Engels, nado en Barmen (Prusia) o 28 de novembro de 1820 e finado en Londres o 5 de agosto de 1895, foi un empresario, economista e pensador alemán, principal colaborador e coautor da maioría das obras de Karl Marx, xunto co que desenvolveu a teoría comunista.

Traxectoria

Engels naceu no seo dunha familia adiñeirada. A pesar disto, debeu abandonar cedo os seus estudos para dedicarse a traballar de dependente. Porén, comezou a estudar de xeito autodidacta no tempo libre que lle concedían o seu traballo e a súa familia. Ao igual que sucede con Marx, a filosofía hegeliana exerce unha grande influencia sobre el. En 1842 coñece a Marx, feito que cambiaría radicalmente a súa concepción das teorías revolucionarias e socialistas existentes até o momento. Nestes anos, tamén, retoma aos seus estudos oficiais, en concreto de economía política. A liña ideolóxica do seu pensamento resúmese en A situación da clase obreira en Inglaterra, que publica en 1844. Neste mesmo ano trasládase a París, onde se entrevista con Marx. A posta en común das súas ideas, moi próximas, lévaos a colaborar definitivamente a partir desa data. Esta amizade perduraría até a morte de Marx en 1883.

Se Marx se ocupou dos aspectos políticos, Engels inclinouse polo estudo da economía política. En colaboración con este publicou A Sagrada Familia, A ideoloxía alemá e o Manifesto do Partido Comunista, obra de gran repercusión nos séculos XIX e XX.

A familia e a opresión da muller

Marx e Engels seguiron as ideas de Fourier en La sagrada familia, onde se sosteñen que “os progresos sociais e os cambios de períodos opéranse en razón directa do progreso das mulleres cara á liberdade; e as decadencias de orde social opéranse en razón do decrecemento da liberdade das mulleres”.Retomaron no Manifesto do Partido Comunista que o capitalismo tende a destruír os lazos familiares na clase obreira.

XXI. Que influencia exercerá o réxime social comunista na familia? As relacións entre os sexos terán un carácter puramente privado, pertencente só ás persoas que toman parte nelas, sen o menor motivo para a inxerencia da sociedade. Iso é posible mercé á supresión da propiedade privada e á educación dos nenos pola sociedade, co cal se destrúen as dúas bases do matrimonio actual ligadas á propiedade privada: a dependencia da muller respecto do home e a dependencia dos fillos respecto dos pais. Niso reside, precisamente, a resposta aos alaridos altamente moralistas dos burguesotes con motivo da comunidade das mulleres, que, segundo estes, queren implantar os comunistas. A comunidade das mulleres é un fenómeno que pertence enteiramente á sociedade burguesa e existe hoxe plenamente baixo a forma de prostitución. Pero, a prostitución descansa na propiedade privada e desaparecerá xunto con ela. Por conseguinte, a organización comunista, en lugar de implantar a comunidade das mulleres, suprimiraa. F. Engels (1847), "Principios do Comunismo"

Engels escribiu sobre a histórica opresión das mulleres por parte do Estado e a relación matrimonial na orixe da familia, a propiedade privada e o Estado. Expresou que coa orixe da monogamia "o home empuñou tamén as rendas na casa; a muller viuse degradada, convertida na servidora, na escrava da luxuria do home, nun simple instrumento de reprodución [...] se a mata, non fai máis que exercer o seu dereito." Na familia burguesa, "o home é o burgués e a muller representa ao proletario".Esta obra é considerada unha obra crave para o feminismo socialista.

Véxase tamén

Outros artigos

• Filosofía
• Economía
• Marxismo