Shibuya

Shibuya 渋谷区
special ward of Japan (en)
Irudi gehiago
Administrazioa
Estatu burujabe	Japonia
Metropolitan prefecture	Tokio
Alkatea	Ken Hasebe (en)
Izen ofiziala	渋谷区
Jatorrizko izena	渋谷区
Posta kodea	150-8010
Geografia
Koordenatuak	35°39′49″N 139°41′52″E
Azalera	15,11 km²
Mugakideak	Minato, Shinjuku, Shinagawa, Meguro, Setagaya, Nakano eta Suginami
Demografia
Biztanleria	235.193 (2021eko martxoaren 1a) 10.660 (2015)
Dentsitatea	13.540 bizt/km²
Informazio gehigarria
Sorrera	1947ko maiatzaren 3a eta 1932ko urriaren 1a
Ordu eremua	UTC+09:00 eta Japan Standard Time (en)
https://www.city.shibuya.tokyo.jp

Shibuya (japonieraz: 渋谷区, Shibuya-ku) Tokioko mendebaldeko auzoetako bat da. 2008ko erroldaren arabera 208.371 biztanle bizi ziren 15,11 kilometro koadroko azalera, eta biztanle dentsitatea 13.540 pertsona kilometro koadroko zen.

Ezaugarriak

Shibuya, Tokioko auzorik garrantzitsuenetakoa da, 1947ko martxoaren 15ean sortu zen, eta gaur egun, hiriko denda eta merkataritza gunerik handienak bertan daude. Azken 30 urtetan, gunea famatu egin duten hainbat denda zabaldu dira, tartean "Shibuya 109" izeneko merkataritza gunea.

Historia

Edo Aroan Shibuya familia bizi zen gaztelua zegoen bertan. XIX mendean hasi zen auzoa garatzen 1882an Aoyama Gakuin unibertsitatea ireki eta 1885ean treneko Yamanote lerroa bertara iristean. 1909an Shibuya herri bihurtu zen eta 1932an Sendagaya eta Yoyohata herriekin bat egin zuen. Urte hartan Tokiotik Yokohamara zihoan Tokyu Toyoko trenbide berriaren geltoki garrantzitsua ezarri zen bertan eta hurrengo urteetan tren lerro gehiago iritsi ziren Shibuyara. 1947an Tokioko auzo berezi izendatua izan zen.

Azken 30 urteetan gazteen auzoa bihurtu da Shibuya. Moda dendak eta zentro komertzialak daude bertan eta 90. hamarkadaren bukaeran teknologia berriak ere indar handia hartu zuen, Bit Valley ezizena eman zaio horregatik.

Hachikō

Hachikō (japonieraz (忠犬ハチ公, chūken Hachikō, "Hachikō, txakur leiala") Nekazaritza Departamentuko Hidesaburō Ueno irakaslearen txakurra zen eta egunero Shibuyako geltokian itxaroten zion lanetik bueltan. 1925eko maiatzean Hidesaburō Uenok burmuin odoljarioa izan eta hil egin zen. Egunero bezala Hachikō zain izan zuen baina ez zen trenean itzuli. Hurrengo 9 urtetan Hachikō egunero joan zen geltokira bere jabearen bila harik eta 1935eko martxoaren 8an hil zen arte. Hachikōren historia oso famatua egin zen 1932an Asahi Shimbun egunkarian idatzitako artikulu batengatik eta jendea bera ikustera eta janaria ematera joaten zitzaion.

1934ean Shibuyako geltokiaren atean brontzezko estatua ezarri zen 1948an berriztu zena. Apirilaren 8an urtero zeremonia handiak egiten dira bere omenez.

Ondasun nabarmenak

• Shinjuku Gyoen lorategiak (Shinjuku eta Shibuya artean daude)
• Meiji santutegia eta Yoyogi parkea
• Harajuku barrutia.
• Center Gai kale peatonal estua.
• Tokioko zebrabide ezagunena.
• Hachikōren estatua.

Iruditegia

• 
  Shinjuku Gyoen lorategiak.
• 
  Meiji santutegia.
• 
  Yoyogi parkea.
• 
  Zebrabide ezaguna gauez.
• 
  Harajukuko bi cosplay gazte.
• 
  "Center Gai" kale peatonal jendetsua.

Kanpo estekak

• (Japonieraz) Auzoaren webgunea.]

• Datuak: Q193638
• Multimedia: Shibuya / Q193638

	Tokio prefektura