Rovinj

Rovinj; Rovinj; Rovigno; Rovigno
	town in Croatia (en)
	Irudi gehiago
Administrazioa
Herrialdea	Kroazia
Eskualdea	Istria
Izen ofiziala	Rovinj; Rovigno; Ровіньо
Jatorrizko izena	Rovinj; Rovigno
Posta kodea	52210
Geografia
Koordenatuak	45°05′N 13°38′E / 45.08°N 13.63°E
Azalera	77,5 km²
Altuera	0 m
Demografia
Biztanleria	12.968 (2021eko abuztuaren 31); −1.326 (2011)
Dentsitatea	167 bizt/km²
Informazio gehigarria
Telefono aurrizkia	052
Ordu eremua	UTC+01:00
Hiri senidetuak	Leonberg, Camaiore, Adria, Pesaro eta Zvolen
	https://www.rovinj.hr/

Rovinj (Istrieraz Ruvèigno edo Ruveîgno, italieraz Rovigno), Istria eskualdeko hiria da. Istria penintsularen mendebaldean dago, itsaso Adriatikoaren ertzetan eta Poreč eta Pularen artean. 13.562 biztanle ditu (2001) eta Herri turistikoa da, bai arkitektura veneziarragatik eta baita udako gaugiroagatik ere. Itsas portu aktiboa ere bada.

Populazioa

13.562 biztanle ditu (2001). Hauetatik %76'31 kroaziarrak dira, %16 italiarrak eta %3'51 serbiarrak. Albaniarrak eta bosniarrak ere badaude. Udan italiarrak, alemanak eta austriarrak etortzen dira nagusiki. Rovinjen oraindik istriera edo rovignese hitz egiten da.

Historia

Iliriarrek sortu zuten baina erromatarrek eman zioten gaur egungo izenaren sorburua izango zena, Arupinium hasieran, gero Mons Rubinium eta azkenik Ruvinium. Herria kostaldetik banaturik zegoen irla batean eraikiz joan zen. 1283 eta 1797 artean Veneziarren itsas portu garrantzitsuenetakoa izan zen. 1763an kostaldetik banatzen zuen kanala materialez bete zuten Rovigno penintsula bihurtuz.

Istria guztia bezala, 1797tik aurrera Austria-Hungariako Inperioaren barnean egon zen Lehen Mundu Gerran Italiak eskuratu zuelarik. Bigarren Mundu Gerra bukatzean Jugoslavia jabetu zen hiriaz eta bertako biztanle italiar askok alde egin zuten. Kroazierazko Rovinj izena hartu zuen orduan. 1991tik aurrera Kroaziako hiria da.

Ondasun nabarmenak

Rovinjeko arkitektura guztia veneziar estilokoa da, bai eliza, kaleak, kaia eta gelditzen diren harresiak ere.

Santa Eufemia eliza (Svetog Eufemija): Istriako kanpandorre altuena du, 61 metrotakoa, eta Veneziako San Marko basilikaren kanpandorrearen irudiko egina da. Penintsularen tokirik altuenean dago eta bere inguruan labirinto itxurako kale estuek osatzen dute hiriaren alde zaharra.