Renaud de Châtillon

Renaud de Châtillon
	; Irudi gehiago
Bailiff of the kingdom of Jerusalem (en)	;
Bailiff of the kingdom of Jerusalem (en)
Bizitza
Jaiotza	Frantziako Erresuma, 1120
Herrialdea	Frantziako Erresuma
Heriotza	Hittin (en) , 1187ko uztailaren 4a (66/67 urte)
Heriotza modua	: burugabetzea
Hiltzailea	Saladin I.a
Familia
Aita	Hervé II, Lord of Donzy
Ezkontidea(k)	Constance of Antioch (en) (1153, 1153 (egutegi gregorianoa) - ; Stephanie of Milly (en) (1177, 1177 (egutegi gregorianoa) -
Seme-alabak	ikusi Agnes of Antioch (en) ; Jeanne of Antioch (en) ; Q51885889 ; Alice of Chatillon (en) ; Aveline de Châtillon (en) ;
Leinua	House of Châtillon-sur-Loing (en)
Hezkuntza
Hizkuntzak	frantsesa
Jarduerak
Jarduerak	erregeordea eta zalduna
Zerbitzu militarra
Gradua	zaldun
Parte hartutako gatazkak	Hattingo gudua; Battle of Montgisard (en) ; Crusader raids on the Red Sea (en) ; Siege of Kerak (en)
Sinesmenak eta ideologia
Erlijioa	katolizismoa

Renaud de Châtillon (Châtillon-sur-Loire, 1125 aldean - Hattin, Siria, 1187ko uztailaren 4a) frantses buruzagi militarra izan zen. Gurutzadetako kristau militar nagusietako bat izan zen 1147-1187 bitartean.

Bizitza

Antiokiako printzea izan zen 1153-1160 urteetan, hango printzesa Konstantzarekin ezkondurik. Armeniarren, bizantziarren eta musulmanen aurka borrokatu zen. Haiek preso eduki zuten 1160-1177 bitartean. Ondoren Jordan ibaiaren haranzko lurretako jaun izan zen. Musulmanen karabanei eraso asko egin zizkien hurrengo urteetan. Tiberiadesko guduan berriro preso hartu zuten musulmanek, orduan Guy Lusignangoaekin batera, eta 1187an Saladinek bere eskuz hilarazi zuen.

Imad al-Din arabiar kronikariak honela deskribatu zuen Renaud de Châtillonen heriotza (arabiar kroniketan Renaud, Arnat izenez deitua da):

«

Salah al-Dinek Guy Lusignangoa erregea bere albora gonbidatu zuen, Arnat dendara sartzean, Salah al-Dinek erregearen aldamenean jarrarazi eta bere gaiztakeriak oroitarazi zizkion: "Zenbat aldiz hitza eman eta hautsi duk, errespetatu ez dituan zenbat akordio sinatu dituk!" Arnatek bere itzultzaileari hau erantzun zezan agindu zion: "Errege guztiek honela jokatu izan dute. Haiek egin ez dutenik ez dut nik egin." Bien bitartean, Guy egarriz aspereneka, burua mozkor baten moduan atzera-aurreratuz eta bere aurpegiak sekulako izua erakusten zuela zegoen. Salah al-Dinek hari hitz lasaigarriak zuzendu, ur izoztua eman ziezaioten agindu eta Guyri edateko eskaini zion. Erregeak edan eta ondoren gainontzeko ura Arnati eman zion, Arnatek ere ur hartatik edan zuelarik. Orduan sultanak Guyri honakoa esan zion: "Arnati ura eskaintzeko baimenik ez didak eskatu. Ez nauk, hortaz, hari mesede hori emateko derrigortua. Hitz horiek aipatu ostean, sultana dendatik atera, zaldi gainean jesarri eta urrundu egin zen, presoak haren hitzekin erabat izuturik utziz. Sultanak bere gudarosteak ikuskatu eta dendara itzuli zen. Jada bertan, Arnat bere aurrera ekar zezaten agindu zuen, harengana ezpata eskuan zuela aurreratu eta bat-batean lepoa eta omoplatoaren artean ezpata-kolpea eman zion. Arnat seko hilda lurrera erori zen, morroiek lepoa ebaki eta haren gorpua hanketatik tiraka erregearen oinetan laga zuten, erregea dardarka hasi zen. Salah al-Dinek erregea hain ikaratua ikusita, ahots lasaigarriz honako hau esan zion: "Gizon hau gaiztoa eta zitala izateagatik hil da."^[1]

»

Guyri bizia barkatu zitzaion. Damaskon denbora batez preso egon ondoren, egoera onean zegoela askatasunean laga zuten.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.