Metro Bilbao
| Metro Bilbao S.A. | |
|---|---|
 | |
 | |
| Mota | Enpresa publikoa |
| Sektorea | Metro (garraiobidea) |
| Sorrera | 1993ko otsailaren 18a |
| Sortzailea | Euskal Trenbide Sarea eta Bizkaiko Garraio Partzuergoa |
| Egoitza | Nafarroa Kalea, 2; 48001 Bilbo |
| Presidentea | Jose Luis Bilbao Eguren |
| Merkatuak | Bilboaldea eta Uribe Kosta |
| Webgunea | https://www.metrobilbao.eus |
- Artikulu hau Metro Bilbao S.A. enpresari buruzkoa da; beste esanahietarako, ikus «Bilboko metroa».
Metro Bilbao S.A. Bilboko metroa kudeatzeko Bizkaiko Garraio Partzuergoak eratutako sozietate anonimoa da. Bilboko metroa kudeatu eta ustiatzeko beharrezkoak diren zerbitzuak bere gain hartzen ditu. 1993ko otsailaren 18an eratu zen, eta 1992ko azaroaren 12an BGPak egindako bilkuran onartu ziren Estatutuek arautzen dute.
Gaur egun, Metro Bilbao S.A. k Bilboko metroaren 1. eta 2. lineak ustiatzen ditu. Bestalde, Euskotrenek Metro sareko 3. linea ustiatzen du. Proiektuan dauden lineei dagokienez, 4. linea Euskotrenek eta 5. linea Metro Bilbao S.A.k ustiatuko omen dituzte.
Administrazio Kontseilua
[aldatu | aldatu iturburu kodea]Administrazio Kontseilua enpresaren administrazio-organoa da, eta hurrengoez osatuta dago:[1]
Presidentea
[aldatu | aldatu iturburu kodea]Presidenteordea
[aldatu | aldatu iturburu kodea]- Antonio Aiz Salazar, Eusko Trenbideak sozietatearen presidentea.
Kontseilariak
[aldatu | aldatu iturburu kodea]- Ibon María Areso Mendiguren, Bilboko alkatea.
- Itziar Garamendi Landa, Foru Aldundiko Herri Lan eta Garraio saileko ahalduna.
- Pedro María Hernando Arranz, Eusko Jaurlaritzako Ekonomia eta Aurrekontu sabilburuordea.
- Miren Izaskun Iriarte Irureta, Eusko Jaurlaritzako Administrazio eta Lurralde Plangintzaren sailburuordea.
- Ricardo Ituarte Azpiazu, Santurtziko alkatea.
- Imanol Landa Jauregi, Getxoko alkatea.
- Manuel Leza Olaizola, Eusko Jaurlaritzako Garraio Plangintzaren zuzendaria.
- María Almudena Ruiz de Angulo del Campo, Eusko Jaurlaritzako Garraio Azpiegituren zuzendaria.
Idazkari ez kontseilaria
[aldatu | aldatu iturburu kodea]- Imanol Bilbao Eizagirre, Bizkaiko Garraio Partzuergoko idazkari nagusia.
Egoitzak
[aldatu | aldatu iturburu kodea]Egoitza nagusia
[aldatu | aldatu iturburu kodea]Metro Bilbao S.A.ren egoitza nagusia Bilboko Metroaren egoitza da, Bilboko Nafarroa kaleko 2. zenbakian kokatuta dagoena. Egoitza honetan Aginte Mahai Nagusia (PMC siglez ezaguna) dago, non Metro sarearen funtzionamendua zuzendu, kontrolatu eta gainbegiratzen den. Aginte Mahai Nagusia uholde, sabotai eta istripuetatik babesteko neurriez hornituta dago.[2] Bestalde, Arizko kotxetegietan Aginte Mahai Erredundantea eraikitzen ari da, 2019ko amaieran martxan jarriko dena.[3]
Bezeroei arreta egiteko bulegoak
[aldatu | aldatu iturburu kodea]2017ko azaroaren 7an Bizkaiko Garraio Partzuergoak hamaika Bezeroen Arretarako Bulego integral jarri zituen martxan. Metro Bilbao S.A.k kudeatutakoak hurrengoak dira:[4]
- Ansioko geltokia
- Areetako geltokiko kanpoaldea (Ibaigane, 17)
- Zazpikaleetako geltokia (San Nikolas sarbidea)
Ikus, gainera
[aldatu | aldatu iturburu kodea]Erreferentziak
[aldatu | aldatu iturburu kodea]- ↑ Metro Bilbao erakundearen egitura https://www.metrobilbao.net/eu/conocenos-eu/organizacion-eu/nuestra-estructura-eu[Betiko hautsitako esteka]
- ↑ «Instalazioak eta euskarri teknologikoa | Metro Bilbao» www.metrobilbao.eus (Noiz kontsultatua: 2018-02-11).
- ↑ (Gaztelaniaz) Libre, Vía. «Metro Bilbao contará con un puesto de mando redundante en 2019» www.vialibre-ffe.com (Noiz kontsultatua: 2018-02-11).
- ↑ Erakundeen arteko akordio bati esker, garraio publikoko 11 Bezeroaren Arretarako Bulego (BAB) integral izango ditu Bizkaiak. | bizkaiko garraio partzuergoa - consorcio de transportes de bizkaia. (Noiz kontsultatua: 2017-10-31).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q3307439
 | ||
| Errepideak | ||
| Autobusak | ||
| Burdinbideak | ||
| Itsas garraioa | ||
| Aerodromoak | ||
| Bestelakoak | ||
| Guneak | ||