Bazardüzü

Bazardüzü
Bazardüzü
Datu orokorrak
Garaiera	4.466 m
Prominentzia	2.454 m
Mota	mendi
Geografia
Koordenatuak	41°13′14″N 47°51′30″E / 41.2204928°N 47.8583417°E
Mendikatea	Kaukaso Handia
Estatu burujabe	Errusia
Errusiako errepublikak	Dagestan
Mendizaletasuna
Lehen igoera	1847

Bazardüzü^[1] —Bazardüzü mendia bezala ere ezaguna— (azerbaijaneraz "Bazarraren, azokaren lautadaren edo zelaiaren mendia"^[2]) Kaukaso Handian dagoen mendi bat da. 4.466 metroko garaierarekin Azerbaijan eta Errusiaren menpeko Dagestango mendirik altuena da.

Beraz, Europa eta Asiako mugan dago eta gaur egungo estatu errusiarraren barruko lurretako hegoaldeko muturretik oso hurbil dago.

Izenak

Azerbaijaneraz Bazardüzü^[3], Bazar-düzü^[4] edo Bazar Düzü^[5] idazten da. Nazioarteko iturrietan (sarritan Europakoetan, errusierazko bertsioan oinarrituta) toponimoaren beste transkripzio batzuk ere topa daitezke: Bazar Dyuzi^[6], Bazardyuzyu^[7]. Errusierazko generikoarekin Gora Bazardyuzi transkribatzeko ohitura dago^[8].

Mendiaren hego isurialdean bizi diren azeriarrez gain, lezgi herria bi isurialdeetan presente dago^[9]^[10]. Bere hizkuntzan mendiak Kitxensuv du izena.

Igoera

Ezagutzen den lehen igoera A. Alexandrovek egin zuen 1847an. 1890ean George Yeld and G P Baker britainiarrek Dagestanetik igo zutela ere ezaguna da^[11]. Altuera eta distantziarengatik mendi honetara igotzeko eskarmentu handikoa eta espedizio baten partaide izatea ia ezinbestekoa da. Azerbaijango aldetik joateko aukerari dagokionez, bidearen zati bat glaziar batetik pasatzen da. Espedizioa mendiaren ekialdean dagoen Laza (Qusar Laza) izeneko herritik hasten da; bestela ibaiaren ertzetik doan oso pista kaskarretik hurbil daiteke Xinaliqetik pasatuta; Azerbaijango lau mendi nagusietakoak diren Tufan, Bazardüzü eta Shahdagera joateko balio du.

Ondo prestatuta ere, aklimatazio aldiaren ostean bi-hiru egun behar dira igoera burutzeko; gauak kanpaina-dendetan ematen dira eta egokiena udan joatea da.^[12]^[13]

Erreferentziak

Ikus, gainera

Kanpo estekak

(Alemanez) Igoera osoa Gipfel-und-grenzen webgunean.
(Ingelesez) Mendia Peakbaggerren.
(Ingelesez) Mountain Forecast.

Datuak: Q725591
Multimedia: Bazardüzü / Q725591

[1] Euskaltzaindia. Anatoliako eta Hego Kaukasoko toponimia. .

[2] Virtual Tourist.com.

[3] Eco.gov.az.

[4] Azerbaijango ibaiei buruzko webgunea.

[5] Mct.gov.az.

[6] Physical map of Azerbaijan.

[7] Encyclopædia Britannica.

[8] Peaklist.org.

[9] Kaukasoko herrien mapa Wikimedia Commonsen.

[10] Thesaurus Indogermanischer Text- und Sprachmaterialien.

[11] Alpine Journal^{[Betiko hautsitako esteka]}.

[12] Mountaineering in the Azerbaijan Caucasus.

[13] Adventures up in the mountains.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]