Protogono

Laŭ la helena mitologio, la Protogonoj aŭ Protogenoj (el la greka Πρωτογονος aŭ Πρωτογενοι, «unue naskitaj» aŭ «originaj») estis la originaj diaĵoj, la bazaj gedioj kiuj spruĉis dum la kreado de la mondo, kaj formis la bazan strukturon de la universo.

En la greka mitaro troviĝas diversaj kaj malsamaj teogonioj, en kiu ĉefrolas komunaj roluloj; tamen malfacilas redakti komunan liston de originaj diaĵoj, ĉar kaj ilia nombro, kaj iliaj atributoj sufiĉe varias laŭ la diversaj fontoj.