Patejn

Patejn
urbo vd
Administrado
Lando	Birmo
subŝtato	Iravadio (ĉefurbo)
Demografio
Loĝantaro	287 071  (2014) [+]
Geografio
Geografia situo	16° 46′ N, 94° 44′ O (mapo)16.76666666666794.733333333333 [+]
Alto	8 m [+]
Horzono	UTC+06:30 [+]
Patejn (Birmo) DEC Situo de Patejn
Alia projekto
Vikimedia Komunejo Pathein [+]

Patejn estas signifa universitata urbego, havenurbo kaj katolika diocezo en Birmo. Ĝi estas ankaŭ subŝtata kaj distrikta ĉefurbo.

Riverborda panoramo en Patejn

Vojo de Patejn

Konstruaĵoj en Patejn

Bazaj informoj

• Loĝantaro: 287 071 (2014, nur la urbo mem)
• Horzono: UTC+6:30
• Telefonkodo: + 95 42

Geografio

Vojo de Patejn

Vojo de Patejn

Patejn situas laŭ la samnoma rivero Patejn, kiu estas okcidenta branĉo de rivero Iravadio. La urbego kuŝas 190 km de Jangono.

Historio

Patejn estis parto de reĝlando antaŭ la kolonia erao. La alvenintaj portugaloj vokis Pathein-on "Cosmim." La britoj konstruis fortikaĵon kaj establis garnizonon en 1826 post la unua angla-birma milito.

Ekonomio

Patejn estas komerca centro pri rizoj kun rizmuelejoj. La buntaj manfaritaj sunombreloj estas vaste konataj ĉie en Birmo, same la manfaritaj ceramikaĵoj, korboj kaj siteloj. En la ĉirkaŭaĵo oni kultivas sezamojn, arakidojn, jutojn, maizojn, tabakojn, kapsikojn ktp. Menciindas la fiŝkaptado kaj kolektado de testudoovoj.

Trafiko

Patejn estas alirebla voje, fervoje, ŝipe, aere. La haveno estas samtempe mara kaj rivera.

Klimato

Patejn havas tropikan klimaton kun musonoj. La jara averaĝa temperaturo varias inter 22-32 °C. En ĉiuj monatoj pluvas, sed inter junio-septembro pli ofte.

Monumento en Patejn

Pagodo en Patejn

Vidindaĵoj

• la pagodo Shwemoktaw (984) en la centro de la urbo estas konsiderita unu el la nun respekteginda en suda Birmo
• pluraj temploj, budhaj pagodoj
• muzeo
• monumento
• pitoreska akvorando

Fontoj

• artikolo el la Encyclopædia Britannica (angle)