Granda Arko de La Défense

La Grande Arche
Arche de la Défense
triumfa arko ; burokonstruaĵo ; nubskrapulo
Bazaj datoj
Konstrutempo	1985-1989
Konstrustilo	20-a jarcento
Arkitekto	Johan Otto von Spreckelsen
Estiĝo	1989
Malfermo	1989
Adreso
Lando	Francio
Situo	La Défense (Puteaux)
Situo
Geografia situo	48° 53′ 35″ N, 2° 14′ 11″ O (mapo)48.8930562.236389Koordinatoj: 48° 53′ 35″ N, 2° 14′ 11″ O (mapo)
Altitudo	110 m
	La Grande Arche (La Défense)
	Situo de La Grande Arche
	La Grande Arche
Retejo	https://www.lagrandearche.fr/
	v • d • r

La Granda Arko de La Défense, alinomata Granda Arko de Frateco (franclingve Grande Arche de la Défense aŭ Grande Arche de la Fraternité), estas giganta, kvadrataspekta arko lokita okcidente de Parizo en la kvartalo La Défense, sur la teritorio de la komunumo Puteaux (Hauts-de-Seine).

Historio

Pluraj prezidentoj de la Respubliko, ekzemple Georges Pompidou aŭ Valéry Giscard d'Estaing, sinsekve ambiciis starigi monumentan verkon sur la historia akso de Parizo. Sed la laboro nur ekis en 1983, post konkurso organizita de François Mitterrand por plilongigi la akson (kiu interalie trairas la placon de la Konkordo kaj la Triumfan Arkon). La konkurso entenis 484 malsamajn projektojn el la tuta mondo, kaj la gajnanto estis la dana arkitekto Johann Otto von Spreckelsen.

La Granda Arko estis inaŭgurita en julio 1989, okaze de la ducentjarfesto de la franca revolucio de 1789. Ĝi estas videbla el la Triumfa Arko aŭ eĉ el la ĝardenoj Tuileries.

La monumento

Johann Otto von Spreckelsen konceptis sian verkon kiel modernan, 20-a jarcentan version de la Triumfa Arko de la placo Charles de Gaulle: sed la Arko celis honorigi homaron kaj humanismon, ne militistajn venkojn.

La arko estas kvadrato preskaŭ perfekta, kun malplena centro.