Christopher Reeve

Christopher Reeve
Persona informo
Christopher Reeve
Naskonomo	Christopher D'Olier Reeve
Naskiĝo	25-an de septembro 1952 (1952-09-25) en New York, Novjorkio, Usono
Morto	10-an de oktobro 2004 (2004-10-10) (52-jaraĝa) en Mount Kisco, New York, Usono
Mortis pro	Naturaj kialoj vd
Mortis per	Korinfarkto kaj sepso vd
Religio	Unitaria Universalismo vd
Etno	angla usonano vd
Lingvoj	angla vd
Loĝloko	Pound Ridge vd
Ŝtataneco	Usono vd
Alma mater	Lernejo Juilliard Princeton Day School (en) Universitato Cornell HB Studio vd
Familio
Patro	Franklin D'Olier Reeve vd
Patrino	Barbara Pitney Lamb (en) vd
Edz(in)o	Dana Reeve
Infanoj	3
Profesio
Okupo	televida aktoro aktoro reĝisoro filmproduktoro voĉaktoro filmreĝisoro teatra aktoro filmaktoro scenaristo vd
Aktiva dum	1978 – 2004
Honorigoj Honorigoj (2004)  Grand Cross of the Order Bernardo O'Higgins (en) (2003)  Lasker-Bloomberg Public Service Award (en) (2001)  ASCB Public Service Award (en) (24-a de februaro 1999)  Premio Grammy por la Plej Bona Albumo de Parolitaj Vortoj, kialo de la premio Still Me (en)  stelo sur la Trotuaro de famo en Holivudo  Primetime Emmy Award (en)  Nov-Ĵerzeja Halo de Famo  Audie Award for Narration by the Author or Authors (en) vd
En TTT	https://www.christopherreeve.org/
Aktorado
Fama rolo	Superman en Superman
Premio BAFTA
La plej bona novveninto 1978 Superman
vd	Fonto: Vikidatumoj

Christopher Reeve
(fotita en 2003)

Christopher REEVE (naskiĝis la 25-an de septembro 1952, mortis la 10-an de oktobro 2004) estis usona aktoro, stelulo de la Superman-filmoj.

Li naskiĝis en Novjorko, kiel filo de romanisto kaj ĵurnalisto. Li jam dekjare aktoris sursceneje. Li finstudis en la drama fako de Cornell-a Universitato en 1974, li rolis en ĉentelefilmo, sed ofte ludis ankaŭ en teatro. Lia unua rolo estis ludi nepon de Katherine Hepburn-imitato ĉe Broadway.

Lia plej konata filmo estas Superman el 1978 (angle Superhomo), kiu havis tri daŭrigojn. La ĉefrolon li akiris el inter 200 kandidatoj.

En 1980 li kune kun Jane Seymour aperis en la filmo Somewhere in Time. Jane Seymour estis tiel impresita de Christopher Reeve, ke ŝi unu idon nomis laŭ li. Ankaŭ lia rolo en The Bostonians (1984) ricevis bonajn kritikojn.

La sportoŝatanta aktoro akcidentis la 27-an de majo de 1995, kiam li falis de ĉevalo kaj rompis la vertebran kolon ; ekde tiam li devis uzi rulseĝon.

Lia filmagado ekde tiam dum longa tempo paŭzis, ĉar li koncentriĝis al sia rehabilitiĝo. Kune kun sia edzino Dana Reeve li fondis la rehabitiligan centron Paralysis Resource Center, kies tasko estas, instrui al paralizitoj, vivi pli memstare.

En 1998 Christopher Reeve revenis al la aktorado: En la televida refilmigo de la Hitchcock-filmo Rear Window li okupis la rolon de paralizito, kiu de sia fenestro observis murdon. Samjare aperis lia membiografio Still Me.

La 10-an de oktobro 2004 Christopher Reeve mortis en Mount Kisco, Novjorkio. Unu tagon antaŭe li post kor-halto perdis la konscion. La kaŭzo de tio estis infekto, akirita pro vundiĝo dum la longa kuŝado. Ĝismorte li esperis, iam denove povi piedmarŝi.

Listo de filmoj

• Love of Life (televidserio, 1974-1976)
• Superman (1978)
• Superman II (1979)
• Somewhere in Time (1980)
• Superman III (1983)
• The Bostonians 1984)
• Anna Karenina (1985)
• Street Smart (1986)
• Superman IV (1987)
• Switching Channels (1988)
• Bump in the Night (1991)
• Noises Off (1992)
• Remains of the Day (1993)
• Speechless (1994)
• Village of the Damned (1995)
• Rear Window (1998)