Agama

Agama nopo nga kopogowit rati do kotumbayaan kumaa kinorohingan, toi ko ahal-ahal do osundu miagal ko kinoringan. Kotumbayaan di nogi nga adadi do koubasanan kumaa iso-iso tinimungan tongoulun. Mantad di, agama om kotumbayaan nopo nga duo kawo rati di kiwaa pionitan di bobos taralom. Nga agama lobi kopogowit do rati di alaab, iri no tu koponuku do sistem kotumbayaan di kohesif, nga kepercayaan nopo nga kokomoi aspek do kinoringan.

Mogisusuai Simbol Agama id Pomogunan

Kotumbayaan Booyungan Dusunik id Sabah

Tulun Dusun di pogulu nopo nga otumbayaan do toinsanan it poimpasi kikoduduo. Baino nopo dii, kogumuan tulun Dusun kiugama miagal do Katolik om Silam. Nga haro nogi it pinopotilombus do tinungkusan kotumbayaan diolo.

Otumbayaan tulun Dusun do haro apat koduduo id pomogunan. Iti nopo nga it Minamangun, Koduduwo, Tombiruoh om Rogon. Montok tulun Dusun Tungku, lohowon diolo tasab do Doto.

Otumbayaan yolo do Minamangun ih minanak koduduwo tawasi montok toinsanan it poimpasi. Otumbayaan nogi yolo do Rogon ih mogowit kosusaan kumaa toinsanan tulun. Otumbayaan tuhun bansa Rungus id kudat do Rogon pointongkop doid nonggo nopo miagal doid bawang, watu, puun, walai, ropuhan, lagit, tawan om ogumu po wagu.

Kirogon di mongigira om tanak tonini. Ngaran nopo do Rogon diti nga Rinumindop toi ko Rogon Lagit, Rumana, Pampang, Omopodon, Sorumbohon, Rogon Rasam, Sinakambang toi koh Rogon Tontoluhan, Linopiya om Sinimbulang toi koh Rogon Tondu, Tutumolong, Tambaaig, Kolinipau toi koh Rogon Bawang, Pangambal om Yongkomiyan toi koh Rogon Walai, Yangkabatak toi koh Tanak Rogon, Bukakaron toi koh Tama Rogon, Yangkabatuk, Mahani om Masanggong toi koh Rogon Dapur.

Otumbayaan tulun Dusun do sumakit sosongulun tu nosumpit isio do tangaanak Rogon it mimpanau. Olingasan isio nung mokiampun isio do Rogon dilo. Ilo no do nokuro tulun Dusun kaanu yolo do monongkiboros miampai Rogon maya tondu ih lohowon diolo do Bobolian.

Asawat pongintangan do tondu id mato do tulun Dusun tu yolo no it kaanu do monongkiboros miampai Minamangun. Sumambayang yolo miampai iso kakamot it roitan do komburongoh. Kakamot diti winonsoi mantad bosi, lunsing tonini om nogi raan tonini (Komburongoh). Gonding toi sukuon winonsoi mantad nipon bakas toi bohuang, watu tonini om gamut kayu.

Galeri

• 
  Gereja Katolik id Damascus Syria
• 
  Gereja Kristian Orthodox id Belz
• 
  Gereja Kristian Protestant id Tarnowskie Góry
• 
  Masjid id Instanbul, Turkey
• 
  Kuil Hindu id Hunsur
• 
  Kuil Buddha id Bangkok, Thailand