Nehemia
| Reizh pe jener | paotr  |
|---|---|
| Bro ar geodedouriezh | Impalaeriezh an Ac'haemenided |
| Anv-bihan | Nehemiah |
| Vocalized name | נְחֶמְיָה בֶּן-חֲכַלְיָה |
| Deiziad ganedigezh | 473 BCE |
| Lec'h ganedigezh | Judea |
| Deiziad ar marv | 403 BCE |
| Lec'h ar marv | Judea |
| Tad | Hachaliah |
| Yezhoù komzet pe skrivet | arameeg |
| Micher | rener |
| Karg | hanafer, gouarnour |
| Strollad etnek | Yuzevien |
| Relijion | yuzevegezh |
Nehemia a oa un uhelgargad yuzev eus lez Artashashta, roue Persia, bet kaset gant e roue da vro Yehouda da ensellout adannezadur ar Yuzevien e bro Jeruzalem.
War-lerc'h embann Koresh, roue Persia e 538 KJK o reiñ aotre d'ar Yuzevien da zistreiñ d'o bro, ne guitas ket an holl bro an harlu ma oant staliet. Ouzhpenn e veze klevet o doa kavet diaesterioù ar re a oa distroet. Keloù en doe Nehemia (hebraeg:, « Doue en deus frealzet »), ur Yuzev uhelgargad e lez ar roue Artashasta e Soushan eus kement-se.
Goulenn a reas digant ar roue an aotre da vont evel Ezra, en e raok pe war e lerc'h, da ensellout stad Jeruzalem. Kefrediet e voe da adsevel kêr, ha da adaozañ he mogeradur. War-dro 445 KJK en em gavas gant e labour hag e kasas anezhañ da benn daoust d'ar skoilhoù. Bez e vefe bet e Jeruzalem etre 445 ha 433 KJK, distroet neuze da Soushan a-raok dont en-dro da Jeruzalem. Labourat a reas da adsevel kumuniezh Israel ivez[1]. Skoazellet e vefe bet Ezra ha Nehemia gant ar brofeded Hagai ha Zec'haria.
E troidigezh Gwilh ar C'hoad (1897) e kaver Nehemi evit Nehemia[2].
Daveoù
[kemmañ | kemmañ ar vammenn]- ↑ Troidigezh An Tour-Tan, levrenn 4, p 353
- ↑ Troidigezh Gwilh ar C'hoad, p 416