Metro Manila

Metro Manila

Kartenn Filipinez a ziskouez lec'hiadur Metro Manila
Kreizenn rannvroel	Manila
Poblañs	11,289,368
– Stankter	15,617 dre km²
Gorread	636 km²
Rannoù
– Proviñsoù	—
– Kêrioù	14
– Kumunioù	3
– Barangayioù	1694
– Distrigoù Kannad	27
Yezhoù	filipineg, saozneg, re all

Metropolitan Manila (filipineg: Kalakhang Maynila) pe Rannvro Kêr-benn Vroadel National Capital Region (NCR) e saozneg, a vez graet eus tolpad-kêrioù kêr-benn Filipinez. Emañ ar veurgêr-mañ e-touez 20 tolpad-kêrioù brasañ ar bed evit ar pezh a sell ouzh an niver a dud o chom enni. Metro Manila a ya d'hec'h ober kêr vManila, anezhi kêr-benn Filipinez ha 16 kêr ha kumun all tro-war-dro, en o zouez Quezon City bet kêr-benn etre 1948 ha 1976.

Kreizenn bolitikel, sokial, armerzhel ha sevenadurel Filipinez eo Metro Manila. Unan eus meurgêrioù modern gevred Azia eo ivez. Evit tud al lec'h, dreist-holl re kêr Manila hec'h-unan, met evit tud ar proviñsoù ivez e vez graet alies gant Manila traken evit envel Metro Manila. Koulskoude ne blij ket kaer an dra-se d'an dud zo o chom e rannoù all eus ar veurgêr. Un afer lorc'h eo hag ivez abalamour m'eo tostoc'h tachenn kêrioù zo eus ar proviñsoù tro-war-dro eget eus Manila hec'h-unan. Aliez e vez berraet Metro Manila e M.M..

Kêrioù ha kumunioù

Kartenn Metro Manila a ziskouez ar c'hêrioù hag ar c'humunioù.

Mont a ra pevarzek kêr ha teir c'humun d'ober Metro Manila. Renet eo pep hini anezho gant ur Maer zo ezel eus kevre Maered Metro Manila a zo lodek eus Aotrouniezh Diorren Metro Manila (Metropolitan Manila Development Authority) (MMDA).

Kêrioù	Poblañs¹	Gorread (km²)	Stankter Pobl. (dre km²)
Caloocan City	1,177,604	53.33	22,081
Las Piñas City	528,011	41.54	12,710
Makati City	444,867	27.36	16,260
Malabon City	338,855	15.76	21,501
Mandaluyong City	278,474	11.26	24,731
Manila	1,581,082	38.55	41,014
Marikina City	391,170	33.97	11,515
Muntinlupa City	379,310	46.70	8,122
Parañaque City	449,811	47.69	9,432
Pasay City	354,908	19.00	18,679
Pasig City	505,058	31.00	16,292
Quezon City	2,173,831	161.12	13,492
Taguig City	467,375	47.88	9,761
Valenzuela City	485,433	44.58	10,889
Kumunioù	Poblañs¹	Gorread (km²)	Stankter pobl. (dre km²)
Navotas	230,403	10.77	21,393
Pateros	57,407	2.10	27,337
San Juan	117,680	5.94	19,811

¹ niverididigezh 2000

Er c'hontrol da rannvroioù all Filipinez hag a zo rannet e proviñsoù, Metro Manila, Rannvro Kêr-benn Vroadel (NCR) zo rannet e pevar distrig hep kefridi resis strollet war un diazez douaroniel boutin a ra dave da stêr Pasig. E 1976 int bet savet ha n'o deus na velestradurezh lec'hel, na n'int ket dileuriet er Parlamant kennebeut en enep d'ar proviñsoù all. Implijet e vez an distrigoù-mañ evit aferioù stadegel ha tailhoù dreist-holl.

Strollet eo ar c'hêrioù hag ar c'humunioù en NCR e pevar distrig evel-henn :

• 1añ Distrig : Kêr Manila
• 2^l Distrig : Mandaluyong City, Marikina City, Pasig City, Quezon City, San Juan
• 3de Distrig : Caloocan City, Malabon City, Navotas, Valenzuela City
• 4^re Distrig : Las Piñas City, Makati City, Muntinlupa City, Parañaque City, Pasay City, Pateros, Taguig City

Lec'hioù

Bet eo bet Manila kêr-benn Filipinez hag Azia spagnol e-pad tost 500 vloaz. Se zo kaoz ez eus peadra da zizoleiñ e Metro Manila a-fet lec'hioù dedennus ha plijus.

Poblañs

Hendadoù

Filipineziz ha Mestizos (diskennidi Filipineziz hiron) a ya d'ober an darn vrasañ eus tud Metro Manila. Evit ar pep brasañ eo Filipineziz a orin Tagaloged, Ilokaned, Bikolaned, Sebuaned, Warayed, pe Maranaed. E-touez an estrañjourien ez eus dreist-holl Sinaiz, Stadunaniz, Spagnoled, Indiiz ha Pakistaniz, Arabed, Indoneziz, Japaniz, Koreaned, Breizhveuriz, Italianed, Euskariz hag Europiz all.

Yezhoù

Ar filipineg (ar yezh vroadel diazezet war kenyezh Manila) hag ar saozneg eo ar yezhoù a vez graet ganto hag a vez komprenet, koulz lavaret, gant holl dud Metro Manila. Yezhoù all a gomzer avat : Tagalog, Sougbouaneg, Bikoleg, Winarayeg, Kapampanganeg, Ilokanoeg ha Maranaeg. Ouzhpenn 86 yezh a gomzer e Filipinez a-hend-all ha klevet e vezont er gêr-benn. Evit ar pezh a sell ouzh ar yezhoù estren, hag estreget ar saozneg e vez komzet dreist-holl spagnoleg, sindhi, punjabeg, japaneg, bahasa indonezeg, koreaneg, euskareg, ha meur a yezh europek all.

Relijion

Pennrelijion ar vro eo ar relijion katolik roman. Gant Sinaiz hag Indiiz e vez pleustret war ar voudaegezh hag an Hindouegezh tra m'eo kentoc'h protestant Stadunaniz ha Norzheuropiz. Relijion Filipineziz Maranao, an Arabed hag Indoneziz eo an Islam.