Belgica
Neuz
![](https://upload.wikimedia.org/wikipedia/commons/thumb/b/ba/REmpire-Gallia_Belgica.png/200px-REmpire-Gallia_Belgica.png)
Proviñs roman Belgica a zeu hec'h anv eus Gallia Belgica. Ul lodenn eus Galia e oa. E deroù prantad an impalaerien e vode tachennoù ar c'heodedoù a oa ezel eus ar c'hevredad belgat a-raok o faezhidigezh gant Julius Caesar, da lâret eo an dachenn zo etre ar Roen hag ar stêr Sequana (Ar Seine hiziv), anvet Belgium[1] gant Caesar. Da gentañ e oa bet staliet kêr-benn ar broviñs e Durocorter (Reims hiziv). Goude se, ne ouzer ket pegoulz met kent diwezh an impalaeriezh izelañ moarvat, e voe kaset ar gêr-benn da Treueorum.
Da vare an impalaerAugustus e kaved e Belgica ar c'heodedoù galian-mañ :
- Ciuitas Remorum, kêr-benn Durocorter (Reims)
- Ciuitas Siluanectum, kêr-benn Augustomagus (Senlis)
- Ciuitas Suessionum, kêr-benn Augusta Suessionum (Soissons)
- Ciuitas Bellouacorum, kêr-benn Caesaromagus (Beauvais)
- Ciuitas Ambianorum, kêr-benn Samarobriua (Amiens)
- Ciuitas Viromanduorum, kêr-benn Augusta Viromanduorum (Saint-Quentin)
- Ciuitas Atrebatium, kêr-benn Nemetacum (Arras)
- Ciuitas Neruiorum, kêr-benn Bagacum (Bavay)
- Ciuitas Leucorum, kêr-benn Tullum Leucorum (Toul)
- Ciuitas Treuerorum, kêr-benn Augusta Treuerorum (Trier)
- Ciuitas Mediomatricorum, kêr-benn Diuidorum (Metz)
Notennoù
[kemmañ | kemmañ ar vammenn]
![](https://upload.wikimedia.org/wikipedia/commons/thumb/3/34/Roman_empire.png/100px-Roman_empire.png)