Organong sekswal
An organong sekswal, na inaapod man na reproduktibong organo, sarong parte kan organismong imbwelto sa sekswal na reproduksyon . An mga organong sekswal iyo an pangenot na sekswal na karakteristiko nin sarong organismo. An ma organong sekswal responsable sa pagprodusir asin pagdara nin gametes, saka pagpasilitar nin pertilisasyon asin pagsuportar sa pagtalubo asin pagkamundag kan aki. Manonompongan an mga organong sekswal sa dakol na klase nin hayop asin tinanom, na an saindang itsura nagkakalaenlaen depende sa species.
An mga organong sekswal sa parateng pinaglalaen sa klase nin lalaki asin babae. Sa mga tawo, an lalaking organong sekswal kaiba an mga testes, penis, asin prostate gland; an mga organong sekswal nin babae kabilang an obaryo, fallopian tubes, matris, cervix, vagina, asin vulva.
Sa mga hayop (kaiba an tawo), an testis kan lalaki asin obaryo sa babae inaapod na pangenot na organong sekswal.[1] An gabos na iba pang may kinaaraman sa pagdurog inaapod na sekondaryong sekswal na organo, nababanga sa pag-oltanan kan panlaog asin panluwas na organong sekswal. An panluwas na organong sekswal kabali an mga henitalya o panluwas na henitalya, nahihiling sa pagkamundag sa kapwa tawuha. [1]
Sa mga tinanom, an lalaking reproduktibong estruktura kaiba an mga stamen sa mga tanom na nagbuburak, na nagpoprodusir nin pollen. An pambabaeng reproduktibong estruktura, arog kan pistil sa mga tinanom na nagbuburak, nagpoprodusir nin ovule asin nagreresibi nin pollen para sa pagpertilisar. An mga lumot, pako, asin iba pang kaagid na tinanom igwa nin gametangia para sa mga reproduktibong organo, na kabtang kan gametophyte. An mga burak kan tinanom na nagbuburak nagpoprodusir nin pollen asin sugok na selula, alagad an organong sekswal mismo pwedeng yaon sa laog kan gametophytes sa laog kan pollen asin kan ovule. An mga tinanom na Coniferous nagpoprodusir kan saindang sekswal na reproduktibong estruktura sa laog kan gametophytes na yaon sa laog nin cone asin pollen. An mga cone asin pollen bako man mismong sekswal na organo.
Kapag magkaibahan, an organong sekswal nagigin sistemang reproduktibo kan organismo.
Toltolan
[baguhon | baguhon an source]- ↑ 1.0 1.1 Clark, Robert K. (2005). Anatomy and Physiology: Understanding the Human Body (in English). Jones & Bartlett Learning. ISBN 9780763748166.
