Dioskurlar

Dioskurlar
Romanın Kapitoli meydanında dioskurların heykəlləri
Mifologiya	qədim yunan mifologiyası, Qədim Roma mifologiyası
Yunanca adı	q.yun. Διόσκοροι
Latınca adı	lat. Dioscuri
Cinsi	kişi
Funksiyaları	səyyahların və dənizçilərin himayəçiləri
Atası	Zevs və Tindarey
Anası	Leda
Bacısı	Klitemnestra və Gözəl Yelena
Arvadı	Levkippin qızları Feba və Gilayera
Atributlar	dan və axşam ulduzu, bənövşəyi xlamida, yumurta qabığı şəklində iti pilos-papaqları
Astroloji simvol	Əkizlər bürcü
Vikianbarda əlaqəli mediafayllar

Dioskurlar (q.yun. Διόσκοροι, Διόσκουροι və ya Διὸς κοῦροι sözbəsöz mənası "Zevsin yeniyetmələri") — qədim yunan və Roma mifologiyalarında Kastor (Κάστωρ "qunduz", lat. Castor) və Polidevk (Πολυδεύκης, lat. Pollux [Polluks]) adlı əkiz qardaşlar. Ledanın iki ata Zevs və Tindarayedən olan uşaqları.

Həyatları boyu bir sıra döyüşlərdə iştirak etdilər. Arqonavtlar yürüşündə və Kalidon ovunda iştirak etmişdilər, qaçırılmış bacıları Yelenanı geri qaytarmışdılar. Kastorun döyüşdə ölməsindən sonra Polidevk qardaşına qovuşması üçün dua etdi. Bu cür səmimi qardaş sevgisinin mükafatı olaraq Zevs, Dioskurlar obrazını göyə Əkizlər bürcünə yerləşdirdi. Qədim Yunanıstanda qardaşlar səyyahların və dənizçilərin himayəçiləri sayılırdılar. Onlar ehtimal olunan vətənləri Spartada xüsusi hörmətə malik idilər və orada onlar onları dövlət havadarları hesab olunurdular. Dioskurlar kultu qədim Romada qəbul edilmişdir. Burada onlar ilk növbədə hərbi şücaətin təcəssümü hesab olunurdular. Antik inanclara görə, onlar ekvitlər atlıları təbəqəsinin havadarları idilər.

Dioskurlar ilə əlaqəli mifoloji süjetlərə Leonardo da Vinçi, Mikelancelo, Rubens və s. kimi İntibah və Müasir dövrün ən böyük sənətkarlarının əsərlərində rast gəlmək olar.