Blisa daava (suterot)
|
Blisa daava tir berpot ke Émile Zola sanegayan bak 1884, i san-toleafa karba ke Rougon-Macquart yasa nevatum. VildeksPauline poke biraKalaxe ke weltikya koe Paris dilizeyer ; koe Blisa daava karba, koe moltaf widam yoltkiraf gu Bonneville ( Vonawid ) re tigit. Narara va yolt ke wid is berpot me tir mialodafa. Zola icdeon kaliyir : « To va berpot djukabelí : vonaf is sintaaf tisik rundayan ko piza vonetesa va rieta vas vonuca is kranav. Va gradilikya gí, i va Pauline Quenu tisu envolsafu gu Nana. Va bu ke blira, i va opelafa is vonafa blira kuraní. » Pauline Quenu tir nazbeikya ke Lisa Macquart is Quenu bulolatenlonyikye ke Jivot ke Paris berpot. Pauline ba sanda jotapon tugadikiskawer nume gu satcafa tufa konoler. Gan Chanteau yasa zo vedgober voxe jwa di azreger. Koe Chanteau yasa, Eugénie gadikya kalpokolesa mu kiewaskira ke san-lerddafe Lazare nazbeikye tir. Goxe bantel va abdumimaks tantanon dure aptijus gestur. Yasa va Normanda al koirubar kiren gadikye buluyune waleniskayakoler numen lidawicka co di tir zeitafa. Tuwavafa agraluca ke Pauline inafa is abidara me umbeter da ine gan Eugénie mbi dubieter. Bantel va konoleks ke Pauline uner ise ta giopaf abdumimaks ke nazbeye lorkar. Vebana kalucaMerofolinon, Eugénie Chanteau va Pauline gu rodja tublodar nume toz bogar. Kire gruper da Pauline va Lazare nazbeye renar, pune va bantel ko meem ke Louise komimar, i ke nazbeikya ke omeltik. Nekevon, Pauline va Lazare dun zober ise vadulur. Loleon gelbeson, va Chanteau W-ye kevroper. Azen Eugénie silukon ve akoler neken Pauline abidason is krenugon dere moroper kore gu jivara ganon volaun zo buntur. Kaiki muluftera ke Eugénie, Pauline va int dun wetar, bristuson da Lazare va Louise di kurer. Va sinaf Paul nazbeik ba koblira giwar aze dace di viunsur. Arak ke inafa tufa ta gaara va Paul di zo ixalar. Zola va koredikafa volsuca koe Blisa daava berpot vefapar. Nekev jontika skaynara levon rundana, Pauline va intafa blisa daava vider. En tir ton volsafa adala ke Lazare tise krutafe is uniferdafe. Va miv Zola koe Blisa daava ape katrasit. Inafa gadikya su mulufter, voxis Gustave Flaubert nik. Setra ke Lazare timid intafa isen divdomawesa kiewatrakureva ke Pauline va inafa vuda isu kivara abiceke vandilir. Dere rupel
|
 Moek ke piskuks ke 1903 | ||||||||||||||||
.jpg)
.svg){kind=icon}