Dane Clark

Dane Clark
Vida
Nacimientu	Brooklyn, 26 de febreru de 1912
Nacionalidá	Estaos Xuníos
Llingua materna	inglés
Muerte	Santa Monica, 11 de setiembre de 1998 (86 años)
Estudios
Estudios	Universidá Cornell ; St. John's University School of Law (en)
Llingües falaes	inglés
Oficiu	actor de teatru, actor de televisión, actor, actor de cine
Emplegadores	Warner Bros.
Premios	ver Estrella del Paséu de la Fama de Hollywood ;
Xéneru artísticu	western
Creencies
Partíu políticu	Partíu Republicanu de los Estaos Xuníos
IMDb	nm0163816

Dane Clark (26 de febreru de 1912, Brooklyn – 11 de setiembre de 1998, Santa Monica)^[2] foi un actor televisivu y cinematográficu estauxunidense conocíu por interpretar, como él mesmu afirmaba, a "Joe Average (el ciudadanu mediu)".^[3]

Biografía

El so verdaderu nome yera Bernard Zanville, y nació nel barriu de Brooklyn de la ciudá de Nueva York, siendo los sos padres Samuel y Rose, dos inmigrantes xudíos.

Graduóse na Universidá Cornell y siguió estudios de derechu na Escuela de Derechu de la Universidá St. John's de Queens, Nueva York. Mientres la Gran Depresión foi boxeador, xugador de béisbol, albañil y modelu.^[3]

El so trabayu como modelu fíxo-y entrar en contautu con persones del mundu del espectáculu, llegando a trabayar como actor teatral.^[3] Dende pequeños papeles nel circuitu de Broadway foi progresando hasta consiguir personaxes d'entidá, sustituyendo finalmente a Wallace Ford nel papel de George na producción de 1937 de De mures y homes.^[3]

La gran oportunidá de Clark llegó en 1943, al roblar contratu cola compañía Warner Bros. Gracies a ello trabayó con delles de les mayores estrelles de la dómina, de cutiu en filmes bélicos como Action in the North Atlantic (1943), la so primer película d'importancia, con Humphrey Bogart, Destination Tokyo (1943, con Cary Grant), y Pride of the Marines (1945, col so amigu John Garfield). Según Clark, foi Bogart el que-y dio'l so nome artísticu.^[3]

Pa la radio, Clark encarnó a Peter Chambers nel show Crime and Peter Chambers, un programa de media hora de duración emitíu ente'l 6 d'abril y el 7 de setiembre de 1954. Na temporada 1954-1955 Clark, nel papel de Richard Adams, coprotagonizó xunto a Gary Merrill, ésti encarnando a Jason Tyler, el drama criminal televisivu de la NBC Justice.^[4]

En 1959 retomó'l papel de Humphrey Bogart como Slate en Bold Venture, una serie televisiva de curtia trayeutoria, y foi artista convidáu en numberosos shows televisivos, incluyendo ente ellos Appointment with Adventure y Dimensión Desconocida, esti postreru nel episodiu "The Prime Mover". Amás dio vida al Teniente Tragg na serie The New Adventures of Perry Mason en 1973.

Dane Clark finó en Santa Monica (California), en 1998.

Seleición de la so filmografía

Action in the North Atlantic (1943)
Destination Tokyo (Destination Tokyo) (1943)
The Very Thought of You (1944)
Hollywood Canteen (Tres díes d'amor y fe) (1944)
I Won't Play (1945) (curtiu)
God Is My Co-Pilot (1945)
Pride of the Marines (1945)
Her Kind of Man (1946)
A Stolen Life (Una vida robada) (1946)
That Way with Women (1947)
Deep Valley (1947)
Moonrise (1948)
Embraceable You (1948)
Without Honor (1949)
Backfire (1950)
Gunman in the Streets (1950)
Highly Dangerous (Armes secretes) (1950)
Never Trust a Gambler (1951)
Fort Defiance (1951)
Go, Man, Go! (1954)
Murder by Proxy (1954)
Massacre (1956)
Murder on Flight 502 (1975) (TV)
The Woman Inside (1981)
Blood Song (1982)
Last Rites (Venceyu de sangre) (1988)

Referencies

↑ ^1,0 ^1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ La so fecha de nacencia ye fonte de discutiniu, y depende de les fontes: los trés feches más frecuentemente amosaes son el 26 de febreru de 1912, el 18 de febreru de 1913, y el 18 de febreru de 1915. El Social Security Death Index da 1912 como'l so añu de nacencia.
↑ ^3,0 ^3,1 ^3,2 ^3,3 ^3,4 Lawrence Van Gelder (16 de setiembre de 1998). «Dane Clark, Actor, 85, Dies; Starred in World War II Films». The New York Times. Consultáu'l 25 de mayu de 2008.
↑ Alex McNeil, Total Television, p. 444

Enllaces esternos

Wikimedia Commons tien conteníu multimedia tocante a Dane Clark.
Dane Clark na Internet Movie Database (n'inglés)
Dane Clark n'AllMovie (n'inglés)
Dane Clark na Internet Broadway Database (n'inglés)

[b23597bfab6da2d62761392ac66acb8e3a5eb6ac-1] 1,0 ^1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.

[2] La so fecha de nacencia ye fonte de discutiniu, y depende de les fontes: los trés feches más frecuentemente amosaes son el 26 de febreru de 1912, el 18 de febreru de 1913, y el 18 de febreru de 1915. El Social Security Death Index da 1912 como'l so añu de nacencia.

[NYT-3] 3,0 ^3,1 ^3,2 ^3,3 ^3,4 Lawrence Van Gelder (16 de setiembre de 1998). «Dane Clark, Actor, 85, Dies; Starred in World War II Films». The New York Times. Consultáu'l 25 de mayu de 2008.

[4] Alex McNeil, Total Television, p. 444

[1]

[2]

[3]

[4]