نظام تشغيل
نظام التشغيل (بالانجليزى: Operating system ) هو برنامج مسؤول عن تشغيل وادارة الهاردوير والسوفت وير بتوع الكومبيوتر والنظام ده بيعمل الحاجات الاساسية اللى تخلى الكومبيوتر يقوم يعنى يشتغل زى مثلا تقسيم مصادر الجهاز زى الرام وتقسيم الهارد ديسك ازاى تشتغل مع الكيبورود والماوس و كده كمان بيخلى الجهاز يتعرف على الشبكة ويخوش على الانترنت ويتعامل مع الملفات المتخزنة على الهارد ديسك او المتخزنة على سى دى او دى فى دى.
مقدمة
[تعديل]الحواسيب الحديثة بتعمل حاجات كتير جدا فى وقت واحد وكمان الحاسبات العملاقة (المين فريميس) ليها برضه انظمة تشغيل خاصة بيها عشان تقدر تتحكم فى الامكانيات الكبيرة بتاعة الاجهزة دى. فى حبة فوايد اساسية لنظام التشغيل وهيا:
- انه بيخلى الكومبيوتر يشغل اكتر من برنامج فى وقت واحد.
- بيسهل شغل البرمجة وعمل البرامج عشان بيفصل البرنامج من الهاردوير, نظام التشغيل هوا اللى بيتعامل مع الهاردوير وكمان بيخلى اليوزر يتعامل مع شكل جرافيكى عالى جدا بيسهل التعامل مع الكومبيوتر والبرامج اللى فيه.
الوظايف الاساسية
[تعديل]- بينظم ملفات اليوزر على الهارد ديسك او السى دى او الدى فى دى.
- بيعتمد كل نظام تشغيل على نظام ملف معين (File system)خاص بيه فمسلن مايكروسوفت ويندوز الجديد بيعتمد على نظام NTFS
- بينظم البرامج المتحملة على الكومبيوتر وكان بينظم الهاردوير بتاع الجهاز زى الشاشة والبرنتر والماوس.
- بيعالج الغلطات اللى بتحصل فى البرامج او الهاردوير.
- بيحافظ على سرية النظام عن طريق الاكونتس عشان مش اى حد يخوش على الجهاز.
- بيدير الرام والبروسيسور والهارد ديسك.
حبة من الانظمة الموجودة الايام دى
[تعديل]- مايكروسوفت ويندوز اطور سنة 1995
- ماك او اس من شركة ابل ابتدا الشغل فيه سنة 1984
- لينكس نظام مفتوح المصدر ممكن يتنزل من الانترنت من غير فلوس ومنه نسخ تجارية بدء سنة 1991
- يونكس ده نظام (نصي) مشهور اوى فى المجالات العلمية كان له دور كبير فى تطوير الانترنت بدء فى الخمسينات
- ام اس دوس نظام نصي
