Simulation
D Simulation oder Simulierig isch e Verfahre zur Analyse vo System, wo für die theoretischi oder formelmässigi Behandlig z kompliziert si. Das si vor allem System mit dynamischem Verhalte. Bi dr Simulation wärde Experimänt an eme Modäll duregefüehrt, für zum s reale System besser z verstoh. Im Zsämmehang mit Simulation redet me vom System, wo simuliert wird, und vom Simulator as Implementierig oder Realisierig vom Simulationsmodäll, won e Abstraktion vom System, wo simuliert wird, isch (Struktur, Funktion, Verhalte). Dr Ablauf vom Simulator mit konkrete Wärt (Parametrierig) wird as Simulationsexperimänt bezeichnet. Däm siini Ergäbniss chönne denn interpretiert und uf s System, wo simuliert worden isch, überdrait wärde.
Dorum muess me as Ersts e Modäll entwiggle, däm Prozäss sait me Modellierig. Isch e Modäll geignet, um Ussage z mache über d Problemstellig wo z lösen isch, müesse nume d Parameter vom Modäll iigstellt und notfalls abgänderet wärde hisichtlig ere existierende Situation oder ere gwünschte Ziilsituation. S Modäll, respektive d Simulationsresultat chönne denn für Rückschlüss uf s Problem und si Lösig bruucht wärde. Drnoch cha me – wenn stochastischi Prozäss simuliert worde si – statistischi Uswärtige mache.
D Methode vo dr Simulation wird für vili Problemstelligen bruucht. Bekannti Fälder für en Iisatz vo Simulatione si z. B. Problem vo Strömige (zum Bispil FHP-Modell) oder vo Verchehr (bispilswiis VISSIM), und Wätterprognose (lueg ECMWF).
|
Dä Artikel basiert uff ere fräie Übersetzig vu dere Version vum Artikel „Simulation“ vu de dütsche Wikipedia. E Liste vu de Autore un Versione isch do z finde. |