Chlothar III.

Chlothar III.
König vo Neustrie
E Fantasiibild vom Chlothar III. (Jean Dassier, 1676-1763)
Regierigsziit	657 - 673
Uf d Wält cho	öbbe 650/651
Geburtsort	Chlodwig II.
Gstorbe	673
Begrabe	Im Chloster Chelles
Vorgänger	Chlodwig II.
Dronfolg	Er isch wohrschiinlig ohni Sohn gstorbe, s Erb isch an si nöchst männlig Verwandte gfalle, si Brueder
Nochfolger	Si Brueder Theuderich III.

Dr Chlothar III. (* wohrschiinlig 650/651; † 673 noch em 10. März) isch e Frankekönig us em Huus vo de Merowinger gsi. Wo si Vater Chlodwig II. 657 gstorben isch, isch er as dr eltist vo drei Söhn si Nochfolger im Königriich Neustrie und Burgund worde. Wil er zu dere Ziit nume achti gsi isch, het si Mueter Bathilde s Riich gregiert und isch 658 understützt worde vom Huusmeier Ebroin. D Herrschaft vo dene beide isch aber sehr zentralistisch usgrichtet gsi, was zu Protest vo der Bevölkerig gfüehrt het, doch d Ufständ si bluetig zsämmegschlage worde. 664 isch d Bathilde wäge Spannige vo ihrem Amt zruggdräte und het d Macht formell ihrem Sohn überge, aber in Wirklichkeit het dr Ebroin bestimmt. E Händel mit em Huusmeier het zum ene Grichtsprozäss gfüehrt, churz druf isch e Bürgerchrieg usbroche, und dr Chlothar isch 673 ermordet worde. Er isch im Chloster Chelles begrabe, wo siibe Johr spöter au si Mueter gstorben isch.

Dr Chlothar III. het für e churzi Ziit zum letzte Mol s fränkische Riich vereinigt, het aber scho 662 si jüngere Brueder Childerich II. as König z Austrasie müesse isetze. Si Regierigsziit isch en andere Schritt uf em Wäg zum e Königtum ohni Macht gsi, und vo denn a hai immer öfter d Huusmeier die wirkligi Macht usgüebt.

Churz noch siim Dod, im Johr 675 oder 676, isch dr Chlodwig, agäblig e Sohn vom Chlothar, zum König usgrüeft worde.

Vorgänger Chlodwig II.

König vo de Franke im Deilriich Neustrie 657–673

Nochfolger Theuderich III.

Dä Artikel basiert uff ere fräie Übersetzig vum Artikel „Chlothar_III.“ vu de dütsche Wikipedia. E Liste vu de Autore un Versione isch do z finde.