Puls

'n Puls is enige eenmalige versteuring wat deur 'n medium beweeg. Die puls beweeg altyd weg vanaf die oorsprong van die versteuring. Daar bestaan twee soorte pulse wat deur 'n medium kan beweeg: indien die versteuring loodreg is op die rigting waarin die pols beweeg, word na die puls as transversaal verwys. Indien die versteuring samelynig (parallel) is aan die rigting waarin die puls beweeg, word na die puls as longitudinaal verwys. 'n Voorbeeld van 'n transversale puls is 'n puls in 'n liggolf of watergolf. Pulse in klankgolwe is voorbeelde van longitudinale pulse. 'n Opeenvolging van pulse vorm 'n golf.