Pous Johannes XIII
Pous Johannes XIII | |
---|---|
![]() | |
Geboortenaam | Giovanni Crescenzi |
Pontifikaat begin | 1 Oktober 965 |
Pontifikaat eindig | 6 September 972 |
Voorganger | Benedictus V |
Opvolger | Benedictus VI |
Gebore | ± 938 Rome, Italië |
Sterf | 6 September 972 Rome, Italië |
Ander pouse genaamd Johannes |
Johannes XIII was die 133ste pous van die Rooms-Katolieke Kerk.
Biografie
[wysig | wysig bron]Pous Johannes XIII is gebore as Giovanni Crescenzi ongeveer in 938 in Rome, Italië die seun van Theodora, die suster van Marozia. Pous Johannes XIII was uit dieselfde familie Theophylactus as Pous Johannes XII. In teenstelling met sy voorganger is hy egter soms 'Johannes die Goeie' genoem. Voor sy verkiesing was Johannes biskop van Narni. Op 1 Oktober 965 volg hy Pous Benedictus V op en regeer tot sy dood op 6 September 972. Hy word opgevolg deur Pous Benedictus VI. Die naam ‘Johannes’ beteken 'God is genadig'.
Pontifikaat
[wysig | wysig bron]Pous Johannes XIII was keiser Otto I se keuse as pous en lid van die magtige Crescenzi familie waaruit later ook Pous Silvester III en verskeie kardinale sou kom. Hy is ingewy in die teenwoordigheid van die geskiedskrywer en keiserlike gesant biskop Liutprand van Cremona en biskop Otger van Speyer. Die volk van Rome het hom die 'wit hoender' genoem en teen hom in opstand gekom en hom op 16 Desember 965 gevange geneem en later verban, maar hy het op 14 November 966 na Rome teruggekeer. Hy het die aartbisdom Magdeburg, Duitsland ingestel tydens 'n sinode in 967 en op 25 Desember 968 is Adelbert as die eerste aartsbiskop in geseën. Op 25 Desember 967 kroon hy die twaalfjarige Otto II as medekeiser en hy steun die huwelik van Otto II met die Bisantynse prinses Theophano die niggie van keiser Johannes I Tzimisces en op 14 April 972 voltrek hy die huwelik in die Sint Pieterskerk.[1] Daar word gesê dat die pous die Lateraanse paleis in 'n harem omskep het en dat hy vermoor is deur die man van een van sy minnaresse.[2]
Bibliografie
[wysig | wysig bron]- Duff, Eamon (2001). Saints and Sinners: A History of the Popes, Yale University Press. ISBN 0-300-09165-6
- Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.
Verwysings
[wysig | wysig bron]- ↑ "John XIII." Encyclopædia Britannica. 2008. Encyclopædia Britannica Online. 2 Junie 2008 <https://www.britannica.com/eb/article-9043763[dooie skakel]>
- ↑ Verhöhnt, verprügelt, vergiftet Berig in Der Welt (de)
Eksterne skakels
[wysig | wysig bron]![]() |
Wikimedia Commons bevat media in verband met Pous Johannes XIII. |
- CE Inskrywing in die Catholic Encyclopedia (Engels)
- CF Inskrywing in die Catholic Forum (Engels)
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- PTA Inskrywing in "Popes through the Ages" deur J. Brusher S.J. (Engels)
- GM Inskrywing in die Genealogie van die Middeleeue (Duits)
Nota
[wysig | wysig bron]Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.
Opvolging
[wysig | wysig bron]Voorafgegaan deur Benedictus V |
Pous (Pontifex Maximus) 965 – 972 |
Opgevolg deur Benedictus VI |