Ponties

Ponties Ποντιακά / Ρωμαίικα
Gepraat in:	Griekeland  Turkye
Gebied:	Suidoos-Europa
Totale sprekers:	324 535
Taalfamilie:	Indo-Europees  Grieks   Ponties
Skrifstelsel:	Griekse alfabet Latynse alfabet
Taalkodes
ISO 639-1:	-
ISO 639-2:	ine
ISO 639-3:	pnt

Ponties (Ποντιακά of Ρωμαίικα/Romeyika, Grieks: Ποντιακή διάλεκτος, Turks: Pontus lehçesi) is 'n Griekse taal, wat deel uitmaak van die Attiese groep van Griekse tale. Ponties is oorspronklik in die Griekse kolonies van die Swart See-gebied gepraat, die naam is afgelei van die streek Pontus (Noord-Turkye). Die huidige taal is deur Turks, Persies en ander Kaukasiese tale beïnvloed, en na meer as tweeduisend jaar se afsonderlike ontwikkeling het Ponties ver van die amptelike taal van Griekeland wegbeweeg.

Ponties is die taal van die Grieke uit die noordelike Klein-Asië (Anatolië). Die grootste Ponties-Griekse gemeenskappe is: meer as 1 miljoen in Griekeland, meer as 500 000 in die Russiese Federasie en ander lande van die Gemeenskap van Onafhanklike State (GOS), waarvan 120 000 in Oekraïne, 11 000 in Oesbekistan, 2 000 in Armenië, 25 000 in Kazachstan, en meer as 4 000 in Turkye (waarvan die meeste moslems is). Oorsese sprekers sluit 80 000 in die Verenigde State, 20 000 in Kanada en 56 000 in Australië.