Kommetjie
Kommetjie | |
|---|---|
 Kommetjie vanaf Houtbaai gesien | |
  Kommetjie Kommetjie se ligging in Wes-Kaap | |
| Koördinate: 34°08′25″S 18°19′45″O / 34.14028°S 18.32917°O | |
| Land |  Suid-Afrika |
| Provinsie | Wes-Kaap |
| Munisipaliteit | Stad Kaapstad |
| Stigting | 1903 |
| Oppervlak | |
| • Totaal | 2,56 km2 (0,99 vk. myl) |
| Bevolking (2011)[1] | |
| • Totaal | 2 435 |
| • Digtheid | 951/km2 (2 460/vk. myl) |
| Rasverdeling (2011) | |
| • Wit mense | 92.0% |
| • Indiërs/Asiërs | 0.4% |
| • Bruin mense | 3.5% |
| • Swart mense | 2.7% |
| • Ander | 1.3% |
| Taal (2011) | |
| • Engels | 86.5% |
| • Afrikaans | 10.3% |
| • Ander | 3.2% |
| Poskode (strate) | 7976 |
Kommetjie is 'n klein dorpie of voorstad naby Kaapstad, in die Wes-Kaapprovinsie van Suid-Afrika. Dit lê omtrent halfpad langs die weskus van die Kaapse Skiereiland af, aan die suidelike punt van die lang breë strand wat noordwaarts na Chapmanspiek en Noordhoek loop. Die gemeenskap van Ocean View is in sy onmiddellike suidooste geleë.
Volgens die 2011-sensus het die dorp 'n bevolking van 2 434 gehad, van wie 92% hulself as blank geklassifiseer het. Dit is in 1902 gestig toe 'n konsortium sakemanne die gebied as 'n woonbuurt van Kaapstad ontwikkel het.[2] Die dorp is in die 1960's gemoderniseer toe elektrisiteit en munisipale lopende water geïnstalleer is.[2]
Die area is 'n gewilde plek vir branderplankry, aangesien kragtige golwe van die Atlantiese Oseaan opstyg oor rotsriwwe gevorm deur harde sandsteen van die Tafelberggroep. Waar die bodem klipperig is, is die vlakker waters dik begroei met reuse-kelpwoude. Kommetjie is bekend vir sy uitstekende kreefvangste, alhoewel veranderinge in die toelaatbare daaglikse visvangkwotas dit drasties verminder het.
Geografie
[wysig | wysig bron]Kommetjie is geleë op die smal kusstrook onder die berge, aan die westekant van die suidelike Kaapse Skiereiland, langs die Atlantiese Oseaan met koue strome in hierdie streek, en is blootgestel aan die heersende suidwestelike deining vanaf die Suidelike Oseaan.
Die Slangkop-vuurtoring, sowat 33 meter hoog, is op die strand geleë. Die vuurtoring kan vanaf die bergpas "Ou Kaapse Weg" gesien word en bestaan al sedert 1919.
Sport en ontspanning
[wysig | wysig bron]Die Kaapstad-fietstoer gaan elke jaar deur hierdie klein dorpie. Die suidwestelike deining produseer aantreklike branders vir branderplankry op die plaaslike kusriwwe, en die area is gewild vir kreef en visvang, aangesien daar 'n strandlanseerarea is vir klein vaartuie. Dit is 'n stil en ontspanne dorp wat geskik is vir kampeer en wegbreek. Nie ver van Kommetjie, langs Langstrand naby Noordhoek nie, lê Die Kakapo-skeepswrak, wat in 1900 gestrand het.
Fauna en Flora
[wysig | wysig bron]Kommetjie huisves 'n verskeidenheid plant- en dierspesies, waarvan baie bedreig is. Kommetjie is veral bekend vir sy melkhoutboorde, voëlkyk en bobbejaantroppe wat gereeld van die nabygeleë heuwels afkom om kos vanuit die woonhuise te stroop.
Kommetjie is ook deel van die fynbosbioom, wat met die hoogste aantal plantspesies per vierkante kilometer spog. Van die skaarste en mees gesogte plante word in hierdie bioom aangetref, maar word bedreig deur 'n verskeidenheid indringers, veral Australiese bome, wat in die 1800's ingevoer is.
Verwysings
[wysig | wysig bron]- ↑ 1,0 1,1 1,2 1,3 "Subplek Kommetjie". Sensus 2011.
- ↑ 2,0 2,1 "Kommetjie, Cape Town | South African History Online". www.sahistory.org.za. Besoek op 31 Mei 2022.
Eksterne skakels
[wysig | wysig bron]- Kommetjie travel guide from Wikivoyage
- Official Community Website
- Kommetjie Weather Station