Alliansie 90/Die Groenes

Alliansie 90/Die Groenes
Leier	Franziska Brantner en Felix Banaszak
Gestig	14 Mei 1993
Hoofkwartier	Platz vor dem Neuen Tor 1 10115 Berlyn
Ideologie	Groen politiek
Amptelike kleure	Groen
Webblad	www.gruene.de

Alliansie 90/Die Groenes (Duits: Bündnis 90/Die Grünen) is 'n groen politieke party in Duitsland. Dit is in 1993 gestig as die samesmelting van Die Groenes, wat in 1980 in Wes-Duitsland gevorm is, en Alliansie 90, wat in 1990 in Oos-Duitsland gevorm is. Die Groenes het ná die Duitse hereniging in 1990 met die Oos-Duitse Groenparty saamgesmelt.

Sedert November 2024 word die party deur Franziska Brantner en Felix Banaszak gelei. Die party is tans die derde grootse politieke party in die Bundestag, die federale wetgewer, nadat dit 118 uit die 735 beskikbare setels in die 2021-verkiesing gewen het.

Die party het setels in veertien van Duitsland se sestien staatswetgewers, en is lid van koalisieregerings in tien state. Winfried Kretschmann, minister-president van Baden-Württemberg, is die enigste groen regeringshoof in Duitsland. Die Landtag van Baden-Württemberg is ook die enigste staatswetgewer waarin Alliansie 90/Die Groenes die grootste party is; dit is die tweede grootste party in die wetgewers van Beiere, Hamburg en Hesse.

Verwysings

• Hierdie artikel is in sy geheel of gedeeltelik uit die Engelse Wikipedia vertaal.