女人

女人（粵拼：noei5 jan4*2），係指成年女性人類，屬雌性動物，同男人相對。女仔，係指女性兒童。女人可以係指生理性別上嘅分別，即係性染色體係XX、有屄嘅人，亦都可係文化上性別角色嘅分別。

金星符號，亦都代表女性。佢上圈係代表希臘女神維納斯手上嘅鏡（統一碼：♀）。呢個金星符號亦代表陰性，西洋鍊金術代表銅。鍊金術師做呢個符號，圈係精神，十字係物質。

生物學，性

生物學，並唔係決定一個人係女人嘅唯一因素。有啲女人有唔尋常荷爾蒙或者基因上嘅差異，都會有影響。有啲女人可能一生都唔會有女人應有嘅生理。

用生物學來講，女人性器官係用嚟生殖。而第二性徵就係用來餵細路，以及吸引同伴。

雖然女人出生率係低過男人(約1:1.05)，但係女人平均壽命係長過男人。響六十歲時，女對男係100比81，再老啲，就係100比53。女人嘅死亡率係低啲，就算佢未出世都係。通常女人平均都比男人長五年命。原因有好多。基因上，女人性別染色體上，基因重複同變化。社會上，女人好少要當兵。健康選擇上，女人比較少自殺，食煙同飲酒，脾氣方面，女人比較平和，無男人咁火爆。響女人停經之前，女性荷爾蒙對心臟有保護作用，同埋無咁多男性荷爾蒙嘅影響。

參考

男人

站外鏈結