გოლდა მეირი

	გოლდა მეირი; גולדה מאיר
	; მეირი 1964 წანას
ისრაელიშ მა-4 პრემიერ-მინისტრი
პოსტის გერინაშ ბორჯი
	17 მელახი, 1969 – 3 მანგი, 1974
პრეზიდენტი	ზალმან შაზარი; ეფრაიმ კაცირი
წიმოხონი	ლევი ეშკოლი
მონძე	იცხაკ რაბინი
ავოდაშ ლიდერი
პოსტის გერინაშ ბორჯი
	17 მელახი, 1969 – 3 მანგი, 1974
წიმოხონი	ლევი ეშკოლი
მონძე	იცხაკ რაბინი
დინახალენი საქვარეფიშ მინისტრი
პოსტის გერინაშ ბორჯი
	16 კვირკვე, 1970 – 1 ეკენია, 1970
პრემიერ-მინისტრი	მუ
წიმოხონი	ჰაიმ-მოშე შაპირა
მონძე	იოსეფ ბურგი
გალენური საქვარეფიშ მინისტრი
პოსტის გერინაშ ბორჯი
	19 მანგი, 1956 – 12 ღურთუთა, 1966
პრემიერ-მინისტრი	დავიდ ბენ-გურიონი; ლევი ეშკოლი
წიმოხონი	მოშე შარეთი
მონძე	აბა ევენი
ხანდაშ მინისტრი
პოსტის გერინაშ ბორჯი
	10 მელახი, 1949 – 19 მანგი, 1956
პრემიერ-მინისტრი	დავიდ ბენ-გურიონი; მოშე შარეთი
წიმოხონი	მორდეხაი ბენტოვი
მონძე	მორდეხაი ნამირი
ქნესეთიშ მაკათური
პოსტის გერინაშ ბორჯი
	12 ფურთუთა, 1949 – 3 მანგი, 1974
ნაღურა	8 ქირსეთუთა, 1978 (80 წანერი); ბჟადალი იერუსალიმი
პოლიტიკური პარტია	პოალეი ციონი (1915-1919); ახდუტ ჰა-ავოდა (1919-1930); მაპაი (1930-1968); ავოდა (1968-1978); მაარახი (1969-1978)
ალმასქუ	მორის მეირსონი
სქუალეფი	2
გონათაფა	ვისკონსინიშ შტატიშ ნორმალური სკოლა
ჯილდოეფი	ისრაელიშ პრემია (1975)
ხეშმოჭარუა

გოლდა მეირი (ურ. גולדה מאיר; დაბადებაშ გვარი მაბოვიჩი, დ. 3 მესი, 1898 — ღ. 8 ქირსეთუთა, 1978) — ისრაელარი პოლიტიკოსი, ისრაელიშ პრემიერ-მინისტრი 1969-1974 წანეფს. ისრაელიშ ისტორიას მაართა ოსური, ნამუსჷთ პრემიერ-მინისტრიშ პოსტი უკინებუდჷ.

დებადჷ კიევს, უკრაინალი-ურიეფიშ ფანიას. 1906 წანას მეირიშ ფანიაქ ოცხოვრებშა ამერიკაშა მიდართჷ. ჸათაქ თინა გურაფლენდჷ ვისკონსინიშ შტატიშ ნორმალური სკოლას. გურაფაშ თებაშ უკულ მუშენდჷ მაგურაფალო. 1921 წანას, გოლდა მეირიქ დო თიში ალმასქუქ, მორის მეირსონქ, ოცხოვრებშა პალესტინაშა გეგნორთეს დო ქიდიხორეს მერჰავიას. მეირი მუშენდჷ კიბუციშ წჷმმარინაფალო ჰისტადრუტის (ისრაელიშ პროფესიული რსხუეფიშ ერუანული ცენტრი). მაჟირა მოსოფელიშ ლჷმაშ ბორჯის, მეირი მოღალენდჷ ებრაული სააგენტოს. 1948 წანას, თინა რდჷ ართ-ართი ნამუქჷთ ხე მაჭარჷ ისრაელიშ ზოხორინელობაშ დეკლარაციას. 1949 წანას, მეირიქ გიშაგორილქ იჸუ ქნესეთიშ მაკათურო. ჸათე პერიოდიშე თის უკებუდჷ შხვადოშხვა შანულამი პოსტეფი ისრაელიშ თარობას. რდჷ ხანდაშ მინისტრი (1949-1956), გალენური საქვარეფიშ მინისტრი (1956-1966) დო დინახალენი საქვარეფიშ მინისტრი (1970).

1969 წანას, ლევი ეშკოლიშ ღურაშ უკულ, მეირიქ გინირთჷ ისრაელიშ პრემიერ-მინისტრო. 1973 წანაშ იომ-ქიფურიშ ლჷმაქ ისრაელს კაბეტი ზარალი მიორინუ. ქიანა ლჷმაშო მოხაზჷრებული ვარდჷ. ჸათეშ გეშათ, ისრაელიშ მენოღალეეფი მეირიშ მართუალათ უკმაყოფილე რდეს. ძალამს დეზიანჷ მეირიშ პოლიტიკური რეპუტაციაქ. 1973 წანაშ გიშაგორუეფს, მეირიშ მაარახიშ კოალიციას უმენტაშობაქ ვეიაჭოფუ. 1974 წანაშ სუმი ივანობას, მეირიქ პრემიერ-მინისტრიშ პოსტიშე გეგნოდირთჷ. მეირიქ ღურუ ლიმფომათ, 1978 წანაშ 8 ქირსეთუთას, 80 წანერქ. დასაფულებური რე ჰერცლიშ ერუანული სასაფლას.

მეირი ოდებელი ფიგურა რე თეხანური ისრაელს. ბრელი ისრაელარი თის აფასენს მუჭოთ ისრაელიშ სახენწჷფოშ ართ-ართი დუმარსხუაფალს დო თიშ მიშინუანს მუჭოთ ებრაული პოლიტიკაშ "რკინაშ ლედი"-ს. მეირის კრიტიკოსეფი ხოლო ჸუნს. კრიტიკოსეფი თის აბრალუაფუნა ლჷმაშო უმუმზადებუობას 1973 წანას.