You have Downloaded, yet Another Great

Resource to assist you with your Studies 

Thank You for Supporting SA Exam Papers

Your Leading Past Year Exam Paper Resource Portal

Visit us @ www.saexampapers.co.za
 SENIOR CERTIFICATE EXAMINATIONS/
NATIONAL SENIOR CERTIFICATE EXAMINATIONS

SISWATI LULWIMI LWEKUCALA LWEKWENGETA (FAL)

LIPHEPHA LESIBILI (P2)

2021

EMAMAKI: 70

SIKHATSI: Ema-awa 2

Leliphepha linemakhasi la-23.

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 2 DBE/2021
SC/NSC

TICONDZISO

Fundza lelikhasi ngembikwekutsi ucale kuphendvula imibuto.

1. UNGALIFUNDZI lonkhe liphepha lemibuto. Buka lokucuketfwe ekhasini

lelilandzelako bese ubeka luphawu kulowo nalowo mbuto lobutwe
ngetincwadzi lotifundze kulomnyaka.

2. Leliphepha lemibuto licuketse TIGABA LETINE:

SIGABA A: Inoveli (35)

SIGABA B: Umdlalo (35)
SIGABA C: Tindzaba letimfisha (35)
SIGABA D: Tinkondlo (35)

3. Phendvula IMIBUTO LEMIBILI kuphela kunobe ngutiphi tigaba LETIMBILI

ngalendlela:

SIGABA A: INOVELI
Phendvula MUNYE umbuto wenoveli loyifundzile.

SIGABA B: UMDLALO
Phendvula MUNYE umbuto wemdlalo lowufundzile.

SIGABA C: TINDZABA LETIMFISHA

Phendvula YOMIBILI imibuto lebutwe ngetindzaba letimfisha.

SIGABA D: TINKONDLO
Phendvula TOTIMBILI tinkondlo lekubutwe ngato.

4. Sebentisa luhlu lwekutikhumbuta kute usitakale.

5. Landzela ticondziso letisekucaleni kwaleso naleso sigaba.

6. Tinombolo tetimphendvulo atihambisane naleto temibuto njengobe tinjalo

ephepheni lemibuto.

7. Cala LESO naleso sigaba ekhasini LELISHA.

8. Siphakamiso sekulawulwa kwesikhatsi: Sebentisa emaminithi lange-60 kuleso

naleso sigaba.

9. Bhala ngesandla lesibonakalako nalesifundzekako.

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 3 DBE/2021
SC/NSC

LOKUCUKETFWE

Lelikhasi litawusita bahlolwa ekukhetseni imibuto LABAFUNA kuyiphendvula

ngaphandle kwekufundza lonkhe liphepha lemibuto.

SIGABA A: INOVELI

Phendvula MUNYE umbuto wenoveli loyifundzile.

INOMBOLO YEMBUTO EMAMAKI LIKHASI

1. Kwasha Tikhotsa 35 5

2. Ngenca Yakho 35 8

SIGABA B: UMDLALO

Phendvula MUNYE umbuto wemdlalo lowufundzile.

3. Lahloma Ladvuma 35 12

SIGABA C: TINDZABA LETIMFISHA

Phendvula imibuto LEMIBILI ngetindzaba letimfisha lotifundzile.

4.1 'Umngcwabo Wemchamuki' 18 16

4.2 'Tiga TaGezephi' 17 18

SIGABA D: TINKONDLO

Phendvula TIMBILI tinkondlo ngencwadzi loyifundzile.

5.1 'Sihlutfulelo' 18 20

5.2 'Nasengikhatsele' 17 20

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 4 DBE/2021
SC/NSC

LUHLA LWEKUTIKHUMBUTA

Lelikhasi litawusita umhlolwa ekukhetseni imibuto LAFUNA kuyiphendvula ngaphandle

kwekufundza lonkhe liphepha lemibuto.

SIGABA TINOMBOLO LINANI LEMIBUTO THIKA

TEMIBUTO LEPHENDVULWAKO ()
A: Inoveli 1–2 1
(Imibuto lemifisha)
B: Umdlalo 3 1
(Imibuto lemifisha)
C: Tindzaba letimfisha 4.1 + 4.2 2
(Imibuto lemifisha)
D: Tinkondlo 5.1 + 5.2 2
(Imibuto lemifisha)

CAPHELA: Cikelela kutsi uphendvule imibuto lesetigabeni LETIMBILI kuphela.

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 5 DBE/2021
SC/NSC

SIGABA A: INOVELI

Phendvula MUNYE umbuto wenoveli loyifundzile.

UMBUTO 1: KWASHA TIKHOTSA – LL Dlamini

1.1 Fundza letheksthi bese uphendvula imibuto lelandzelako.

ITHEKSTHI A

Mswati watsi atihlalele nje aphumulile, kwakhulekela Sicobolonjwane.

Wangeniswa ngekushesha Sicobolonjwane ngobe ati Mswati kutsi kukhona
lamletsele tona letitsintsa live. 'Ngukuphi lokusha lewungiphatsele kona
nhloli yami?' Kubuta Mswati ahlahle emehlo ngobe ati kutsi kukhona
lokungahambi kahle. 5

'Ngitewukhumbuta iNgwenyama kutsi emabutfo akaZulu akanekise lapha

kaHlatsikhulu asacedze sikhatsi lesidze alapho. Ahlasela bantfu benkhosi
labalapho adle tinkhomo tabo, avune emasimu abo,' kusho Sicobolonjwane
akhombisa kutsi konakele eNingizimu neleSwatini. Kuhlasela kwenkhosi
yakaZulu eSwatini bekucatjangwa kutsi iyawudla tinkhomo nje kuphela, 10
bese iyahamba. Bekungasiyo inhloso yaMswati kulwa nebakaZulu, ngobe
abekhumbula sivumelwano seyise neNkhosi yakaZulu Shaka. Buhlobo
nebudlelwane lobabudaleke kadzeni bekacabanga kutsi kuchubeka bona.
Wachubeka Sicobolonjwane watsi, 'ILubuya esigodzini sakaHlathikhulu
idliwe Ngwenyama, idliwe ngemabutfo akaZulu aholwa nguMasiphula 15
indvuna yaMpande.'

'Ngibonga kwati ngesimo saseLubuya nhloli yami. Ungakhatsateki ngobe

tikhona Tinyatsi lesitawutehlukanisa kabili. Mngayi utawuphuma
neBalondolozi, mine ngihole Sishi siyewuhlanganisela yakaZulu.'
'Akungabe kusapholiswa maseko Ngwenyama, funa yakhe itinte yakaZulu 20
kuleli laboNdvungunye,' kusho Sicobolonjwane.
'Ungakhatsateki nhloli yami, simo sitawusilungisa ngesikhali-livi
lemadvodza!' 'Akuphutfunywe Ngwenyama ngobe nesimo siyaphutfuma.
Kucitsa sikhatsi kutawuhlakata sive lesesihlangene saba yimbokodvo.

[Likhasi 18–19]

1.1.1 Khetsa YINYE imphendvulo.

Yini leyenta kutsi Sicobolonjwane afike atfole Mswati amlindzele?

A Uletse kudla.
B Uletse tindzaba.
C Uletse imphi.
D Uletse kuthula. (1)

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 6 DBE/2021
SC/NSC

1.1.2 Khetsa YINYE imphendvulo. Inkhulumo yaSicobolonjwane letsi,

'kucitsa sikhatsi kutawuhlakata sive lesesihlangene saba
yimbokodvo' akhomba kutsini?
A Akhomba kuphutfuma.
B Akhomba kukhatsateka.
C Akhomba kujabula.
D Akhomba kuhlonipha. (1)
1.1.3 Sitsini sisombululo salenkinga yekuhlasela kwebakaZulu
endzaweni yaMswati? (2)
1.1.4 Ludvweshu luvetwe njani kuletheksthi? (2)
1.1.5 Kuletheksthi ngukuphi KUBILI lokukhombisa kutsi Mswati
bekasihlonipha sive sakaZulu? (2)
1.1.6 Emavi aMswati latsi, 'siyewuhlanganisela yakaZulu' asitjelani
ngemiphumela yalemphi? (2)
1.1.7 Ngabe Sicobolonjwane bekayinhloli letsembekile yini? Sekela
imphendvulo yakho. (2)

1.1.8 Ngabe Mswati bekangayitsandzi yini impi? Sekela imphendvulo

yakho. (2)

1.1.9 Nawufundza letheksthi ngukuphi lokukhombisa kutsi imphi

yakaZulu bese ihlasele lapha kaHlatsikhulu? Bhala KUBILI. (2)
1.1.10 Lokwenteka esiphetfweni sendzaba kusifundzisani? Sekela
imphendvulo yakho. (2)
NA
1.2 Fundza letheksthi bese uphendvula imibuto lelandzelako.
ITHEKSTHI B
'Ngihambe kahle kaMahamba Ngweyama. Imphendvulo lebanginikete yona
itsi bona abangeni etindzabeni tasegumeni lakaTsandzile, ngako-ke bacela
kungahlushwa,' kusho Khambi.
'Hhawu Khambi bakunikete leyo mphendvulo nje kuphela?' Kubuta Mswati
akhombisa kumangala lokukhulu. Injabulo lena lebeyigcwele ebusweni bakhe 5
yavele yashabalala.
'Ngitjelwe lawo mavi emphumulweni. Ngitsite ngitama kutihlekihlekisa
ngenhloso yekutsi mhlawumbe ngitawutjelwa lamanye emavi, kwaphindvwa
wona lawo mavi,' kugcizelela Khambi.
'Utsite nawuweva emavi lanjena watsini wena Khambi?' 10
'Akukho lebengingakusho Ngwenyama, ngobe bekaphuma ekhatsi
etinhlitiyweni tabo.'
'Pho, aphume emlonyeni wabani emavi lanjena?'
'Aphuma emlonyeni waSomcuba waze washo nekusho kutsi ematsemba
akhe akuMzila naMtjekeni.' 15
'Ngalamanye emavi ucondze kusho kutsi uvana netitsa tami?'
'Kunjalo Ngwenyama. Loko kuchaza kutsi naye usitsa ngekwakhe.'

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 7 DBE/2021
SC/NSC

'Hhayi, angitfolisisi kahle Khambi. Abakwati kungilahla kanjena bomnaketfu.

Umbuso lona usetandleni tetfu sonkhe, hhayi kutami kuphela. Kumele
sibonane nabo sicoce. Kwehlukana emkhatsini wetfu kutasidvonsela emanti 20
ngemsele sigcine sibulawa natintfutfwane nemakululu,' kusho Mswati
aphatseke kabi.
Wachubeka Mswati watsi, 'Kujabula wena Khambi lewuye wabonana
nelikhaba lababe. Ngibakhumbulile baketfu, ngobe sesidze sikhatsi
sagcinana.' 25
'Kubuhlungu ngobe bona abanamsebenti neNgwenyama, kepha yona
iyatihlupha ngabo.'

[Likhasi 68–69]

1.2.1 Khetsa YINYEimphendvulo. Kusho kutsini kutsi 'injabulo yavele

yashabalala'?

A Yavela
B Yaphela
C Yakhanya
D Yabonakala (1)

1.2.2 Yini ledala kutsi likhaya linye libe nemaguma lahlukene njengoba
njengoba kwenteka kuletheksthi? (1)

1.2.3 Chaza ngekubaluleka kwaKhambi lapha ebukhosini. (1)

1.2.4 Kunemakhosi Somcuba lacabanga kutsi atamsita. Bhala LAMABILI

awo. (2)

1.2.5 Yaphatseka njani iNgwenyama ngemavi latjelwe wona Khambi

kaMahambalatsi'? (2)

1.2.6 Kufuna kubusa kwaSomcuba kuhambisana njani nalokushiwo

ngulenkhulumo letsi, 'inkunzi iba yinye esibayeni'. (2)

1.2.7 Ucabanga kutsi lamavi lakhulunywe nguSomcuba latsi 'abangeni

etindzabeni tasegumeni lakaTsandzile' atawuba namuphi
umphumela? Sekela imphendvulo yakho. (2)

1.2.8 Ngekubona kwakho budlelwano phakatsi kwaMswati nebanakabo

butawubuyela yini esimeni lesikahle? Sekela imphendvulo yakho. (2)

1.2.9 Kubakhona kwaSidvwala emphilweni yebanakaboMswati

kunamuphi umtselela? Sekela. (2)

1.2.10 Loku lokwenteka kuletheksthi kuhlangana njani nengcikitsi

yalenoveli? Sekela imphendvulo yakho. (2)
[35]

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 8 DBE/2021
SC/NSC

UMBUTO 2: NGENCA YAKHO – JJ Ncongwane

2.1 Fundza letheksthi bese uphendvula imibuto lelandzelako.
ITHEKSTHI C

'Kulungile-ke mkhulu nangabe utawuya kuthishelanhloko uyocela kutsi

ngilove esikoleni.'

Hhayi-ke kwalalwa kukuhle ngalelolanga. Kusa kwatiwa ngabo bogogo

Finishi namkhulu Gendinyoni. Njalo ngabe kulilanga lekuhola kwetalukati
nemakhehla impesheni, bekubakhona ibhasi lebalandzako. Leyo bhasi 5
beyikadze iyakaMafutsa. Nangabe kungasilo lilanga lemholo, beyendlula
kanye ngeliviki lapha epulazini kaTimbulu. Beyendlula ngemgwaco
lomkhulu. Nangabe ufuna kuyawubamba yona, bekudzingeka kutsi uvuke
ngetingweti ngobe bekulibanga kuya emgwaceni lomkhulu.

Nemambala-ke bahamba bomkhulu waMshumayeli. Mshumayeli naye 10

wavuka wasenga lubisi waletsa etinguleni. Watsi nakacedza, wadla
sidvudvu lebesikadze sisele itolo. Watsi ngekucedza kudla, wakhiya tonkhe
tindlu wase ukhetsa emankonyane, wagalela tinkhomo wacondza edibhini.
Edibhini wakhandza imihlambi leminyenti seyifikile. Hhayi-ke walindza-ke
naye kutsi kufike sakakhe sikhatsi. Nemambala sefika, watichuba tangena 15
edibhini. Watsi ngekucedza kudibhisa tinkhomo, watishaya watibhekisa
emadlelweni.

'Kodvwa ngitakwentani nje lonkhe lelilanga lapha ekhaya?' Kusho

Mshumayeli ngesikhatsi afika ekhaya abuya edibhini. Wangena endlini
wayobeka libhuku letinkhomo ebhokisini lamkhulu wakhe. Lelo bhokisi 20
belihlala lapha emsamo endlini yakagogo. Njengaloku tikhiya tonkhe
betikuye, wavula ebhokisini. Ekhatsi ebhokisini, wakhandza tincwadzi
letinengi.
[Likhasi 31]

2.1.1 Khetsa YINYE imphendvulo. Kusho kutsini kutsi 'kusa kwatiwa

ngibo'?

A Bavuka ebusika.
B Bavuka emini.
C Bavuka ekuseni.
D Bavuka ehlobo. (1)

2.1.2 Yini leyenta sitsi hulumende uyabanakekela bantfu lesebakhulile? (1)

2.1.3 Bhala KUBILI lokukuletheksthi lokukhomba kutsi lendzawo

bebahlala kuyo kusemakhaya. (2)

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 9 DBE/2021
SC/NSC

2.1.4 Sento samkhulu Gendinyoni sekulovisa Mshumayeli esikolweni

kutsi aye edibhini besikahle yini nawubuka umtsetfosisekelo
waseNingizimu Afrika? Sekela imphendvulo yakho. (2)

2.1.5 Kuliciniso nobe kuliphutsa kutsi bomkhulu Gindinyoni nagogo

Finishi bebamhlukubeta kuMshumayeli? (2)

2.1.6 Kube bekunguwe Mshumayeli bowungentenjani nawutfola

lencwadzi layitfola ebhokisini? (2)

2.1.7 Budlelwane baMshumayeli namalume wakhe Mabhunu

buyakholeka yini nawucatsanisa nabomalume lesinabo endzaweni
lesiphila kuyo? Sekeka. Imphendvulo yakho. (2)

2.1.8 Nawubuka lokwenteka kuletheksthi ngaMshumayeli, yini

lokungakalindzeleki esiphetfweni salenoveli? (2)

2.1.9 Ngekubona kwakho betigcinelweni letincwadzi kulelibhokisi

sikhatsi lesidze kangaka? (2)

2.1.10 Ngabe kukhona yini kuhambelana kwesihloko netento tamkhulu

nagogo waMshumayeli emphilweni yakhe? Sekela imphendvulo
yakho. (2)

NA

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 10 DBE/2021
SC/NSC

2.2 Fundza letheksthi bese uphendvula imibuto lelandzelako.

ITHEKSTHI D

Kwedlula emalangana vele yefika incwadzi yemphumela waleto tivivinyo

bebatibhala. Lokwamjabulisa kutsi yayimphatsele tindzaba letimnandzi. Isho
nekusho incwadzi kutsi angasaphutselwa kuyowubhala leletinye tivivinyo
taseJozi. Nemambala ahamba emalanga, sefika sikhatsi sekutsi ayewubhala
tivivinyo tekugcina eJozi. 5

Angaphumelela kuto kutawusho kutsi sekuphelile. Nakhona eJozi wamikiswa

nguye thishelanhloko Mdlalose ngemoto yakhe. Njengaloku indzawo
bebangayati, basebentisa libalave labadvwetjelwe lona kutsi batawuhamba
njani baze bayitfole indzawo. Basebentisa leyo mephu vele yabafaka kuleyo
ndzawo, ehhotela laseJo'burg Sun. 10

Lapho-ke bahamba emalanga lamabili kuphela. Emva kwekubhala akazange

atinike litsemba Mshumayeli kutsi utawuphumelela. Wamangala lapho
sekufika incwadzi emva kwemalangana imatisa kutsi uphumelele.

Besekungatsi sewuyahlanya Mshumayeli ngenca yenjabulo kulawo malanga.

Njengaloku vele besekusikhatsi sekuphela kwemnyaka, watsenga lelihle 15
likhadi lelifisela Khanyi kubhala lokuhle ngobe nakuphela bekabhala libanga
lelishumi. Akazange ayitsi vu kuKhanyisile yekutsi kulomnyaka lotako
sewuyofundza e-USA, enyuvesi yaseHarvard lelapha eMassachusetts.
Wabona kutsi loko kungahle kumphazamise ekuhlolweni kwakhe. Wacala-ke
kwenta emalungiselelo. Inkinga labanayo kutsi utawutsenga timphahla 20
tekugcoka letinjani ngobe akabati bantfu balapho aya khona kutsi bagcoka
njani. Ekugcineni wabona kutsi kuncono lokwetimphahla lokugcokwa tive
tasenhla ne-Afrika. Ngisho phela letimphahla lokhandza kutsi lihembe lakhona
likhulu lifana nelibhuluko lakhona ngembala kanye nesigcoko. Wahamba
wayowutsatsa netimfanelo temvume yekuwela uye ngesheya. 25

[Likhasi 156]

2.2.1 Khetsa YINYE imphendvulo.

Nguyiphi lemiphumela lebekayilindzele Mshumayeli?

A Yeluhlolo lwekuphela kwemnyaka.
B Yeluhlolo lwasemkhatsini kwemnyaka.
C Yeluhlolo lwekuchibiyela tifundvo.
D Yeluhlolo lwemfundzate wasenyuvesi. (1)

2.2.2 Ngabe Mshumayeli bekaphumelele yini nawubuka umoya lakuwo? (1)

2.2.3 Ngabe Mshumayeli naKhanyisile bebahlobene njani? (1)

2.2.4 Nika KUBILI lokukulethesthi lokukhomba kutsi lendzaba yenteka

esikhatsini sanyalo. (2)

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 11 DBE/2021
SC/NSC

2.2.5 Kutikhatsata kwaMshumayeli ngetembatfo lokumele atigcoke

kumveta amuntfu lonjani ngekwesimilo? Sekela imphendvulo
yakho. (2)

2.2.6 Sento salomlumbi sekungafuni kulala naMshumayeli akhetse

kuyewulala nalabanye belumbi seyamene njani nemphilo
yaMshumayeli? (2)

2.2.7 Kuliciniso nobe liphutsa yini kutsi Davel bekamkhatsalela

kuMshumayeli aze angafuni kutsi ahambe ayofundza ngesheya
kwetilwandle? Sekela imphendvulo yakho. (2)

2.2.8 Kwala kwaDavel kugcwalisela Mshumayeli lelifomu kube nawuphi

umtselela emphilweni yakhe? Sekela imphendvulo yakho. (2)

2.2.9 Ngabe basesekhona yini bothishelanhloko labenta njengaMdlalose

kulamalanga? Sekela ngeliphuzu LINYE. (2)

2.2.10 Ngabe yini leyo umbhali bekafuna kuyifundzisa lusha

ngaMshumayeli? Bhala KUBILI. (2)
[35]

SAMBA SESIGABA A: 35

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 12 DBE/2021
SC/NSC

SIGABA B: UMDLALO
UMBUTO 3: LAHLOMA LADVUMA– Z Motsa
3.1 Fundza letheksthi bese uphendvula imibuto lelandzelako.
ITHEKSTHI E

KHETSIWE: Vele uyahamba? (Esula tinyembeti)

TSEMBATIVE: Khetsiwe, mntfwanaketfu, kukhona lenye indlela lencono,
ngabe ngikhetsa yona. Pho-ke, nawe uyayibona inkinga
yami Khets ...
KHETSIWE: Cha! Angiyiboni. Tsani nje awumange sewuke 5
ungitsandze. (Achumuke akhale kabusha.) Utsi
bewungangifihlela konkhe loku kube bewu ...
TSEMBATIVE: Hawu, ngivele bo Khetsiwe! Bengitawitsini vele?
KHETSIWE: (Angamnaki atililela) Hhayi-ke siphundvu lesingaboni!
TSEMBATIVE: (Asondzela kancane, ambambe ehlombe ambhekise 10
ngakuye.) Mntfwanaketfu, Mbali lenhle yeBatfwa,
bengingakacondzi kwenta bucili.
KHETSIWE: (Asuke kuye atsi kuzula nendlu.) He-e! Uyati angati
nekutsi ngicalaphi ngisombulula lenyakanyaka! Simanga
kutsi solo ngatalwa, ngiyacala ngca kuva emalangabi 15
lahashula sifuba ngemuntfu wesilisa ... kantsi ngiphutsata
umnyama kantsi ngilahla esiweni! Lomuntfu utidlalela
kubhacelana ngobe atfunywe boSigwaca! Maye mine
kwami!
TSEMBATIVE: (Ambambe sandla) Khetsiwe ngiyavuma ngonile kufihla 20
intfo lenje, kepha ngicela ungikholwe nangitsi kuwe,
inhlitiyo yami ayitfunywanga ngumuntfu kuwe. Ngavele
ngasho ngatsi tindzaba tebukhosi tingema le entsabeni,
kusale mine nawe, ngiyjinge ngikutsandze ngawo wonkhe
umphefumulo wami. Nyalo ngisaphindza, mbali 25
yebuTfwa, Ndlovukati, Mhlekati, ngiyakutsandza!
KHETSIWE: Kepha nakunjalo, ubhedlelani inkhani utsi uyahamba?
TSEMBATIVE: (Adedele sandla saKhetsiwe) Kufana nekuhlala
etikwemalahle avutsa Khetsiwe. Tinhlitiyo tami timbili.
Lenye itsi angihlale kepha lenye itsi angihambe. 30
Nangibukisisa tintfo kahle, ngibona kuncono ngihambe
kusengunyalo. Wena utsi ngente njani nje longatsi
tiyahhwilitisana tinhlitiyo tami totimbili?
KHETSIWE: Hlala. Nawungitsandza hlal ...
TSEMBATIVE: Hawu Khetsiwe, cabanga ngengcondvo bo hhayi 35
ngenhlitiyo! Ngeke phela kulunge singabulawa sobabili
njengobe nawe wati nje. Kodvwa wake wacolelwa
umuntfu lokhumule sidziya seNdlovukati? (Kusenjalo
kungene Sigwaca aletse umlayeto weBukhosi)
SIGWACA: (Akhuleke) Ndlovukati, Mhlekati! (Abhekise kuTsemba) 40
Bengitsi uhlakaniphile jaha letive utangitsatsel' etulu
nangitsi nyamalala ngentsatsakusa. Nyalo kwangatsi
lomlilo leniwubabele neNdlovukati sewudla tintsaba!
TSEMBATIVE: Sekuyatiwa?

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 13 DBE/2021
SC/NSC

SIGWACA: INkhosi seyiyati. Ngubabe wesive nje lobekasolo 45

angakaboni lutfo. Khumbula phela ja, ayifihleki intfo
lenjena, kufana nekuhlala ngengculu lenelitfumba.
Niyafuneka eMlandvweni libandla lonkhe selilindze
khona. Nibitwe nguye uyise weMbiba.
[Likhasi 64–65]

3.1.1 Khetsa YINYE imphendvulo. Ligama lelitsi 'mntfwanaketfu'

lisivetela muphi umoya?

A Umoya wekwesaba.
B Umoya welutsandvo.
C Umoya wekwetsemba.
D Umoya wekulunga. (1)

3.1.2 Bhala KUNYE lokukhombisa kutsi Khetsiwe bekaphatseke kabi

nakabuta Tsembative kutsi vele uyahamba. (1)

3.1.3 Sento saKhetsiwe sekukhala nakuhamba Tsembative sikhombani? (1)

3.1.4 Bekasho kutsini Khetsiwe nakatsi 'siphundvu lesingaboni'? (2)

3.1.5 Ngabe umbhali uphumelele yini kusebentisa inkhulumiswano

kuletheksthi? Sekela imphendvulo yakho. (2)

3.1.6 Kungumbono nome kuliciniso yini lolokushiwo nguKhetsiwe nakatsi

Tsembative udlala kubhacelana? Sekela. (2)

3.1.7 Ngukuphi lokwenta sitsi letheksthi lengehla iyahambisana

nesiphetfo salomdlalo? Sekela imphendvulo yakho. (2)

3.1.8 Sigwaca ufika nendzaba leyabetfusa kakhulu boKhetsiwe

naTsembative. Nguyiphi leyondzaba futsi betfuswa yini kangaka? (2)

3.1.9 Phawula ngekuhlengwa kwebukhosi baVusematfwa lebacishe

bamlahlekela ngelilanga lesibhimbi. (2)

3.1.10 Nguliphi lilungelo lelikumtsetfosisekelo lelasetjentiswa nguKhetsiwe

kulomdlalo? Chaza. (2)

NA

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 14 DBE/2021
SC/NSC

3.2 Fundza letheksthi bese uphendvula imibuto lelandzelako.

ITHEKSTHI F

VUSEMATFWA: (Amsondzelela amkhomba.) Nguwe loya emtsandzeni,

hhayi mine, uyeva?
KHETSIWE: BaTfwa baketfu! Kahleni tsine bantfwabeMbiba! Wena
Ndvukutemphi utsandza luchweba ngelite nje. Shiya
lokuletsile uhambe ningate nilwe nibanga intfo 5
lengavakalisisi.
VUSEMATFWA: Myekele wena Khetsiwe, phela utikhandza ayiNkhosi
yeJijimeza lona. Utikhandza amkhulu kwengca lilanga.
NDVUKUTEMPHI: Vele ngimkhulu! Uyakhohlwa kutsi ngalibona kucala
kunawe mfana! Umncane ubambe nekudzakwa. Vele kute 10
kwakho Mlib'avuke, kute!
VUSEMATFWA: Wena-ke utsi ungabusa bani ulancele nje. Ucabanga kutsi
awubonwa yini kutsi ulibhimbi lekutalwa? INkhosi iyati kutsi
wena indvuku uyibamba ngeliginjolo.
NDVUKUTEMPHI: Lancele lincono kunesidzakwa! 15
KHETSIWE: Nebakitsi! Yehlisan' emavi bo! Bantfu labengcako bangate
batsi kutalele lihlokohloko lani nje ebusuku?
NDVUKUTEMPHI: Bindza wena! (Libaneke lidvume)
VUSEMATFWA: Ase ume kancane Khetsiwe, ucabaga kutsi angati lutfo lo!
Lalela la mnaketfu, noma ngingaba sidzakwa ngitalwa 20
buKhosi, Ngitalwa yiNkhosatane yale ebuKhosini
bemaLima kaMndzawe. Wena unyoko muntfukatana nje
labamvusa khona la etaleni, ngeke -ke ubuhoshe bukhosi
msa wababe noma endza kucala kubabe make wakho
watibula ngawe mine ngisengakaveli. Akusho lutfo loko 25
ngemisimeto yebukhosi. Ingati yenu itsandza kuba lula!
NDVUKUTEMPHI: (Utfukutsele sewuyaveva.) He-he-e mfana! Utawufisa kutsi
kube uwaminte angakaphumi lawo mavi! Angiva-ke?
Longatsi ungitfuka ngamake nje? (Acuphe tindvuku takhe)
Tsatsa takho-ke sibone kutsi ingati lengelula iwushaya 30
kanjani umzaca. Vika! Sewuyihlohle emgodzini wayo
nyalo! (Atitsatse Vusa. Bavikisane. Kungakabiphi kuvakale
phahla!)
KHETSIWE: Hawu! Ndvukutemphi! Walubulala ludziwo lwami!
NDVUKUTEMPHI: Seluphelile yini lubumba? (Anganaki, achubeke avikisane 35
nemnakabo.)
KHETSIWE: Ndvukutemphi! Ngulolu … ngulolu lengalunikwa
yiNdlovukati nayingemukela nyakenye! Ndvukutemphi
sewulwephulile!
NDVUKUTEMPHI: (Sewutfukile) Ngulolo kantsi? Pho bewungasho ngani? 40
Nawe Khetsiwe uluphetse dlakadlaka bo! Nyalo buka se …
VUSEMATFWA: Mine ngifuna kudla kwami la!
NDVUKUTEMPHI: Ase bamuve lo! Ungakhalela tjwala ubona sesehlelwe
yinhlekelele? (Abhekise kuKhetsiwe) Khetsiwe yenta taba
bo wetame kutfola lolunye khona lomuhla nje. 45
KHETSIWE: Lolunye? Lomuhla?
NDVUKUTEMPHI: Yebo. Ngete ngalala nesinyama lesinjena. Yetama bo!
[Likhasi 14–15]

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 15 DBE/2021
SC/NSC

3.2.1 Khetsa YINYE imphendvulo. Ngabe letheksthi lengenhla iveta luphi

luhlobo lweludvweshu?
A Lwangesancele
B Lwangekhatsi
C Lwangesekudla
D Lwangaphandle (1)

3.2.2 Ngumuphi umdlali losusa umsindvo kuletheksthi? (1)

3.2.3 Yini leyenta Ndvukutemphi atfuke kangaka nakuphihlike loludziwo? (2)

3.2.4 Ngutiphi timphawu LETIMBILI letingenta letheksthi idlaleke? (2)

3.2.5 Ngemaphuzu LAMABILI fakazela lombono lotsi Khetsiwe

bekumfanela kuba indlovukazi esiveni seBatfwa. (2)

3.2.6 Catsanisa similo saVusematfwa nesaNdvukutemphi kulomdlalo. (2)

3.2.7 Nawufundza lomdlalo bewungakucabanga yini kutsi Ndvukutemphi

abengabulawa nguQedizizwe? Sekela imphendvulo yakho. (2)

3.2.8 Simo lese akuso Ndvukutemphi siyahambisana yini nemavi akhe

latsi 'sewuyihlohle emgodzini'? (2)

3.2.9 Phawula ngengcikitsi yalomdlalo ubhekise kuletheksthi. (2)

3.2.10 Ngekubona kwakho kumsite ngani Khetsiwe kutsi abekhona

kuletheksthi? (2)
SAMBA SESIGABA B: 35

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 16 DBE/2021
SC/NSC

SIGABA C: TINDZABA LETIMFISHA

UMBUTO 4: TELUTSANDVO ATIPHELI – JJ Ncongwane

Phendvula YOMIBILI imibuto lebutwe ngetindzaba letimfisha.

4.1 'UMNGCWABO WEMCHAMUKI' – JJ Ncongwane

Fundza letheksthi bese uphendvula imibuto lelandzelako.

ITHEKSTHI G
Watsi nje nakemisa imoto yakhe, kwaphuma labanye bantfu baya kuye
bamhlangabeta.

'Hheyi mnumzane, siyabonga impela shengatsi loku lokwentekile

kungaphindza kwenteke futsi,' kusho lenye indvodza iva tjwala.
Wavuma nje ngenhloko umlumbi wangakhulumi, wacondza egushede lapho 5
kucwebe khona bantfu. Wamangala kukhandza bantfu badzakwe bonkhe
batinhlama nje.

'Hawu! Madvodza, sidvumbu solomane anikasingcwabi nanyalo?'

Kubuta umlumbi ngekumangala.
'Hhayi sesingcwabile mnumzane, futsi angimange sengiwubone umngcwabo 10
lomnandzi ngalendlela. Hhayi mnumzane umufi simbeke kahle endlini yakhe
yekugcina, futsi simbeke kahle ngelisiko lesintfu sakitsi tsine bantfu
labaMnyama,' kusho Madvonsela ngenca yekudzakwa.

'Hheyi nine, ningihlolelani? Ningcwabe siphi sidvumbu ngobe nasi sidvumbu

saMasiphula solomane asikangcwatjwa?' Kubuta Puntju. 15
Nembala bagucuka bantfu babuka lapho akhomba ngakhona umlumbi.
Babona vele sidvumbu saMasiphula solomane sinjalo. Eceleni kwaso kulele
labanye bantfu bafile kudzakwa. Umlumbi watsatsa imvubu wabangenela.
Bavuka bonkhe kwaphela tjwala. Kwaphutfunywa emangcwabeni kuyobona
kutsi kantsi ngubani lona longcwatjiwe. Befika emangcwabeni baligubha futsi 20
lithuna, batfola kutsi bangcwabe Mashayakhotse adzakiwe nabo badzakiwe.
Bamkhandza asafe kudzala. Ingabe Puntju wabentani bantfu bakhe?
[Likhasi 55]

4.1.1 Khetsa YINYE imphendvulo. Ligama lelitsi umchamuki lishoni?

A Ngumuntfu lohlala kulendzawo.

B Ngumuntfu lolima kulendzawo.
C Ngumuntfu lofikako kulendzawo.
D Ngumuntfu losebenta kulendzawo. (1)

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 17 DBE/2021
SC/NSC

4.1.2 Ngukuphi lokwentiwa nguPuntju kutsi tihlobo taMasiphula tati

ngekufa kwakhe? (1)

4.1.3 Ngusiphi sizatfu lesenta kutsi umlumbi abuye ekuseni atfole

sidvumbu solo singakangcwatjwa? (2)

4.1.4 Nguyiphi inkinga lebatitfola bakuyo ekugcineni kwalendzaba? (2)

4.1.5 Nguyiphi imbangela leyenta labomake bale kugeza sidvumbu

saMasiphula? (2)

4.1.6 Kuliciniso nobe kuliphutsa kutsi Masiphula bekanganaye umfati

nebantfwana? Sekela imphendvulo yakho. (2)

4.1.7 Kuyangani kutsi Masiphula angabi nemali yekutingcwaba agcine

angcwatjwe ngumlumbi? (2)

4.1.8 Chaza lokungakalindzeleki lokwenteka esiphetfweni salendzatjana. (2)

4.1.9 Sento salabantfu sekunatsa tjwala sibe namuphi umtselela? (2)

4.1.10 Ngusiphi sifundvo lesifundvwa bantfu ngekunatsa tjwala

kulendzatjana? (2)

NA

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 18 DBE/2021
SC/NSC

4.2 'TIGA TAGEZEPHI' – JJ Ncongwane

Fundza letheksthi bese uphendvula imibuto lelandzelako.

ITHEKSTHI H

'Thishela, phumela ebaleni wenta njani-ke nasekunje. Nati phela titselo taloko
besikadze sikwenta setikhona.' Kusho Gezephi akhomba lapha esiswini.
'Kunjani usihushule?'
'Ngibulale umntfwanami? Cha inkholo yetfu ayivumi nje nakancane. Kantsi
nangaphandle nje kwaloko, mine ngibe ngumbulali kepha wena usale 5
umsulwa?'
'Phela nguwe lokhulelwe, akusimi.'
'Ngikhuleliswe ngubani?'
'Kulungile-ke myekele akhule.'
'Ekhaya ngitawutsi ngikhuleliswe ngubani?' 10
'Tsani ngumalume wakho Shuzi …'
'Kube ngati kahle kutsi akusuye?'
'Phela angeke kulunge kutsi ukhombe mine …'
'Wo, ngeke kulunge kuwe kepha mine kulungile kutsi ngibe nje?
Thishela, liciniso ngeke ulibalekele. Lapha kimi ngitfwele incenye yakho futsi 15
iyakhula …'
'Yebo kepha ngeke kulunge Gezephi …'
'Kantsi ngalesikhatsi uchubeka uphindzelela emahlandla lamanyenti
ungibitela lapha endlini yakho, bewutsi kutawuphetsa ngani? Yini bewukadze
ukuhlelile ngelikusasa lami?' 20
'Gezephi, wena utifake ngemabomu kulenkinga. Wena kube bewucabangela
likusasa lakho, ngabe awukavumi kubamba sisu ngobe bewati kahle
kamhlophe kutsi mine nginemfati wami …'
'Hhayi-ke kulungile thishela nangabe lamuhla sewusho njalo. Sengiyahamba-
ke kepha ngitsandza kukushiya nalamavi latsi, nyalo sengiyokwenta nome 25
ngabe yini kuze ngitikhiphe kulenkinga lesengingene kuyo. Ngitakwenta intfo
lengeke ikunike kuthula nekuphumula uze uyofa. Sengiyabona, kusho kutsi
mine lapha emhlabeni ngadalelwa kuhlukunyetwa …' Kusho Gezephi
asukuma kusofa akhala ayowuphuma emnyango. Waphuma emnyango
Gezephi sivalo wasishaya kakhulu. 30

[Likhasi 43]

4.2.1 Yini leyenta kutsi Gezephi ashiye bomkhulu nagogo wakhe

ayofundza eDlamvuzo? (1)

4.2.2 Lenkhulumo yaGezephi letsi, 'Cha inkholo yetfu ayivumi nje

nakancane' ikhomba kutsi bekakholelwa kuyiphi inkholo? (1)

4.2.3 Ngusiphi sizatfu lesenta kutsi malume Shuzi angamangalelwa

ngesento sakhe lesibi lasenta kuGezephi? (1)

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 19 DBE/2021
SC/NSC

4.2.4 Nhloboni yeludvweshu lolutfolakala kuletheksthi? Sekela

imphendvulo yakho. (2)

4.2.5 Sento saKhoza sekutsi Gezephi akatjele bakubo kutsi ukhuleliswe

ngumalume Shuzi simveta angumuntfu lonjani ngekwesimilo?
Sekela. (2)

4.2.6 Kuvela kwendzaba yekutsi Gezephi ukhuleliswe nguthishela Khoza

kungaba namuphi umphumela? Bhala KUBILI. (2)

4.2.7 Phawula ngalamavi lashiwo nguKhoza latsi, 'utifake ngemabomu

kulenkinga'. (2)

4.2.8 Kutsandzana kwaKhoza naGezephi bekutawufaka umka Khoza

kuyiphi ingoti? Bhala KUBILI. (2)

4.2.9 Itsini ingcikitsi yalendzatjana? Sekela imphendvulo yakho. (2)

4.2.10 Ngabe kukhona lokufundvwa bantfu labasha kulendzatjana?

Sekela imphendvulo yakho. (2)

SAMBA SESIGABA C: 35

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 20 DBE/2021
SC/NSC

SIGABA D: TINKONDLO

UMBUTO 5: EMATFUNDVULUKA – BB Malangwane

Phendvula TOTIMBILI tinkondlo lekubutwe ngato.

5.1 Fundza letheksthi bese uphendvula imibuto lelandzelako.

SIHLUTFULELO – JJ Ncongwane

1 Inhlitiyo iyachichima,
2 Ngekudzabula tintsaba netintsatjana,
3 Ngihulukushela nasemaweni,
4 Ngiphikelela kuyohlutfula sihlutfulelo,
5 Lomuhla ngitishaya sifuba,
6 Ngisitfolile sihlutfulelo.

7 Ngineligugu ngalesihlutfulelo,
8 Ngitawuvula tinkanankana te-Afrika,
9 Nobe sebangidzele bonkhe,
10 Sengite nendzawo yekufihla inhloko,
11 Ngitasidvonsa sitfongwana.

12 Ete walahleka,
13 Ete waguga,
14 Ete wangishiya,
15 Ete ngakulahla,
16 Utangondla ngite ngife.

17 Sivumelwano sami nawe

18 Singesheya eMelika,
19 Kulapho la ngahlutfula
20 Ngesihlutfu sihlutfulelo,
21 Uluju lomuhla.
22 Nobe kungeta imikhovu ngilele,
23 Ete ngashaywa yinyoni,
24 Lutsandvo lwami nawe ludze,
25 Ete balucedza bomonase,
26 Ngawe sengiphehlelelwe.

5.1.1 Lenkondlo lengenhla iluhlobo luni? (1)

5.1.2 Khetsa YINYE imphendvulo. Hlobo luni lwemvumelwano

ledvwetjelwe emgceni we-4 newe-6?

A Imvumelwanosigcino leyecako.
B Imvumelwanomkhatsini leyecako.
C Imvumelwanosicalo leyecako.
D Imvumelwanosicalo yankhamisa. (1)

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 21 DBE/2021
SC/NSC

5.1.3 Itsini iphethini yalemigca lengentasi?

'Nobe sebangidzele bonkhe,

Sengite nendzawo yekufihla inhloko' (2)

5.1.4 Khokha imigca endzimeni ye-3 leneluchumano uyibhale phasi usho

nekutsi hlobo luni lweluchumano. (2)

5.1.5 Bhala bunkondlo lobukulemigca lengentasi. Sekela imphendvulo

yakho.

'Sivumelwano sami nawe

Singesheya eMelika' (2)

5.1.6 Chaza ngalokujulile kutsi sonkondlo bekatsini ngalomugca

longentasi?

'Utangondla ngite ngife.' (2)

5.1.7 Sonkondlo bekakusiphi simo semoya nakabhala lenkondlo

lengenhla? Sekela imphendvulo yakho. (2)

5.1.8 Loku lokushiwo ngulemigca lengentasi kushoni? Sekela

imphendvulo yakho.

'Lutsandvo lwami nawe ludze,

Ete balucedza bomonase,
Ngawe sengiphehlelelwe.' (2)

5.1.9 Sonkondlo bekayitsandza imfundvo. Sekela lombono

ngekucaphuna umugca lofakazela loko endzimeni ye-7. (2)

5.1.10 Ngabe sihloko senkondlo siyahambelana yini naloko lokushiwo

yinkondlo? Sekela. (2)

NA

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 22 DBE/2021
SC/NSC

5.2 Fundza lenkondlo bese uphendvula imibuto lelandzelako.

NASENGIKHATSELE – JJ Thwala

1 Nasengikhatsele ngaphela nya,

2 Imikhono yami seyitsambe bhece,
3 Emehl' ami asavaleke ngci,
4 Imicabango yami seyiphelile,
5 Umoya wami awukapheli,
6 Imphilo yami ayikagcini
7 Ngigcinekile nje kulelikhasi,
8 Akusilo likhasi lami lekugcina.

9 Ngifihleni ngasemfihlakalweni yemabhuke,

10 Ngibekeni kulendlu legcin' emabhuku,
11 Lapho ngitawuphumula khona kulesibhuku,
12 Siphuku sami singigcine lapho,
13 Ningangehlukanisi nebantfu,
14 Ngive bantfu bangibuta tintfuli,
15 Batsi bhu bhu bhu!

16 Ngifihleni emfihlakalweni yemicabango,

17 Imicabango yami yembuleleke lemfihlo,
18 Yekucondz' imicondvo yemaBhunu,
19 Ngibhukule ngishone kulela lemabhuku,
20 Ngilale ngibhek' etulu kulemimoya
21 Ngiv' emabhuku angibhudzisa ngedvwa,
22 Atsi bhu bhu bhu!

23 Ngitfwaleni ngemaphepha ningiphephise,

24 Ningicamelis' etikwemabhuku ngiphumule,
25 Ngiphumule kucabanga ngemabhuku,
26 Ningibeke dvute nelibhuku lelikhulu,
27 Lelavul' emehlo ami emoya,
28 Umoya wam' uyavuma kakhulu,
29 Ngiv' umoy' ungiphephets' enhloko,
30 Utsi bhu bhu bhu!
[Likhasi 10]

5.2.1 Bhala bunkondlo lobusemgceni we-16 newe-17 kulenkondlo

lengenhla?

(Khetsa YINYE imphendvulo).

A Luchumano loluvundlile.
B Luchumano loluphambene.
C Luchumano mkhatsini.
D Luchumanosigcino. (1)

Emalungelo agodliwe Phenya

Siswati Lulwimi Lwekucala Lwekwengeta (FAL)/P2 23 DBE/2021
SC/NSC

5.2.2 Hlobo luni lwesifanamsindvo loludvwetjelwe emgceni we-12

kulenkondlo? (1)

5.2.3 Bhala phasi bunkondlo lobuvetwa ngemagama lacindzetelwe

emgceni we-15. (1)

5.2.4 Bunkondlo buni lobudvwetjelwe kulemigca lengentasi?

'Ngibekeni kulendlu legcin' emabhuku,

Lapho ngitawuphumula khona kulesibhuku' (1)

5.2.5 Sinongo sini lesivetwa ngulemigca yenkondlo lengentasi? Sekela

imphendvulo yakho.

'Ningibeke dvute nelibhuku lelikhulu,

Lelavul' emehlo ami emoya' (2)

5.2.6 Sonkondlo bekachazani ngalomugca longentasi? Sekela

imphendvulo yakho.

'Nasengikhatsele ngaphela nya' (2)

5.2.7 Bhala lokushiwo ngulendzima lelandzelako.

'Nasengikhatsele ngaphela nya,

Imikhono yami seyitsambe bhece,
Emehl' ami asavaleke ngci,
Imicabango yami seyiphelile,
Umoya wami awukapheli' (2)

5.2.8 Sonkondlo bekangumuntfu lokholwako. Sekela lombono

ngalokushiwo enkondlweni. (2)

5.2.9 Nguwuphi umlayeto lesetfulelwa wona ngusonkondlo? Sekela

imphendvulo yakho. (2)

5.2.10 Uyavumelana yini nalombono lotsi sonkondlo bekakutsandza

kufundza? Sekela lombono ngemigca LEMITSATFU
lesenkondlweni. (3)

SAMBA SESIGABA D: 35
SAMBA SAKO KONKHE: 70

Emalungelo agodliwe